هل أوافق على عريس تقدم لي وأنا خرجت لتوي من علاقة مؤذية سابقة؟

Question

السلام عليكم. هو انا حكيت حكايتي قبل كده الحقيقه ان انا كنت خارجه من علاقه يعني الشخص الطرف الثاني يعني هو اللي سابني فيها وسابني بطريقه مش كويسه وكده يعني. الحوار اللي احنا مكناش مكملين مع بعض كثير ولا حاجه ولا انا حبيته مثلا كانت علاقه رسميه يعني على فكره ما حبيتوش ولا أي حاجه كان اعجاب يعني هو إعجاب بالشخص وبوظيفته وبس يعني وهو كويس إعجاب. المهم ان انا يعني المفروض دلوقتي ان انا اتناساه بحاول والله بس المشكله ان انا بين فتره والثانيه كل ما أفتكره أفضل أعيط وايه اعيط جامد يعني بانهيار وكده وكل ما يتجاب سيرته بس قدامي كده ابقى زعلانه او النهارده مثلا سمعت صوته لان كان بيكلم واحد وصاحبتي وانا بكلمها في التليفون يعني فانا سمعت صوته فعيطت غصب عني وعرفت انه ماشي في موضوع خطوبه كده فانا اتضايقت وزعلت وبرضه كان ده عامل المهم ان هو خلاني عايز اول لما سمعت صوته برده. المهم دلوقتي انا متقدم لي شخص شخص محترم ويعتبر اصلا صاحبه بس شغال في مكان ثاني غير المكان اللي هو شغال فيه ونفس المؤهل وكل حاجه ومحترم جدا برده يعني المهم إن أنا لسه ما اتخطتش المرحله الاولى فأنا مش عارفه هل هو صح إن أنا أفكر في الشخص التاني ده وادي له فرصه ولا ما ينفعش اصلا اقعد مع حد او اخذ قرار زي ده دلوقتي أنا مش عايزه اكون بظلم نفسي ومش عايزه أكون بظلم حد برده بس حتة إن أنا اظلم حد انا عمري ما هعملها يعني انا لو ما ارتحتش مش هوافق لو ارتحت هوافق فأنا مش عارفه آخد قرار برده.

Accepted Answer

السلام عليكم ورحمه الله وبركاته زي ما انت قلتي الموضوع كان قصير الموضوع كان مجرد إعجاب كان شخص متقدم كان كويس ممكن بس كل الحاجه اللي انت مش قادره تتخطيها هو الطريقه اللي هو ساب بيها او انك حسيتي وكانك اترفضتي او كأنه قال لا انا خلاص مش عاوزها فانت قدام الفكره دي مش قادره تتخطي وكل لما بتسمعي صوت الشخص او سيرته بتيجي انت بتفتكري انه كأن في حد قال انا خلاص مش عايزها فإحساس الرفض او احساس انه في حد سابني هو بس الفكره اللي وجعاكي فمش الشخص اللي وجعك مشانك مش قادره تخطي الشخص حتى الفكره دي عموما وبالظروف اللي انت حكيتيها دي مفيش اي مشكله خالص انك يعني تقبلي انك تقعدي مع شخص متقدم و تبدئي تقيميه اذا كان مناسب لك ولا مش مناسب. في قبول ما بينكم ولا لا واذا كان في قبول تتخطبوا وما فيش اي مشكله خالص انا مش شايفه اي تعارض الفكره لوحدها هتروح بمجرد ما انت تلاقي في شخص ثاني انتوا بتحاولوا تشوفوا اذا كنتوا متقبلين بعض ولا لا بكل بساطه الامر بقى بتاع انك مش قادره تتقبلي إنه في حد قال خلاص انا مش عاوز هي دي اللي انت محتاجه تشتغلي فيها مع نفسك شويه يعني بعيدا عن انك قابلت الشخص اللي متقدم ده او لا لكن الحته دي انت محتاجه يعني تقوي نفسك فيها اكثر من كده. .

