انا في الشهور الاولي من حملي وتعبانه جدا ضغطي دايما واطي من قله الاكل والم في المعده شديد وخايفه اني مكنش قد مسؤولية الحمل وخايفه اتعب قوي وحاسه إني ضعيفه ومتوتره ودايما زهقانه برغم اني جوزي جمبي ولكن حاسه بضعف ازاي اتغلب ع خوف واعيش حياه هاديه
ده طبيعى جدا بس لايكلف الله نفسا إلا وسعها اقعدى الفتره الحمل اشغلى نفسك واقرى عن التربيه واكتبى وصفات الاكل فالشهور الاولى وجهزى بيتك لاستقباله مش تسيبى نفسك لتفكير السلبى واتغذى علشانك علشان صحتك وعلشانه وثقى فالله وربنا يقومك بالسلامه ان شاء الله
تم النشر الأحد، ٣٠ نوفمبر ٢٠٢٥
بصي انا تمريض وفاهمه اللي انتي بتتكلمي فيه وهقولك أن ده طبيعي جدا يا حبيبتي خصوصاً في أول حمل واول 3 شهور فا متقلقيش نصيحتي ليكي شغل قراءن كتير واسمعيه ده كويس ليكي وللبيبي كلي مكسرات وعسل ابيض وحاولي تشربي مائه كتير لو مش قادره تكلي اكل مش مهم حاليا كلي خضار وفاكهه ومكسرات ده هيفيدك جدا وكمان مش هيبقي تقيل عليكي وحاولي تشغلي بالك بالبيبي لما يتولد هتسميه اي وتجبيله اي ده هيخليكي مبسوطه ومتشوقه الحمل والولاده وانا عارفه انها متعبه جدا بس ربنا خليها للبيت عشان عارف انها هتقدر لأنها قزبه ودي لغبتطه هرمونات طبيعيه وربنا معاكي يا حبيبي واتمني اكون ساعدتك بحاجه
تم النشر السبت، ٢٩ نوفمبر ٢٠٢٥
السلام عليكم، بالنسبة للأعراض اللي عندك فلازم وضروري متابعة مع الطبيبة عشان تطمئني. إحساس الخوف أعتقد طبيعي وأكيد في أمهات كتير مروا به وممكن عادي عرض من الحمل بالإضافة للتوتر والمشاعر المتغيرة. أولا، توكلي على الله واستعيني به، أكثري من الذكر لزيادة الاطمئنان وزيدي يقينك بالله إن كل شيء بيده وكل اللي يكتبه خير فمفيش داعي للقلق والخوف... كرري ده على نفسك كل يوم لحد ما تتيقنيه في نفسك وقلبك. تقبلي مشاعرك وتفهمي التغيرات اللي بتمري بها. الخوف من مسؤولية الحمل والأمومة طبيعي لكن اللي مش طبيعي إننا نترك الخوف يسيطر علينا لحد ما يعيقنا عن المطلوب مننا، المطلوب منك تهتمي بنفسك وصحتك أثناء الحمل وتستعدي لفترة ما بعد الولادة وتأهلي نفسك للأمومة بعد كده وتربية طفلك بطريقة سليمة. ممكن القراءة في كتب عن الحمل والأمومة والتربية تساعدك تقللي من التوتر والخوف وتشغل تفكيرك بطريقة إيجابية. جربي تعملي كده ولو لسه فيه صعوبة تعملي ده لوحدك ومحتاجة دعم من مختص فعندك خبيرات في فدني ممكن تطلبي استشارتهم. دي قائمة الخبراء ممكن تختاري منها أخصائيين في الطب النفسي والإرشاد https://www.fedni.net/experts وربنا يتمم لك على خير وتقومي بالسلامة إن شاء الله.
