السلام عليكم ،
انا مشكلتي عكس كل الناس ذي ما بيقولو دايما ماشيه عكس التيار
انا ثانوية عامة مشكلتي لا نفسياً ولا حتى عشان مواد صعبه
مشكلتي ان حاسه ان جوايا طاقة مكبوته ، يعني اقدر أأدي أفضل من كدا في المذاكرة بس مبعملش
قلت يمكن المشكلة في التليفون لكن مبقعدش عليه كتير و بقفله أغلب اليوم و مبيفرقش معايا
قلت يمكن في المكان فغيرته كتير و المكان مريح نفسياً و كل حاجه
معرفش إحساس غريب حاسه اني مُقيدة بقيود مش عارفه اتحرك
حتى النوم الحمد لله بعرف أصحى بدري ، بحاول اصلح علاقتي مع ربنا الحمد لله بصلي و بطلب علم شرعي كمان
بس معرفش ليه الإحساس ده خالص
و كمان اللي بيخليني حاسه بملل شديد هو إن مش لاقيه نتيجة من تعليمي طول السنين الي فاتت خالص
الإنسانه الي كانت بتعمل حاجات غلط مجتش المذاكرة صححتها
حاسه بطلب علم فارغ ملهوش معنى فمش حاسه بأي رغبة ان ابذل
جيت بس شهور تعليم علم شرعي اتغيرت ١٨٠ درجة في الكلام و علاقتي مع اللي حواليا و في التفكير و في النفسية و في كل حاجه
لكن اللي بتعلمه في المنهج مأثرش فيا خالص طول حياتي، و طبعا معرفش ده السبب الأساسي فعلا الي مش مخليني عايزه أبذل ولا لاء
حاسه مستفدتش باللي بدرسه لا دنيا ولا اخرة
قلت خلاص مش مشكلة هتعلم ده عشان ده المطلوب مني في الدنيا و فعلا بدرس بس مفيش اي بذل مع ان كل حاجه الحمد لله متيسره اوي بس مش عارفه ليه مش عارفه ابذل و طاقتي مكبوته مش عارفه اسعى زياده مع ان كل حاجه متظبطه
حتى فكرة ان اخرج برا جو المذاكرة بعملها و بتبقا طاقتي في الدراسة مكبوته برضو
الموضوع غريب انا مبقتش فاهمه نفسي
و بالمناسبه بكتب و بعمل جدول و بحب القراءة و برسم يعني كل ما هو يخرج طاقة بعمله
عندي استعداد اليوم كله افضل اسمع حاجات مفيدة جداً و اقرأ و اتعلم بس برا المذاكرة
حتى السور المطلوب مني احفظها السنه دي معرفش ليه بتجنب حتى اشغلها و بحفظ برضو سور بس غيرها
حفظت سور كتير و شغلتها كتير إلا اللي عندي في المنهج ، مش هنكر ان اخدت دروس في تفسير واحده فيهم طبعاً برا إطار المنهج برضو و سمعتها من شخص بتعلم منه علم شرعي
انا داخله شُعبة بحبها حتى مش داخلاها غصب عني بس معرفش بعمل كدا ليه و مش عارفه أبذل ليه
ساعات بقول يمكن عشان طول حياتي متعوده ألم المنهج قبل الإمتحانات و دلوقتي مينفعش اعمل كدا فمش متعوده مثلا
و بقا عندي لا مبالاة خالص يعني في مادة مش متظبطه عندي تماماً و المادة دي بالذات كلو حذر ان مينفعش اراكمها ونا عادي مراكماها و مش فارق معايا خالص ، المادة دي طول السنين اللي فاتت برضو كنت متعوده ألمها قبل الإمتحان عمري ما لمتها من اول السنة
بس مينفعش اعمل كدا وأنا عارفه ده بس مش فاهمه في ايه و ليه بعمل كدا
المشكلة باجي في آخر اليوم اسأل نفسي عملتي ايه النهارده الاقي عملت حاجات كويسة و مفيدة بس مش في المذاكرة
ممكن اقعد اليوم كله اساعد في الناس كلها و صحابي و اظبطلهم جداول و انصحهم بحاجات يعملوها و اللي واقعه في مشكلة احلها معاها ، بس مذاكرش انا
