شوف هو إحساس الرغبة فِ الطرف الأخر ده طبيعي ومش إحتياج يكسف او حاجة تمام كده، بس ربنا حطه تحت إطار مُعين وهو الزواج عشـان ده اللي ربنا عالم إنه أصلح لعباده صح كده... انت اللي عليك إنك تسعى و هنا أقصد إنك تسعى في دراستك وكمان، انك تشتغل عشان تقدر تجهز نفسك وتتجوز بدري لإن سن الزواج لو إتأخر ده هيتعبك انت فاهم، وبخصوص نقطة السعي حاول إنك تكون أقرب نموذج للبنت اللي عاوز تتجوزها: يعني مثلا إنت عاوز البنت اللي تتجوزها تكون بصفات مُعينة حاول إنت كمان تكون كده مثلا في كونها تعرف دينها وتقوم بواجباتها وهكذا نفس الكلام ليك بردُك تكون عارف إيه واجباتك وتقوم بيها ومثلا الثقافة،الرياضة وهكذا... اللّه ينور عليك فِـ كونك مش بتملى عقلك بـ محتوى السوشيال ميديا او التلفزيون لإن فِـ الأول و في الأخر ده تمثيل...
طب انا عندي مشكلة تانية اني ممكن اتعلق ببنت زميلتي في الكلية بسبب انها في صفات بتشدني وهنا اقصد انها مثلا هادية ومحترمة وجميلة وفيها قبول الصفات دي لما بلاقيها في حد بركز معاه لا اراديا كدا ، وانا بحاول اغض بصري واتجاهل بس صعب للاسف بسبب اني في صيدلة ومعظم دفعتي بنات ومعايا في المحاضرات والمعامل وخايف اتعلق ببنت او ارتبط ببنت ودي علاقات محرمة طبعا ومش هاخد منها غير التشتت واخرتها مش حلوة
تم النشر الجمعة، ١٠ أكتوبر ٢٠٢٥
لعرض الإجابة في فدني اضغط هنا