تم النشر الخميس، ٢٧ نوفمبر ٢٠٢٥
يا حبيبتي، أولاً طمنّي عليكِ — كلامك طبيعي ومفهوم جداً. بداية الحمل بتبقى فترة جسمية ونفسية صعبة عند كثير من السيدات، والتعب والخوف والضعف شعور شائع، لكن مهم نتعامل معاه بحذر وعملي. أولاً: أمور طبية ضروري تعمليها فوراً - لو عندك ألم معدة شديد أو دوخة شديدة أو إغماء أو نزيف أو قيء مستمر — لازم تروحي للطوارئ أو للطبيبة فوراً. هذه علامات تحتاج تقييم عاجل. - حددي موعد مع طبيبة نساء وتوليد لو ما عندك متابعة بعد. الطبيب يحتاج يفحص نبض الحمل، ضغطك، ويطلب تحاليل دم (Hb، تحليل الحديد، فحوصات أخرى) ويتأكد أن كل شيء يسير طبيعي. - قلّة الأكل ممكن تخلي ضغطك واطي وتشعري بصداع وتعب؛ الطبيبة قد توصي بمكملات (حمض الفوليك كبداية، وربما حديد لو في أنيميا) — اسأليها عن وصفة مناسبة. نصائح غذائية وجسدية عملية (من دون مبالغة) - كلي وجبات صغيرة ومتكررة (كل 2-3 ساعات) بدل وجبتين كبيرتين: سناكات صحية مثل زبادي، تفاح مع زبدة فول سوداني، مكسرات، بسكوت مالح قليل، موز، بيضة مسلوقة. - اهتمي بالبروتين والكربوهيدرات المعقدة والحديد (لحوم، دجاج، عدس، سبانخ، فول) مع مصادر فيتامين C (ليمون، برتقال) لامتصاص الحديد. - اشربي سوائل كافية طوال اليوم؛ تجنبي الشرب بكميات كبيرة دفعة واحدة بعد الأكل إن كان يسبب غثيان. - قومي ببطء عند تغيّر الوضعية (الجلوس من النوم أو الوقوف) لتقليل الدوخة المصاحبة لهبوط الضغط. - الراحة مهمة: خذي قيلولة قصيرة وقت الحاجة، لكن حاولي تنظيم النوم بحيث يكون وقت كافٍ ليلاً. التعامل مع الخوف والضغط النفسي - اعلمي أن الخوف من المسؤولية طبيعي، ومش عيب. كتير أمهات حسّوا بنفس الشيء بالبداية. - قسّمي الأمور لخطوات صغيرة: متابعة طبية أولاً، ترتيب غذاء ونوم، التعرف على أعراض الطوارئ. إنجاز كل خطوة يخفف القلق. - سجّلي مخاوفك وأفكارك في ورقة — كتابة الأمور ممكن تنظّم الأفكار ويخلي الحلول أوضح. - شاركي زوجك بما تحتاجيه عملياً (مساعدة بالطبخ، مرافقه للمواعيد، كلمات طمأنة) — وجوده مهم، وطلبات صغيرة قد تغيّر الفرق. - لو الإحساس بالاكتئاب أو الحزن مستمر لأكثر من أسبوعين أو بيتزايد أو بتأثر على حياتك اليومية، من الحكمة استشارة مختص نفسي / مرشدة نفسية. لو حابة، فيه خبراء على صفحة الخبراء في Fedni تقدر تلجأي لهم. تزودي روحياً - الدعاء وقراءة القرآن وذكر الله مصدر طمأنينة للكثير من النساء؛ ادعي ربنا واطلبي الطمأنينة والقوة، وذكّري نفسك بأنك لستِ وحدك وأن الثقة بالله قوة. - التوكل لا يمنع الأخذ بالأسباب — متابعة طبية وعناية بنفسك جزء من هذا. علامات تستدعي مراجعة فورية للطوارئ - ألم بطني شديد ومستمر، نزيف مهبلي، دوخة أو إغماء، حرارة مرتفعة، قيء لا يُطاق أو عدم القدرة على تناول سوائل، أو أي تغير مفاجئ في الحالة. لو تحبي أساعدك ترتيب خطة يومية بسيطة للأكل والراحة، أو أوصلك بخبراء تخصّص حمل وولادة أو مختصة نفسية على Fedni — قوليلي كم أسبوع في الحمل وهل عندك متابعة طبية الآن؟ أنا هنا معك خطوة بخطوة. — ذكية (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ٢٧ نوفمبر ٢٠٢٥
جوزي موجود وحرام يدوبك اطلب حاجه بس يجيبها فورا ولما بتعب بيتعب قصادي ومع العلم هو بيحبني جدا ولكن انا من تعبي بحس اني لوحدي فهماني ربنا يعدي الايام ع خير شكرا (تبارك /وزهره الامل)
تم النشر الثلاثاء، ٢ ديسمبر ٢٠٢٥
