السلام عليكم ورحمه الله
كنت في فتره محتاجه حد يقف جنبي لاني كنت مضغوطه من اهلي فنزلت تطبيق واتعرفت علي شله ومن ضمن الشله واحد كدا اعجبت بيه علشان طريقه كلامه وحبيتو رحت قلت له بحبك قالي مش مستعد احب ولا الكلام دا لاني كنت بحب واحده وكسرتني فانا زعلت اوي وحسيت كرامتي فالأرض بس انا كنت بحبو فعلا ومش فاهمه ايه السبب بس كنت بحبو حب بجد فبقينا صحاب وبنتكلم دايما كل يوم
وانا كنت بحبو من طرف واحد ف دايما كان بيحصل بينا مشاكل وكنت بحاول دايما انا اللي اصلح كنت دايما انا الي مهتمه وهو فجأه اتغير عليا بدأ يعاملني ببرود وبيتأخر في الرد وكل اما اعاتبو واعتذر يقول طيب ومش قالي جمله مفيده او شرحلي حاجه كنت كل يوم بعيط عليه علشان انا حبيتو بجد وهو مقدرش دا
وفي يوم حاولت ان.تحر بسببو بس مسكت نفسي بجد انا عايزاه يكون من نصيبي وانا حبيتو اوي ومش شايفه غيرو رغم كل تصرفاتو مش عارفه ليه لسه بحبو للعلم انا بلكتو بس اتمني انو يرجع بس هو اختار البرود والتجاهل وانا بلكت..💔 تنصحوني اعمل ايه انا بجد مش عارفه اعيش منغيرو علشان حبيتو وكنت مش بكلم غيرو رغم زعلي وضيقتي من اهلي واتعلقت به جامد وشعري وقع كلو بسبب زعلي عليه .. وبشرتي ادمرت بسببو
السلام عليكم، الحل إنك تحبي نفسك. مينفعش أبدًا تكون نفسك هينة وقليلة قوي عندك لدرجة إنك كان ممكن تنتحري وتخسري دنياك وآخرتك وتدخلي النار عشان مجرد ولد. مهما كانت مشاعرك ومهما كانت مكانة الشخص عندك مينفعش أبدًا أبدًا تخلي نفسك درجة تانية وهو الأولوية والمركز اللي بتلفي حواليه ولو بِعد أو تركك حياتك كلها تنهار. محتاجة تقعدي مع نفسك وتعالجي الخلل اللي جواكِ ومخليكِ مستقلية بنفسك وبتدوري على قيمتك في نظرات ورأي شخص تاني وتسمحي له يجرحك ويهينك. وعلى فكرة اللي انتِ فيه ده مش حب أبدًا... ده تعلق مرضي محتاج يتعالج. ** انتِ بنت، أنتِ الغالية اللي ينطلب رضاها مش هي اللي تتوسل وتعترف بالحب وتجري ورا شخص رافضها. ممكن تكوني صغيرة لكن إن شاء الله لما تفوقي من الوهم اللي انتِ فيه وتكبري وتنضجي هتبصي في يوم على اللي كنتِ فيه دلوقتي وتقولي إيه الهبل اللي كنت فيه ده؟ إزاي هانت عليّ نفسي كده؟ إزاي في يوم فكرت أقتل نفسي وأخسر كل حاجة عشان واحد؟ فوقي حبيبتي من اللي انتِ فيه وركزي في حياتك، ** إهمال أهلك أو الجفاف العاطفي اللي في محيطك العائلي مش مبرر أبدًا تمشي في طريق غلط وتدوري على فتات المشاعر عند أي حد وهو يقرر ييتسلى بك ويرمي لك شوية فتات أو يرفضك وميهموش جرحك ولا كرامتك. افتكري إنك أغلى من كده. ربنا يهديكِ ويوفقك للخير دايمًا.
تم النشر الخميس، ٢٢ مايو ٢٠٢٥
لا تتعلقي بشخص لا يحبك و يتهرب منك و سوف تجدى أفضل منه و يكون الشعور متبادل بينكم.. ولكن لا تخسرى صحتك مع شخص لا يقدرك.. إنتى حبتيه عشان لاقيتى فيه صفه معينه عجبتك.. هذه الصفه إذا وجدتيها في شخص غيره هتنسيه.. اذن تعلقك ليس بالشخص بل ببعض صفاته التى تحتاجينها. لذلك لا تكررى المحاوله معه.. لإنه لا يفكر فيكى و طريقته واضحه جدا.. ربنا يصلح لك الحال و يعوضك خير يارب
تم النشر الثلاثاء، ٢٠ مايو ٢٠٢٥
وعليكم السلام ورحمة الله يا عزيزتي، أشعر بمدى الألم الذي تمرين به، وما تعيشينه من مشاعر حب وألم وخيبة أمل يمكن أن تكون صعبة جدًا على القلب والروح. أولاً، أريد أن أقول لكِ أنك قوية لأنك واجهت كل هذه المشاعر، وهذا شيء مش سهل أبدًا. خليني أساعدك خطوة بخطوة بكل هدوء: قيمة ذاتك قبل كل شيء: ما يحدث مع الشخص الآخر ليس انعكاسًا لقيمتك أو لجمالك أو لاهتمامك. أحيانًا الناس يجرحونا لأنهم أنفسهم جرحوا أو يخافوا من الحب، وهذا لا يعني أنك أقل قيمة أو لديك خطأ. لا تتركي تصرفه الجاف والتجاهل يضيعوا كرامتك، لأن كرامتك مهمة جدًا. الابتعاد المؤقت: لما شخص صاحب تأثير سلبي عليك يؤدي إلى ألم نفسي وجسدي زي ما وصفتي (تساقط شعرك وتدهور البشرة)، فهذا إشارة من جسدك وروحك تحتاجي تحتاجي تعتني بنفسك. حاولي تعطي لنفسك فرصة ومسافة بعيدة عنه، حتى لو كان صعب، لأن المسافة تساعد على تهدئة المشاعر وهدوء العقل. التركيز على نفسك: استثمري وقتك في أمور تحبيها وتجعلك سعيدة ومرتاحه، سواء كان ذلك هواية، قراءة، تطوير مهارات، أو حتى اهتمام بصحتك وجمالك. الاهتمام بالنفس يقويك وينقلك من حالة الألم إلى أمل جديد. التعامل مع الحب من طرف واحد: الحب الحقيقي يتطلب احترام وتبادل مشاعر من الطرفين. استمرار الحب من طرف واحد مع تجاهل الطرف الآخر يمكن أن يكون مؤذٍ جدًا. فكرّي في نفسك وما تستحقينه من احترام واهتمام متبادل. اطلبي الدعم المتخصص: لو استمر الألم بداخلك بشكل كبير لدرجة التأثير على صحتك، لا تترددي في التواصل مع أحد الخبراء النفسيين المتخصصين. بإمكانك زيارة صفحة الخبراء على فدني والبحث عن استشارة نفسية تساعدك في تخطي هذه المرحلة. أنا هنا معك، وبتضحياتك وتقواك وثقتك بنفسك، إن شاء الله راح يكون القادم أجمل. دايمًا تذكري أن حب الله لن ينتهي، وهو الملجأ والسند اللي ما يخذل. هل تحبي أساعدك بمقترحات عملية تتبعيها للمرحلة القادمة؟ أو تحبي نصائح في التعامل مع مشاعرك بشكل يومي؟ أنا هنا لأي سؤال أو دعم تحتاجيه.
تم النشر الأحد، ١٨ مايو ٢٠٢٥
لعرض السؤال في فدني اضغط هنا