بصوا يا جماعه نزلت ابلكيشن فيه شات كنت داخله باسم مختلف عن اسمي و مكنتش بكلم حد يعني كنت بتفرج على البوستات اللي على الابلكيشن المهم
في حد كلمني من عليه و اتعرفنا على بعض بس انا مش ضامنه الابلكشينز دي فلما يسألني عن اي حاجه عني زي اخواتي مثلا او دراستها ايه او قاريبي كنوع من انواع التعارف كنت بكدب و اقول اي حاجه
المهم انا و هو كنا بنحكي مشاكلنا لبعض و طلعنا من الابلكيشن و بقيت اكلمه من فيك اكونت على ابلكيشن تاني و هو عارف انه فيك يعني و بعدين قولتله خلاص مش هنتكلم تاني و مسحت الاكونت تمام لحد هنا
بعدين رجعت الاكونت تاني بعدها بفتره حلوه بس مبعتلهوش بس لقيته انه كان بيبعتلي في الفتره دي انه مفتقدني و قال انه بيحبني و بقى يشارك معايا كل تفاصيل حياته و انا الحقيقه حبيته و قالي انه احترمني علشان مبعتلهوش صور ليا
دلوقتي هل فعلا ممكن حد يحب حد من غير ما يشوفه او يسمع صوته طيب انا حبيته علشان شوفته و سمعته و اتعاملت معاه هو مشافنيش خالص هل ممكن يكون بيحبني بجد؟
ولا انا عايشه في وهم و هو بيضحك عليا
ولو ده ممكن اعترفله اني كدبت عليه في نص المعلومات اللي يعرفها عني و ابعد و لا ابعد من سكات و لو لينا نصيب في بعض ربنا هيجمعنا
انا اصلا لو اعترفتله و سامحني هبقى مكسوفه منه فاهمني
السلام عليكم ورحمه الله وبركاته دي مش مشاعر حب لاشخاص خالص الحاله اللي انت بتقصي فيها أو الحاجات اللي بتبقى عن طريق السوشيال ميدي هنا انا ما بحبش الشخص لاني اصلا ما عرفتش الشخص فحتى اللي انت بتوصفيه واللي انت شرحتيه ده ده معناه ان هو معجب بالشخصيه اللي هو اتعرف عليها اللي هي كلها اصلا فيك يعني كل تفاصيلها فيك مش انت ولا تصرحيه ولا تكلميه ولا اي حاجه وحتى هو المشاعر اللي هو بيصرح بيها ومفتقد الحاله مش مفتقدك انت شخصيه مفتقد الحاله مع الشخصيه دي اللي بتتكلم معاه وبيكلمها وبيفضه لها وبتفضفضله وافتقد الحاله دي كلها بيحب الحاله دي كلها فقط لا غير هي حاله التواصل اللي هو مش عارف يعملها بره في الحياه الواقعيه وانت كمان مش عارفه تعمليها بره في الحياه الواقعيه فالله هي سهله هنا فجميله وحلوه واحساسها حلو فانسي الكلام ده خالص وبتتقالي هو ده حقيقي ولا وهم لا ده وهم ودي مش حاجات حقيقيه وما تمسكيش فيها ولا تبني عليها اي شيء لانها غير قويه بالشكل الكافي ولا هي صح بالشكل الكافي اللي نقدر نبني عليه اي تصرفات تانيه خالص ما تعمليش اي حاجه.
تم النشر الأحد، ٢٢ يونيو ٢٠٢٥
انصحك بالابتعاد عن هذا كلّه، فهو مجرّد تضيعة للوقت وزيادة السيئات ، وربما سيجرك هذا الى ابواب اصعب ، وإيّاك ان ترسلي صورتك له، مهما كان يبدو لطيف امامك، لا تأمنيه على صورتك، نحن الفتيات عاطفيات وبسهولة نتأثر بالكلام، امّا بعض الرجال فيستغل هذا للإيقاع بالضحية. احذفي الحسابات جميعها، واشكري الله انه لم تشاركي معه تفاصيل خاصة بك، لا تتعمقي في هذا اكثر واستغفري الله وتوبي اليه.
تم النشر السبت، ٢١ يونيو ٢٠٢٥
لا مترجعيش و خليكي ع مبدأك و احتمال ده كان كلام بيكتبه في وقت فراغ حتى لو ااه بيحبك و انتي بتحبيه بس مينفعش ترجعوا لبعض و ما دام انتي قعدتي فترة ماسحة الاكونت و مكنتيش بتكلميه خلاص كملي و حاولي تتوبي و ادعي ربنا لو ليكوا نصيب يكون نصيب بالحلال و ربنا يرزقك الحلال كله
تم النشر الأحد، ٢٢ يونيو ٢٠٢٥
غالبا الناس الي بتبقى زي دي بتبقى بتكلم كذا بنت في نفس الوقت و بتتسلى و انا انصحك تبعدي عنه و لو كان بيحبك فعلا كان قالك ساعتها و كان طلب يشوفك او يتقدملك يعني لاكن ده حتى مسعاش علشان يعرفك على الحقيقه و فضل يتكلم معاكي من اكونت فيك فده كان بيسلي وقته و لما انت بعدتي و مبقتيش تكلميه كل الي عمله انه قال انه مفتقدك يعني كله كلام مفيش أفعال واضحه تدل انه حبك انا عارفه ان الموضوع صعب علشان انت حبتيه بس حاولي تبعدي عنه احسن علشان متتعلقيش بيه اكتر و في الاخر يطلع كان بيتسلى ساعتها هتتعبي اكتر و لو هو بيحبك فعلا و في خير ربنا هيرجعه
تم النشر الأحد، ٢٢ يونيو ٢٠٢٥
ممكن لو اعترفتله يكمل ؟
تم النشر السبت، ٢١ يونيو ٢٠٢٥
.
تم النشر السبت، ٢١ يونيو ٢٠٢٥
لعرض السؤال في فدني اضغط هنا