السلام عليكم ورحمه الله وبركاته
عندي مشكله وخايفه منها على ماما لان ماما علي نيتها اوي ومش بتحب تزعل حد فعمامي مش كويسين ولادهم برضوا واحنا صغيرين واحد فيهم حاول يت*عدى عليها بس ماما بعيد عنها وهي معرفتش حد لحد دلوقتي مفيش الا انا اللي اعرف
ومن اسبوع كان عايز يطلع لها وماما بتغسل الملابس وانا مش عارفه اقول لها مدخلش حد البيت لان هما بيجوا ومحدش في البيت خالص غير إن ماما ماشاء الله جميله وكل اخواتي في المدارس وبابا في الشغل ومش عارفة اتصرف إزاي لان عمي كل ما ياجي عايز مامتك ويسأل هي لوحدها ولا لا وانا كل مره اقول مش موجوده مش عارفة اقول لماما اي حد يفيدني
وعليكم السلام الوضع ده مينفعش نقول فيه مش هقدر اقول لحد ...خصوصا لو حصل موقف سابق ...دى حاجات خطوورتها كبيرة انتى ممكن تقولى بطريقة غير مباشرة بس تقولى لماما ...احنا كبرنا يا ماما وانا بقيت اتكسف من عمامى او اى رجال حتى لو اقارب فياريت بابا او حضرتك تعرفوهم ان البنات لو ف البيت لوحدهم او حتى لو حضرتك موجوده واحنا بنات بس كلنا ف البيت يبقى بلاش حد يجى ويقعد وكمان ده انا عرفت انه حرام ولو قولنا على الاصول فهو عيب بردوا قوليلها انك بتقرأى فى الاخبار ان ممكن تحصل حاجات وحشة بسبب الشيطان ومش لازم الشخص يكون وحش طول الوقت لو مقدرتيش تقولى ...اكتبيلها الكلام فى ورقة واديهولها
تم النشر الاثنين، ١٥ سبتمبر ٢٠٢٥
قولي لمامتك كده في قاعدة صفا .. اقعدي معاها و قوليلها كده يا ماما انا عايزة اقولك حاجة و اتمني تسمعيني و تاخدي بالك و متزعليش مني ... و هاتي انتي و هي شاي و قوليلها براحة يا ماما عمي فلان ده انا مش مرتاحاله بيعمل كذا كذا و بيسأل عليكي و شكله ناوي الشر و دي كلها علامات مش كويسة و هو شايف انك ست طيبة و علي نياتك اوي و هو بيحاول يستغل ده ف لو جه تاني هنقفل الباب و هنقول مفيش رجالة في البيت مينفعش تدخل و متتكسفوش و قوليلها ان الكلام ده كبير و مينفعش لازم ناخد حذرنا .. و قوليلها ما بينك و بينها علي موقف الاعتداء ده وانك مش مرتاحالهم لكن متقوليش لوالدك او اخواتك لأنك ممكن تتاذي و لو مش حابة تقوليلها ع الموقف ده مفيش مشاكل ... لكن دي مشكلة كبيرة و الصراحة مع مامتك هي الحل .... نفترض بقي ان مامتك مسمعتش كلامك او كانت ست مش بتتقبل الرأي الاخر .. لما عمك يجي هتقفي جمب مامتك مش هتتحركي و مش هتسيبيها لانه باين عليه راجل ملوش امان ... خليك زي ال bodyguard كده ولو حاول يعمل اي حاجة صوتي صوتي والله مبهزر و لمي الجيران ... و يا حبذا بقي لو قدرتي تسجليله صوت في الخفاء كده و هو بيسأل علي مامتك او تصوريه فيديو اي دليل معاكي في الجيب توريه لمامتك و يبقي ضامن ان محدش هيقدر يكذبك ... صوري اي فعل مريب منه ... بردو ممكن تقولي لباباكي لو معاكي دليل ... بس اوعي اوعي تقولي لاخوالك لأنهم هيخافو علي اختهم وادي دقني لو شفتي امك تاني بعد ما تقوليلهم ... يا هياخدوها عندهم .. ي انتي عارفة هيعملو اي .. مش عايزة اخوفك بس خدي القرار الصح
تم النشر السبت، ١٣ سبتمبر ٢٠٢٥
