تم حذف هذا السؤال
السلام عليكم، اولا ربنا يعينك ويقويكِ على تخطي الابتلاء ده عاجلا غير آجلا. أنا قرأت ردودك على أستاذ عصمت ومشكلتك كلها تتلخص في يأس وجلد ذات شديد. مش بستخف بذنبك أكيد بس الناس اللي وقعت في كبائر تعمل إيه بقى؟ ** مينفعش خالص تقنطي من رحمة ربنا مهما كان ذنبك عظيم، القنوط ده ربنا ذكره في القرآن ملازم للكافرين والضالين. (ومن يقنط من رحمة ربه إلا الضالون) (إنه لا ييأس من روح الله إلا القوم الكافرون) فلا أعتقد إنك تحبي تكوني في أي فئة منهم. *** الشيطان مستغل إحساسك بالذنب وعمال يوسوس لك عشان يحسسك بالضياع وإن مفيش أي أمل لك فكملي في الانحدار للنهاية لحد ما يضيع عليكِ دنياك وآخرتك. خليك أذكى وانتصري عليه في الحرب دي. *** ومتفكريش في إن فلانة هتكون أحسن عشان حافظت على نفسها، (رُب ذنب أورث ذلا وانكسارا خير من طاعة أورثت عجبا واستكبارا" أنتِ ليه تحسبيها بمقاييس البشر؟ إيه يمنعك تكوني أفضل في الدنيا والآخرة إن شاء الله؟ تفتكري أنتِ لوحدك اللي أذنبتِ؟ فيه ناس وقعت في أكبر الكبائر وتابوا وبقوا أحسن كتير والتزموا بطريق ربنا. *** ناس كتير عندها ماضي، بس الماضي صفحة واتقفلت. درس قاسي واتعلمت منه، ولو فضلت باصة عليه مش هتتقدمي في حياتك. ارميه من على كتافك يا حبيبتي وركزي في الجاي. ** الغي التيك توك خالص ما دام بتجيلك فيديوهات تهز يقينك برحمة ربنا. تابعي دعاة محترمين يساعدوك تثبتي على طريق ربنا. متسمعيش لكلام الشباب المتخلف ده ولا تقلقي من ناحية الزواج. ** نقطة أخيرة، شرعا زوجك المستقبلي ملوش حق يعرف ماضيك مهما كان ولا تهتكي ستر ربنا عليكِ بإنك تحكي له.. ده حكم الشرع مش كلام وخلاص. ** استعيني بالله كده وقومي استغلي يوم الجمعة والأيام المباركة دي في إنك تتوبي وتسألي ربنا مغفرته وهدايته ومهما وقعت افضلي قومي ولا تيأسي أبدا. ربنا معك
تم النشر الجمعة، ٢٢ مايو ٢٠٢٦
و عليكم السلام ، و من مننا لا يذنب و من مننا يخطئ و من مننا كامل و من مننا معصوم من الخطأ ومن مننا خلق لغرض آخر غير العبادة و الاتغفار و التوبة و الوقوع في الخطأ ثم العبادة و التوبة ، فهو ليس طريق مستقيم نسير عليه و عندنا نعود لنقطة منه سيئة نكون قد عدنا إلى الوراء ، بل هي حلقة متصلة نمر بها مرارا و تكرارا على مدار حياتنا ، إلى ان نلتقي برب كريم عفو غفور ، ذنبك ليس في ارتكابك للذنب بل في رفضك لنفسك بعد ارتكابك له ، و ضعتي على عاتقك ان تكوني ملاك في حين انك بشر و لكي تتقبلي هذه الحققه فيجب عليكي دراسة ماهية البشر ، اتجاه الشخص للعادات السيئة بسبب سوء نشأته هو امر طبيعي و وارد و شائع ، فعلى ماذا تلومين نفسك ، على انك بشرية ؟ على انك طبيعية ؟ ، هذا لا ينكر سوء العادة و ان التعافي منهم امر مهم و من الحلول لذلك الف حل ، لكن الاعتقاد ان الحل لن يعود بإنتكاسه و ان مرحلة التعافي هي خط مستقيم هذا ايضا اعتقاد خاطئ ، فالتعافي هو حلقة من المحاولات المتكررة الصحية للتخلص من شئ غير مرغوب فيه ، ولكن الفشل في ذلك مرة لا يعني انها اصبحت امر حتمي في حياتنا ، زيدي وعيك عن ما انتي و مما تتكونين حتى لا ترهقي نفسك بإسقاطات و توقعات مثالية غير حقيقية ، و بالتوفيق 😊
