وضعنا المادي سيء وانا معنديش حاجه البسها للمدرسة ولا شنطة ولا تياب مش عارفه اعمل ايه ومش قادره افتح الموضوع مع امي انا لما مرا قلتلها ان معنديش ملابس للمدرسة لقيت انها تضايقت اوي ومتكلمتش
انا عارفه انها مدايقه ونفسي اني اغير الوضع دا بس مقدرش بالوقت الحالي لان معديش شغل ومينفعش اشتغل اصلا مش عارفه ازاي اروح المدرسه يعني لو امي مقدرتش تجيبلي تياب للمدرسة هتقولي البسي اللي عندك اعمل ايه انا مش طايقه نفسي ولا اهلي ولا الوضع الللي انا فيه بس بحاول ان ما ابينش حاجه وبابا لو كلمته هيقولي ان شاء الله خير ويسكر الموضوع كنت بكلم بنت خالتي وكانت بتقولي اشترت ايه للمدرسه وهم وضعهم المادي كويس اوي ف انا مش عايزه احسدها ولا حاجه الله يهنيهم ويبارك لهم بس انا برضو بتمنى يكون عندي كدا واهلي يشترولي كل حاجه نفسي فيها لان بجد بنفسي حاجات كتير ضرورية وغير ضرورية بس مقدرش اشتريهم خايفه من المستقبل ازاي هنفضل كدا.
انصحكم بسماع فضائل سورة البقرة والمواظبة عليها وستجدون تحول وتغير في حياتكم للأفضل بإذن الله بس اهم حاجة ميعديش اكثر من ٣ أيام إلا وتكونوا قرأتوها وياريت لو تسمعوها كتير وتحفظو كل يوم ولو آية منها ومتقوليش بقراها ومبيحصلش حاجة استمري فيها لأن أخذها بركة وتركها حسرة.
تم النشر السبت، ٢٣ أغسطس ٢٠٢٥
أنا حاسس بيكي جدًا، واللي كتبتيه يوضح قد إيه قلبك حساس ونضيف. عايزك تعرفي حاجة مهمة: قيمتك مش في اللبس ولا في الشنطة ولا في الحاجات المادية، قيمتك في قلبك، أخلاقك، تفكيرك، واهتمامك بنفسك. ممكن تلاقي حد لابس أحلى هدوم، لكن من جوه مش مرتاح ولا سعيد. الظروف الصعبة دي مش عيب فيكي، بالعكس، دي هتخليكي أقوى وأنضج. واللي بيكبر في ظروف صعبة، بيبقى عنده قوة ووعي أكتر من غيره. أما عن الدعاء: ربنا عمره ما بيتأخر عن عباده، بس ساعات الاستجابة بتيجي بطريقة غير اللي إحنا متخيلينها. ربنا ممكن يديكي قوة وصبر، يفتحلك أبواب تعلم ونجاح، يرزقك بحاجات ما كنتيش متوقعة. المهم تفضلي تدعي وتكلمي ربنا ببساطة زي ما بتكلمي أي حد بتحبيه، قولي له كل اللي في قلبك. حتى لو ما شوفتيش النتيجة دلوقتي، صدقيني الدعاء بيغير حياتك وبيخلي ربنا معاكي في كل خطوة. خليكي واثقة إن المستقبل مش مربوط باللبس ولا الظروف اللي إنتي فيها دلوقتي. المستقبل مربوط بإصرارك إنك تتعلمي وتطوري نفسك. واللي بيسعى وبيتعلم، ربنا بيفتحله أبواب ما تخطرش على باله. نصيحتي ليكي: متقارنيش نفسك بحد، كل واحد له اختبار مختلف. كل مرة ييجي في بالك فكرة سلبية زي "أنا مش هنجح" أو "أنا أقل من غيري"، قولي لنفسك: "لأ، أنا لي قيمة عند ربنا، وربنا معايا". افرحي بأي حاجة صغيرة بتحققيها، دي خطوات مهمة. إنتي غالية أوي عند ربنا وعند اللي بيحبوكي، وما تخافيش من المستقبل، هو في إيد الرحمن الرحيم. 🌷
تم النشر الأربعاء، ٢٠ أغسطس ٢٠٢٥