طب الحمدلله انو موجود وبعدين م بقولك اطلبي منو حاجه قوليوا نتكلم مع بعض تفهميه انك خايفه وهو يطمنك وان شاءالله بعد الولاده بإذن لله لازم تفهموا اكتر وميسبكيش خالص عشان ده عشان هيكون للبيبي وليكوا انتو كمان ومتنوع الحب وبرضو لازم تعملي الي عليكي تهتمي بنفسك وبيه عشان هو كمان يهتم بيكي والعفو ياروحي احنا اخوات
تم النشر الأربعاء، ٣ ديسمبر ٢٠٢٥
بالنسبة بقي لزهقك ...مافيش حاجة بتحبيها هواية مثلاً زي الكروشيه الرسم القراءة أو الكتابة و التأليف والتطريز و الأعمال اليدوية كل حاجة من دي ممكن تلاقي فيها شغفك وتحبي الموضوع أكتر بالنسبة لموضوع الأكل ممكن تتفرجي علي أكلات علي النت تفتح الشهية للطعام هتحبيها وكل وخلي بالك من صحتك لأن الجنين لما ما بيلاقيش غذاء ربنا بيطلع من المعادن والفيتامينات الضرورية اللي في جسمك وتروحله عن طريق الحبل السري. فا متستهونيش بقلة الغذاء أبداً وأنصحك تاخدي (فيروجلوبين ) هو المصدر الأساسي للحديد يعني هيقويك إن شاء الله وأم حاجة صحتك بالدنيا عشان خاطر البنت أو الولد اللي جاي في السكة يجي بالسلامة يارب يكون عسول كدة وقمور إن شاء الله 💗 وممكن تفسرلي سؤالك أكتر عشان أعرف أفيدك بنسبة أكبر واعذريني على أخطائي الإملائية إن وُجِدت بس لو عزتي أي حاجه أنا في الخدمة ❤️🌹🥰
تم النشر الجمعة، ٢٨ نوفمبر ٢٠٢٥
مع إني مجربتش الحمل ولا الجواز أصلاً لأني عندي 16 بس ياريت تتقبلي النصيحة من أختك الصغيرة بصي يا حبيبتي انتي أظن في الفترة دي الهرمونات متلخبطة وهتكوني حساسة جداً لأي موقف تتعرضيله وغيره ...بصي أول حاجة تقربي إلي الله عز وجل ودايما دايما إقرأي. قرآن كتير يعني إقرأي سورة البقرة كل يوم أيوة زي ما بقولك كل يوم لو حاساها طويلة إقرأي صفحة كل يوم لحد ما تحسي إن الكمية صغيرة وتبدأي تزودي كل فترة وهكذا لحد ما تضري إنك تخلصيها كلها في يوم واحد لو عندك شاشة أو راديو أي حاجة بيتسجل عليها شغلي قرآن كتير عشان الجنين يتعود على سماع القرآن وبالتالي لما يجي بالسلامة إن شاء الله يحفظ القرآن بسرعة في صغره إن شاء الله ...هروح أصلي المغرب وأجي أكمل 😅💗
تم النشر الجمعة، ٢٨ نوفمبر ٢٠٢٥
شكرا تبارك ولكن مش عارفه خايفه وزهقانه من شقتي مش بنزل احس اني يتخنق ومش طايقه اتكلم مع حد واكل مفيش خالص حتا مايه بخاف لشربه اتعب نفسيتي تعبانه جدا واحس لضياع لدرجه اي شي ابكيي عليه نفسي الايام تعدي وارتاح نفسيا حتا اني مش بلاقي حد اتكلم معاه من صحابي عاوزه حد جمبي حد ميقليش تفس كلام. حد يطمني 💔
تم النشر الجمعة، ٢٨ نوفمبر ٢٠٢٥
ده طبيعى جدا بس لا يكلف الله نفسا الا وسعها اقعدى فتره الحمل اقرى عن التربيه انا شخصيا عملت كدا واكتبى وصفات الاكل فالشهور الاولى وجهزى بيتك لاستقباله ربنا معاكى ويقومك بالسلامه
تم النشر الأحد، ٣٠ نوفمبر ٢٠٢٥
ربنا يقويكي يحبيبتي
تم النشر السبت، ٢٩ نوفمبر ٢٠٢٥
طب هو جوزك فين من كل ده لي م بتحكيلي او تتكلمي معاه ده هيريحك اكتر ولوما موجود حاليا انا موجوده ي روحي ف اي وقت انا اختك واطمني ومتخافيش ولازم تهتمي بصحتك وتاكلي عشان البيبي وخافي عل نفسك وعليه
تم النشر الجمعة، ٢٨ نوفمبر ٢٠٢٥
ده طبيعي ي روحي عشان ده اول حمل ليكي بس انتي حاولي تلهي نفسك ف اي حاجه مفيده وقللي من خوفك وتوترك وبالتالي هتلاقي كله تمم معاكي فهماني؟؟
تم النشر الخميس، ٢٧ نوفمبر ٢٠٢٥
ده طبيعي جدا.... سنة الحياة... فترة وهتعدي
تم النشر الخميس، ٢٧ نوفمبر ٢٠٢٥
لعرض السؤال في فدني اضغط هنا