تم النشر الجمعة، ٢٩ مايو ٢٠٢٦
بصي يا بنت الحلال لازم تعرفي إن باب ربنا دايما مفتوح ومفيش ذنب أكبر من رحمته وكلنا بشر وبنغلط والاعتراف بالغلط هو أول خطوة في العلاج فبلاش تقسي على نفسك لدرجة تدمير حياتك وجلد الذات المستمر مش هيصلح الماضي بل بالعكس هيخليكي تبعدي أكتر عن الحاجات الحلوة زي حفظ القرآن وصحابك الطيبين اللي سبتيهم عشان كدة دلوقتي تمسحي كل التطبيقات المجهولة دي حالا وتقفلي الطريق ده تماماً واقطعي أي حاجة بتجرك ليها واملي وقت فراغك ومتقعديش لوحدك كتير لأن الفراغ والوحدة هما السبب الأساسي وارجعي لصاحباتك الكويسين ومتقوليش أنا مكسوفة من ربنا بالعكس روحي لربنا وهو اللي هيعينك وارجعي للقرآن حتى لو صفحة واحدة في اليوم عشان قلبك ينور والفيديوهات اللي بتظهرلك دي نتيجة بحث قديم فكل ما يظهرلك فيديو مش كويس اعملي غير مهتم واتفرجي على حاجات تانية عشان التليفون يغير اللي بيعرضهولك وافتكري دايما إن فكرة الموت دي مش حل خالص ده هروب وإنتي لسه صغيرة وعندك عشرين سنة يعني حياتك قدامك وتقدري تبدأي صفحة جديدة ونظيفة تماماً من دلوقتي وربنا يقويكي ويصلح حالك.... والفديوهات اللي بتظهرلك ليها كذا حل .. انتي على اي منصه ؟؟
تم النشر الجمعة، ٢٢ مايو ٢٠٢٦
وعليكم السلام ورحمة الله. أنا آسفة جدًا إنك بتمري بكل ده، وأنا فاهمة إنك حاسة بالذنب والوحدة واليأس، وده طبيعي بعد اللي مريتي بيه. أنتِ مش لوحدك، وفي طريق للخروج من الدوامة دي. ابدئي بخطوات صغيرة وعملية: توبي إلى الله بصدق، وادعي ربنا يساعدك ويثبتك، فالتوبة بتمحي الذنوب. ارجعي لحفظ القرآن تدريجيًا، حتى لو آية أو آيتين يوميًا، ده هيملأ قلبك نور ويبعدك عن الفراغ. احذفي التطبيقات المجهولة دلوقتي، واستبدلي الوقت ده بنشاط مفيد زي رياضة خفيفة أو قراءة أو هواية. لو الإحساس باليأس والرغبة في الموت مستمر، ما تتردديش تطلبي مساعدة متخصصة. في فدني خبراء نفسيين ومرشدين يقدروا يساعدوكِ بشكل أعمق، شوفي صفحة الخبراء: https://www.fedni.net/experts ابحثي كمان عن أسئلة مشابهة في فدني، هتلاقي تجارب ناس تانية ونصائح مفيدة. أنتِ قادرة تتغلبي على ده، وأنا هنا أسمعك وأدعمك في أي وقت. خدي خطوة صغيرة النهاردة، وربنا معاكِ.
تم النشر الجمعة، ٢٢ مايو ٢٠٢٦
اكيد انتي محتاجه حد يفهمك يكون جنبك ويدعمك وينصح بالصح ديما ويكون معاكي في أصعب الأوقات بس يكون حد ثقه ده حل مشكلتك
تم النشر الأربعاء، ٢٧ مايو ٢٠٢٦
لعرض السؤال في فدني اضغط هنا