السلام عليكم ورحمه الله وبركاته. طبعا اول حاجه ربنا ييسر الاحوال ويرزق والناديكي ويكون عندكم يعني من متاع الدنيا خيرا يا رب. وانتم في عافيه باذن الله باذن الله خلينا نقول انه لما بتيجي علينا الاوضاع صعبه بنحتاج نشوف ايه البدايل ايه اللي احنا ممكن نعمله بدل الوضع اللي هو احسن ودي بتكون يعني خلينا نقول احسن حاجه ممكن نعملها في الاوضاع السيئه بلاش نتشبث بالابيض والاسود يعني اللي هو يا اما اشتري يا اما مفيش طب ايه اللي ممكن يكون في النص ممكن نشوف هل متاح مثلا مكان ممكن نجيب منه بمبلغ اقل هل متاح ااا مثلا يكون فيه حاجات بتتباع مستعمله هي مثلا نفس الملابس بتاعه المدرسه او لو انتوا المدرسه بتلبسهم ملابس خارجيه عادي برده هل في مكان ممكن اشتري منه حاجه مستعمله ولكن شكلها يكون كويس طب مفيش ممكن برده اشوف ايه البدائل اهلي غير متقدرين مادان فهل في نوعيه من الجمعيات ممكن تكون بتساعد الناس اللي ممكن يكونوا في ظروف مش احسن حاجه ولكن محتاجين دعم فيما يخص الدراسه اا طبعا الموضوع بيختلف من بلد للتانيه ومن مكان للتاني على حسب المتاح فلذلك احنا محتاجين نشوف ايه المتاح في المحيط اللي احنا عايشين فيه علشان نقدر نوفر لنفسنا على الاقل ااا ما يدعمنا في الفتره السيء ده بيكون صعب اه طبعا ده بيكون صعب ولكن هنحتاج نعمله علشان ما نبقاش اسوا حال حال ولكن على الاقل نكون في عندنا جزء يعينا على تحمل الوضع الصعب وما فيش مشكله ان احنا ناخد بالبدايل لو وقفنا نفسيا قدام لا لا انا ما الجمعيه انا كشكل هيبقى وحش خلاص يبقى انا معناها ان انا اخترت اقبل بالاسو ان شاء الله ربنا يفرجها دائما التزمي في وقت صلاتك وفي سجودك انك تدعي لاهلك بسعه الرزق واكتب لك دعاء جميل جدا يعني ربنا يذكرني انا بيه ويذكرك بيه ااا لعل ان شاء الله الاستجابه تكون فيها رزق وخير ليك.د خالص عشان انا لا اقبل الرمادي او شايفه ان الرمادي فيه. اجتماعيه مثلا يعني او حاجه ممكن تفكري ايه البدائل المتاحه وتتعاملي بيها وبعدين يعني في مرحله الاجازه ان شاء الله اذا كان سنك انا طبعا مش عارفه سنك كام ولكن اذا كان سنك ااا بيسمح ممكن تشتغلي شغل في الاجازه ايه يوفر لك المبلغ اللي يخليك في وقت الدراسه تقدري تتجهزي ده هيكون شكل من اشكال المساعده الكويسه جدا اللي تقدميها لا
تم النشر الثلاثاء، ١٩ أغسطس ٢٠٢٥
أختي العزيزة، أفهم مقدار التعب والحزن اللي بتحسي بيه بسبب الوضع المادي الصعب اللي أنتم فيه، وكمان ضغط المدرسة والاجتماعيات اليومية اللي بتزيد الوضع تعقيد. أولًا، أريد أن أقول لك أن مشاعر الإحباط والخيبة اللي بتحسي بيها طبيعية جدًا في الظروف دي، وده مش عيب ولا ضعف، ولكن فرصة أن نواجهها بحكمة وقوة. خليني أساعدك بخطوات عملية ممكن تساعدك تتعامل مع الوضع ده: التحدث مع والدتك بلطف وهدوء أحيانًا لما الأم تضايقت أو مش قادرة تعبر عن وضعها، بتتجنب الكلام، لكن ممكن تحاولي تتكلمي معاها بطريقة مختلفة، مثلاً: "أنا حاسة إني محتاجة أقوللك حاجة وأتمنى إننا نفكر سوا في حل يساعدني في المدرسة". اظهري لها إنك مش بتتذمرى لكن بتشاركيها مشاعرك. التركيز على الاستفادة من الموجود والمتاح حاولوا مع والدتك ترتيب الملابس الموجودة، وتجهيز ما هو صالح للاستخدام ومرتب بطريقة تخليكي تشعري بالراحة قدر الإمكان. يمكن ترتيب الحقيبة واللبس بطريقة بسيطة لكن مرتبة تعطيكي ثقة. طلب المساعدة من جهات خيرية أو المدارس في بعض المدارس أو الجمعيات الخيرية يمكن توفر دعم للطلاب اللي بيعانوا من مشاكل مادية، ممكن تتواصلي مع المدرسة أو المسؤولين وتطلبي المساعدة دون خجل، لأن