Answer

السلام عليكم، أعتقد مفيش مشكلة تعطي الشخص الثاني فرصة وتقعدي معه وتتعرفي على شخصيته، ممكن قوي يكون شخص كويس ومحترم ويقدرك وتكتشفي إنه فعلا الشخص المناسب يكون زوج هيقدرك ويعزك. أنتِ أساسًا قلتِ مكنش في حب ناحية الشخص الأول، انهيارك وتأثرك وإنك مش قادرة تتجاوزي فده بسبب الموقف نفسه مش بسبب الشخص، بسبب الجرح اللي حصل لك وألمكِ لنفسك وإزاي حد يتصرف معك كده. كل ده إن شاء الله هيروح مع الوقت، لو كنتِ بتحبيه وفيه تعلق مرضي مثلا وقلبك متعلق بشخص كنت هنصحك تتريثي ومتحاوليش تتعافي من حب بشخص تاني لأن ممكن قوي تظلمي طرف جديد ملهوش ذنب، لكن حالتك مختلفة وباعتقادي هو مجرد وجع على نفسك وكرامتك مش أكتر. فانسي الموضوع خالص وخلي الوقت والزمن يعالجوا المشاعر دي لكن في نفس الوقت اللي بيتم فيه التعافي أنتِ منشغلة عادي بحياتك وبتطوري من نفسك كل يوم وتتقدمي في شغلك وحياتك وكمان بتتعرفي أكثر على الشخص الجديد ومن غير ما العاطفة تعميكِ، حاولي تحكمي صح وتشوفي فعلا إذا يستحق يكون زوج تبني معه أسرة وتنشئي بيت ولا لأ. بالتوفيق إن شاء الله.

Answer

وعليكم السلام ورحمة الله وبركاته، أفهم تمامًا مشاعرك وما تمرين به من صراعات داخلية بعد تجربة العلاقة السابقة. من الطبيعي أن تشعري بالانزعاج والحزن عند تذكر تلك العلاقة، خصوصًا إذا كانت نهايتها غير جيدة. إن المشاعر التي تنتابك هي جزء من عملية الشفاء، وتحتاجين بعض الوقت لتجاوزها. الخطوة التي تقومين بها الآن بالتفكير في علاقة جديدة مع شخص محترم هي خطوة جيدة، ولكن من المهم أن تأخذي وقتك في التفكير في مشاعرك تجاهه. إذا كنتِ تشعرين بأنك لم تتخطي بعد المرحلة الأولى من العلاقة السابقة، فمن الأفضل أن تعطي نفسك المزيد من الوقت. يجب أن تعرفي أنه لا بأس من التردد وأن تكوني صادقة مع نفسك ومع الشخص الذي تتواصلي معه. يُفضل أن لا تتخذي قرارات سريعة بناءً على مشاعر تعصف بك بسبب الماضي. يمكنكِ التعرف على هذا الشخص بشكل أعمق ومعرفة ما إذا كانت مشاعرك تجاهه تنمو بشكل طبيعي. إذا شعرتِ بارتياح تجاهه رغم مشاعرك الحالية، يمكنك المضي قدمًا بلطف، ولكن احرصي دائمًا على التحقق من مشاعرك. تذكري أن العدل مع نفسك ومع الآخرين هو في الاستماع لما يحتاجه قلبك وعقلك في هذه اللحظة. استفيدي من هذه الفترة في التركيز على نفسك، واهتمي بما يسعدك ويبعث الهدوء في قلبك، فهذا سيساعدك على الشفاء ويتيح لك الفرصة لبدء علاقة جديدة تكونين فيها أكثر استعدادًا. أتمنى لك التوفيق في مسيرتك القادمة.

هل أوافق على عريس تقدم لي وأنا خرجت لتوي من علاقة مؤذية سابقة؟

اجتماعية

نفسية

زواج

سؤال من احد أعضاء فدني

تم النشر الجمعة، ٢٥ أبريل ٢٠٢٥

3 إجابة

18 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك