السلام عليكم انا بنت عندي 19 سنه
انا بابا وماما منفصلين من وانا لسه بيبي وبابا من وانا صغيره بيعاملني معامله سيئه جدا وبيضربني على طول على اي سبب حتى لو ميستاهلش ومكنش بيرضى يخليني ازور اي حد من قرايبنا
كنت محتاجه احس بالأمان مره عرف اني شفت ماما وضربني جالي صدمه نفسيه وعصبيه وقعدت فتره كبيره متكلمش ودخلني مصحه نفسيه
كنت بتعامل اوحش معامله بجد ومش جديد عليا طول حياتي كده وهو كان بيعالجني مش عشان خايف عليا لا عشان خايف من انو يتحبس قعدت سنه في المصحه وبعدها على طول يهددني بيها اني لو حكيت اي حاجه لحد هفضل في المصحه طول عمري
وانا مكنتش هحكي مش عشان خايفه منو عشان ده والدي مع انو عمري ماشفت منو لحظه بس حنيه لكن خايفه من ربنا ومش عارفه أساساً اعمل اي واي اللي المفروض يتعمل
المهم بعدها اتقدملي شاب وكان مناسب جدا وكويس وبابا ساعتها وافق وقال اخيرا هخلص منك وكنت فرحانه جدا عشان هبعد عنو وبدأ يبقي كويس شويه معايا حصل في مره موقف وكنت اول مره اتجرأ وارد عليه ساعتها بعدها تاني يوم فسخ خطوبتي وكلمو بطريقه وحشه جدا سيئه
و فكرت كتير اكلم حد من قرايبنا في السر لكن هما مش هيعملو اي حاجه هيسمعو بس وماما مش في ايدها حاجه وغلطه عمرها انها اتجوزت بابا وفكرت كتير ابعت على اي ابليكيشن بس هو ممكن يعرف هنا هو مش هيعرف حاجه عشان ابليكيشن غريب وبمسح كل حاجه بعملها على الموبايل عشان بيمسكه ويفتش فيه
لو حد يقدر يساعدني اعمل اي معنديش اي مكان اروحه وهل في حل ولا هفضل طول عمري كده
السلام عليكم، أولا ربنا معك ويعينك تتجاوزي الوضع ده وتكوني بأفضل حال. إذا مفيش أي قريب تلجأي له ويقدر يساعدك ومفيش أمل في تغير والدك لو حاولتِ تتفاهمي معه فمش قدامك غير الجهات الرسمية لحماية نفسك، أنتِ كبيرة دلوقتي فخدي قرار حماية نفسك طالما مفيش وسيلة تانية قدامك. جربي كده مرة تشوفي حد كبير من عائلتك أو تكلمي مامتك وتعرفي إذا فيه حل قبل ما تكلمي الجهات الرسمية، ملقتيش حل يبقى خلاص تواصلي مع المجلس القومي لحقوق المرأة وبلغيهم بوضعك وهم يساعدوكِ إن شاء الله. دي أرقام مكتب شكاوى المرأة التابع للمجلس القومي للمرأة. الاتصال التليفوني: عبر الخط المختصر 15115 (يومياً من الساعة 9 صباحاً حتى 9 مساءً). واتساب: على الرقم 01007525600 . وربنا يعينك ويصلح أحوالك.
تم النشر السبت، ٢٦ سبتمبر ٢٠٢٦
وعليكم السلام ورحمة الله. أنا آسفة جداً لكل اللي بتمرّي بيه، وأقدر إن الوضع ده ثقيل ومؤلم ومخيف، خاصة وأنتِ في سن صغير ومحتاجة أمان ودعم. اللي بيحصل معاكِ مش طبيعي ولا مقبول، وأنتِ مش لوحدك في الشعور ده. أول خطوة عملية: حاولي توثقي أي إساءة أو تهديد بطريقة آمنة (صور أو ملاحظات مختصرة) بدون ما تخلي الموبايل يظهر أي حاجة. بعد كده، لو قدرتِ تتواصلي مع الجهات الرسمية المختصة بحماية المرأة أو الشرطة في منطقتك، ده هيبقى أفضل حل قانوني يحميكِ ويمنع استمرار الإساءة. في كتير دول عربية فيه أقسام خاصة بالعنف الأسري تقدر تساعد في نقلك لمكان آمن أو اتخاذ إجراءات قانونية ضد الإيذاء. كمان، لو فيه إمكانية تتواصلي مع محامي أو جهة حكومية معنية بالأحوال الشخصية، ممكن يساعدوكِ في فهم حقوقك كبنت 19 سنة وإمكانية الاستقلال أو الحماية. ربنا سبحانه وتعالى أمر بالعدل والإحسان، ومش هيسيبكِ في الظلم ده لو لجأتِ للطرق الصحيحة. حاولي تبحثي عن أسئلة مشابهة على فدني عشان تشوفي تجارب أخرى وأفكار إضافية. أنتِ قوية إنك قدرتِ تكتبي كل ده وتطلبي المساعدة، وده أول خطوة نحو التغيير. لو عايزة تتكلمي أكتر أو تحتاجي نصيحة في خطوة معينة، أنا هنا أسمعكِ وأدعمكِ. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر السبت، ٢٦ سبتمبر ٢٠٢٦
لا لا والله العظيم مريت بحاجات كتييير وحشه في حياتي وقاعدة لحد دلوقتي اقسم بالله انا لما اكون خلاص مش قادره كنت ابكى واسدق ما الاقي حد يسمعني بس في الآخر كل اللي كنت بحكي معاهم سابوني وخذلوني وانا من بعدها بطلت اثق في حد وبقيت لو بمووت من جوايا وبتقطع ما أحكيش لحد وقدام الكل بضحك وعادي خالص بس لما ابقى لوحدي ابكي وادعي من ربنا واصلي وبرغم اللي حصل وانا متأكده وواثقه انو ربنا مخبيلي حاجه كبيرة خالص وهتليق بيا وانا مؤمنة بربنا
تم النشر السبت، ٢٦ سبتمبر ٢٠٢٦
منا فعلا مليش حد غير ربنا سبحانه وتعالى بس حاسه انو خلاص مفيش اي امل للحياه عمتا
تم النشر السبت، ٢٦ سبتمبر ٢٠٢٦
صلي وادعي ربنا كتيييييير سدقيني هتحسي براحه اهم حاجة مهما حصل معاكي تبقى علاقتك بربنا قوية صلي قيام الليل سبحي استغفري اقري أذكار وكل ما تحسي نفسك لوحدك ومفيش حد معاكي روحي ل ربنا وابكي واحكي اللي في قلبك واعتبري انو ده اختبار من ربنا وبعديه عوض كبيييير خالص بس خلي عندك امل بربنا وصلي
تم النشر السبت، ٢٦ سبتمبر ٢٠٢٦
لعرض السؤال في فدني اضغط هنا