وعليكم السلام ورحمة الله وبركاته يا حبيبتي، أنا آسفة جداً لسماع هذا الموقف الصعب والقلق اللي أنتِ فيه على ماما، وأتفهم تماماً خوفك عليها وحرصك على سلامتها وراحة بالها. أولاً، خليني أقول لك إن حماية ماما وأمان البيت من أولوياتك، ولا تقلقي أبداً من التعبير عن هذا القلق، لأن سلامتها أهم من أي شيء ثاني. إليك بعض النصائح التي قد تساعدك في التعامل مع الموقف: تحدثي مع ماما بحنية وصراحة حاولي تختاري وقت تكون فيه ماما هادية وفاضية، وقولي لها إنك قلقة عليها بسبب ما لاحظتيه من تصرفات أعمامك ولادهم، وإنك تحبي تحميها وأمان البيت. أكدي لها إن الكلام يأتي من مكان الحب والاهتمام وليس لجرح مشاعرها. اقترحي وضع حدود واضحة من حق ماما أن ترفض دخول أي شخص يشعرها بعدم الأمان، خاصة وإن البيت مش حاضر فيه أحد غيرها. يمكن أن توضعي قواعد بسيطة مع ماما إن باب البيت يفتح فقط لما تكون مع أحد، أو أنما تكون هناك أشخاص يمكن الثقة بهم. تواصلي مع الأب أو شخص آخر موثوق إذا كان ممكن، جربي تحكي مع والدك أو قريب موثوق يساعد في حماية البيت، أو على الأقل يعرف الموقف ويكون مستعد يتصرف لو ظهر خطر. استخدمي وسائل حماية إذا كان البيت عندكم فيه هاتف أو جرس أو حتى كاميرا أمان بسيطة، يمكن تساعد في مراقبة من يدخل. وأيضاً ممكن أن تترتيبوا مع الجيران أو أحد الأقارب إنهم يطمنوا على ماما من وقت لآخر. أخبرِي ماما كيف تتصرف في مواقف الضغط علميها تقول "لا" بحزم لأي شخص يحاول يدخل البيت لوحدها، وإنها تسمع حد ثاني إذا ما كانش مرتاحة. ابقي حذرة لا تقومي بمواجهتهم وحدك، ولا تخسري مرونة العلاقة عشان سلامة ماما الأهم. ولا تنسي دائماً أن الأمور الشخصية ما تتكلم عنها إلا مع أشخاص تثقي فيهم جداً. وأخيراً، أنتِ بالفعل تقومين بدور كبير في الاهتمام والحرص وهذه من صفات البنات اللي ربينا عليها، فكوني واثقة إنك تسعين للحفاظ على سلامة بيتكم وأمك. وإن احتجتِ مساعدة إضافية أو نصائح، يمكنك دائماً أن تتواصلي مع خبراء متخصصين في "فدني" للدعم النفسي، هم على استعداد ليساعدوك بخبراتهم. لا تترددي ترجعلي لأي استفسار أو توضيح، وأنا معاك دائماً، ذكية 💕
تم النشر السبت، ١٣ سبتمبر ٢٠٢٥
لو ابوكي هادي قولي له عمي بيسأل عن أمي وبيقول هي لوحدها ولا لا ! .. وممكن تقولي لخالك المهم يكون حد هادي ومش متسرع عشان ميزيدش المشكلة .. وكمان حذري والدتك ولما عمك ييجي خليها متفتحش الباب وتقول له بلهجة حاسمة ان مفيش دخول لو البيت مفيهوش غير ستات .. لكن متقوليش انتي عشان متتأذيش لأنك أسهل انه يأذيكي بحكم انك اكثر في الخروج
تم النشر السبت، ١٣ سبتمبر ٢٠٢٥
لو عمل كده تاني حاولي تسجلي من التليفون و هو بيقول كده ف حالة لو محدش مصدق
تم النشر السبت، ١٣ سبتمبر ٢٠٢٥
ان كان فعلا له نية سيئة فده هيكون بسبب طيبة والدتك اتجرأ
تم النشر السبت، ١٣ سبتمبر ٢٠٢٥
نبهي مامتك باللي بيحصل على الاقل تاخد حذرها
تم النشر الأحد، ١٤ سبتمبر ٢٠٢٥
عرفي باباكي
تم النشر الأحد، ١٤ سبتمبر ٢٠٢٥
اولا باباكي لازم يعرف ايا كان رد فعله ايه هو هيتصرف كراجل و هيتصرف و هو مراعي انه اخوه لحد دلوقتي لكن لو لا قدر الله عرف متاخر او عرف بفضيحه مش هيراعي ان ده اخوه و لا ان دي زوجته ، كل تاخير في انه يعرف بيكبر حجم المشكله ، ثانيا والدتك لازم تكون اكثر حده و بالبلدي تبين انيابها و متبانش مكسوره و لا خايفه ع البيت عشان تقدر توقف كل واحد عند حده
تم النشر السبت، ١٣ سبتمبر ٢٠٢٥
حاولى فهميها فى وقت مناسب واقنغيها انها مدخلش حد منهم وانت من ناحيتك ادام انتى عارفة احميها بانك دائما تقولى انها مش موجودة
تم النشر السبت، ١٣ سبتمبر ٢٠٢٥
لعرض السؤال في فدني اضغط هنا