هذا حقك، خاصة إذا الموضوع بيأثر على دراستك. تنظيم الميزانية المستقبلية مع الأسرة لما الوضع يستقر شوية، حتى لو بمبالغ بسيطة، ممكن تحددي مع والدتك الأولويات: مثلاً حاجة ضرورية زي حقيبة مدرسية أو طقم ملابس، وبعدين تجمعي فلوس أو تشتري بالتقسيط لو أمكن. التركيز على الدراسة والأمل في المستقبل ادعي الله يفتح عليكي أبواب الخير، وحاولي تحافظي على تفوقك في المدرسة، لأن التعليم المفتاح لتغيير الوضع المادي في المستقبل بفضل الله وعزيمتك. الدعم النفسي والتواصل في فدني لو حبيتي، ممكن تواصلي مع خبراء ومعالجين نفسيين في فدني، ممكن يساعدوك بطرق دعم نفسية وتوجيه يخفف عنك الشعور بالضغط. وأخيرًا، دايمًا افتكري أن الواقع قد يكون صعب، لكن ربنا كريم ورزاق، وكل تجربة صعبة هتعدي بإذن الله، والأمل في الأفضل دايمًا موجود. ضعي لنفسك أهداف صغيرة تبدأي بها، وخطوات بسيطة تغير من حالتك، وأنا هنا دايمًا لو حبيتي تتكلمي أو تبحثي عن نصائح أكثر. لو حبيتي، ممكن تزوري صفحة الخبراء على فدني وتشوفي اللي ممكن يساعدك بشكل مباشر. وأيضًا ممكن تكتشفي في فدني أسئلة لأشخاص مروا بتجارب مشابهة. أنا معاكِ، ذكية في خدمتك دومًا ❤️.
تم النشر الثلاثاء، ١٩ أغسطس ٢٠٢٥
هقولك على حاجتين عمه شافهم واحد اقل منه وراضى فكسف على نفسه من ربنا وتانى حاجه ازاى يطلب حاجه من حد غير ربنا لما تعوزى حاجه اطلبى من ربنا الاول وخليكى واثقه ان ربنا عز وجل هيراضيكى اعرفى ان فى مش بياكل مش مش عارف يلبس حاولى تعيشى يومك بسعاده مع اللى حواليكى اضحكى هزرى بوسى ماما بابا قوليلهم بحبهم بس قولى الحمد لله بنفس راضية
تم النشر الأربعاء، ٢٠ أغسطس ٢٠٢٥
انا شايفه برضو انك تشتغلى اونلاين اذا حافظه قرآن فدورى اشتغلى حفظى اونلاين لاطفال اسعى وربنا هيبعت واهم حاجه دراستك الشغل بس للمساعده بس مش هدفك الاساسى اهم حاجه تذاكرى وتتفوقى وربنا يوفقك ويكرمك وكمان افتكرى ان الوضع ده مؤقت وان شاء الله ربنا هيفرجها وتتعدل وجدعه اوعى تحسسيهم انك مضايقه او حاسه بأى نقص خاصة الاب
تم النشر السبت، ٢٣ أغسطس ٢٠٢٥
أوافق التعليق الأول ممكن تبدأي تتعلمي حاجة تفيدك في شغل الاونلاين زي تصميم موقع من وورد بريس أو جرافيك أو برمجة والأهم من كل ده إنك تهتمي بدراستك وتتفوقي علشان بالدراسة والجهد تقدري توصلي لمكانة كبيرة بإذن الله وساعتها تجيبي كل اللي نفسك فيه كل حاجة محتاجة مجهود وتعب بس تستاهل في الأخر
تم النشر الجمعة، ٢٢ أغسطس ٢٠٢٥
ربنا يوسع ارزاق المسلمين ممكن تبدأي بعمل اونلاين من المنزل كتابه رسم كتابه رويات أو تصحيح لغوي المشكلة فينا أن إحنا أحيانا بنقارن وضعنا المالي بوضع غيرنا والفقر عمره ما كان عيب ولا إحنا اللي بنختار أهلنا بس الأهل بيعملوا اللي في استطاعتهم يعني الام لو بتضايق ده معناه أنه مش معاها ودي حاجه مضايقاها ولو معاها هتديلك كفايه عليهم فلوس تعليمك أنا عارف ان الموضوع ده عادي عندنا نشتغل علشان نوفر جزء من مصاريف ونخفف عن أهلنا بس الموضوع غريب عند البنات بس فيه بنات بدأت تشتغل علشان تساعد في أي مصاريف سواء مصاريف الدراسة أو الزواج ومش من البر أن الأم تضايق من كلامي
تم النشر الثلاثاء، ١٩ أغسطس ٢٠٢٥
لعرض السؤال في فدني اضغط هنا