السلام عليكم ورحمه الله وبركاته. بصي يا حبيبتي مش مشكله ارتباط عاطفي ولكن هي مشكله نضوج عاطفي. هنا احنا بنتكلم على سن انت قابلتي فيه الولد ده انتوا الاثنين غير ناضجين عاطفيا ولا اي حاجه ولكن في مرحله بدايه الشهوات الجسديه طلعت ما بينكم مع بعض وبداتوا تفتحوا الباب ده انتوا الاثنين مع بعض العلاقه مش علاقه عاطفيه ولكن هي علاقه شهوانيه مش اكتر من كده كانت بتتغلب بقى بكلام الحب. ده بيبقى عامل زي الخيط ان احنا نشد بيه بعض تجاه بعض علشان في الاخر نيجي للنقطه اللي هي الاساسيه اللي هي الجزء الشهواني ويتم التعامل وخلاص والموضوع يخلص على كده طيب هل ينفع الكلام ده يستمر لا ما هو المفروض في حاجه بقى اسمها فعلا ااا نضوج عاطفي ونضوج نفسي ونضوج حتى في المساله الذهنيه والمساله حتى الجثمانيه والجنسيه فين احنا من الكلام ده احنا وصلنا للكليه. ولسه بنتكلم بنفس الليفل بتاع الغير ناضج عاطفيا لا ما ينفعش ان احنا نتعامل بالطريقه دي خالص والا بنحكم على نفسنا بالموت اي حاجه مش بتطور فهي بتموت لازم تقعدي مع نفسك كده تفكري انا ازاي ابدا اطلع درجات لفوق مش هنزل درجات لتحت او حتى افضل في نفس الدرجه اللي انا فيها كفايه شغل ااا اطفال غير ناضجين عاطفيا وجسمانيا ونكبر بقى ونندق وننسى الكلام ده خالص وانا ابص على انه كان خطا كبير جدا من البدايه ان انا اتعرف على الولد ده واستمر معاه في الكلام لحد المرحله دي وكمان ابقى اقابله والاقي نفسي هوصل نفسي اني اقبل بمستوى لا يليق بيا ولا باهلي ولا باي حاجه من اللي حواليا لمجرد ان انا اكمل في نفس السلسله اللي انا فيها وانا مغميه عيني ومش شايفه اي حاجه اكيد مستواكي واكيد يعني كل اللي اهلك عملوه علشانك مش المفروض ينتهي بانك تروحي تقعدي مع والدته وهو مرتبه 3,000 وهو طول الوقت بيقول لك انا ما ينفعكيش دي اسطوانه حبيبتي محفوظه لاي ولد عاوز يقول باي باي او يحط لنفسه تمهيد انه في اي وقت يقول باي باي فنيجي بعدا بالطريقه بتاعه انا ما نسيتكيش ولا منفعكيش وانت اهلك مش هيقبلوني وهما ماديين لا لا لا دي اسطوانات محفوظه سيبك منها خالص همم نشد حنه كده شويه ما فيش مشكله كملي لك كام يوم ان شاء الله حتى تقعدي شهر 2/3 بتعيطي وبتمسكي نفسك كده بيبقى عامل زي المدمن ال- اا اللي بيشف من الادمان وهتخفي وهتتعافي وهتبقي زي الفل بس بقى نبدا نركز على نفسنا نطور من نفسنا عاطفين نفهم يعني ايه عاطفه نفهم يعني ايه نتحكم فيها افهم يعني شهوه وازاي متحكم فيها وازاي نكبت شهواتنا وازاي نبقى بنتعامل بالحلال والحرام لان ده مهم جدا جدا الكلام ده تقدري تعدي من كتب تقدري تاخديه من كورسات موجوده تاخديه من فيديوهات ااا توعويه موجوده كتير من بودكاست اي حاجه تحبيها او تقدري تاخدي منها المعلومه تفضلي خذيها ولكن ما تقفليش عند نفس النقطه ارجوكي علشان ما تظلميش نفسك وتظلمي اهلك في اي تطورات في حياتك.
شكرا بجد لحضرتك 🥰❤️❤️❤️❤️❤️❤️❤️❤️
تم النشر الثلاثاء، ٣ فبراير ٢٠٢٦
لعرض الإجابة في فدني اضغط هنا