بقدر ابذل طاقة في اي حاجه إلا المذاكرة باجي عندها و مبجيش على نفسي خالص ، يعني لو جعت اقوم أكل و اسيبها و لو عايزه انام بقفل و انام ، على عكس لو في درس مثلا سيرة نبويه أو حتى صاحبتي محتاجه تفهم حاجه معينه بسيب كل ده و ممكن أبقى هموت و انام بس لاء اقعد و اسمع السيرة و ممكن اسهر مع صحبتي اساعدها بس
مش قادرة أفهم ايه الحاله اللي انا فيها دي خالص و نفسي اعرف ازاي أبذل في المذاكرة عشان هي مهمه
و جزاكم الله خيراً
حبيت🥰 فى معتقدات بتتكون معانا فى الحياة منها المفيد ومنها الضار يحتفظ بهاالعقل الباطن وبنعيش بيها ف الإختيار والقرار والتفكير والأحاسيس ... ومع الوقت بنختبرهم وبنعرف نحتفظ بايه ونتخلى عن ايه . جميل جدا انك بتسمى المسميات الصحيحة ومدركة الفوارق ... وحاجات اكتر احلى موجودة فيكى ربنا يحفظك من اى شر اسمحى لنفسك تعيش الحدث قبل حكمك عليه من النتيجه ... رب الخير يأتى بكل الخير دائما .. ومهما ان كان ظاهره شرا فباطنه قمة الخير الخطأ شئ طبيعى و الخوف أيضا وكل المشاعر حقيقية ولها جذور بداخلنا ولا توجد مشاعر سلبية .... ما يفيد هى طريقة تعاملنا معها اتمنى اجاوبك باستمرار عن اى سؤال ومناقشة وسعيدة بيكى 💟
تم النشر الأحد، ١ فبراير ٢٠٢٦
الحاله دي تعتبر نفس الحاله اللي مريت بيها من فتره، وأيوه السبب هو إنك شايفه إن التعليم ده مش مهم . لكن دلوقتي إنتي في مأذق لازم ولابد من إنك تخرجي منه منتصره أكبر انتصار وده لإن الناس أول ما تلاقي غلطه في الإنسان وخاصة لو ملتزم أو قريب من ربنا بيمسكوها عليه ،،، فإنتي لازم تصبري على نفسك وتقاومي حتى لو الموضوع بجد مش على هواكي علشان تطلعي بدرجات عاليه السنه دي وعالأقل تشرفي نفسك وصورتك
تم النشر الأحد، ١ فبراير ٢٠٢٦
وعليكم السلام ورحمة الله وبركاته يا عزيزتي، أولاً، شكرًا إنك شاركتيني اللي جواكِ بالتفصيل ده، ده يدل على وعي كبير بنفسكِ وإصرار على التغيير – وده خطوة عظيمة بحد ذاتها! أنتِ مش لوحدكِ في الإحساس ده؛ كتير من الطلبة اللي زيكِ (خصوصًا في الثانوية العامة) بيحسوا بـ"طاقة مكبوتة" لأن المذاكرة بقت روتين إجباري، مش زي التعلم الشرعي اللي بيجي برغبة حرة ويغير الحياة. السبب الرئيسي هنا، من منظور نفسي، فقدان الدافعية الداخلية (الإنترينسيك) : المنهج مش مرتبط بقيمكِ اللي اتغيرتِ (الدين، التأثير على الآخرين)، فبتحسيه زي "علم فارغ"، وده بيولد مقاومة تلقائية. كمان، عادتكِ القديمة (اللم قبل الامتحان) مش بتنفع دلوقتي، فالدماغ بيرفض الاستمرارية عشان مش متعود. واللي بتساعدي فيه الآخرين ده طاقة إيجابية بتخرج في اللي يعطي معنى فوري، مش زي المذاكرة اللي نتيجتها متأخرة. خطوات عملية عشان تحرري الطاقة دي (ابدئي بيها النهاردة): غيري النية لعبادة : قبل كل جلسة مذاكرة، قولي "اللهم اجعل هذا العلم نورًا في قلبي، ووسيلة لخدمتك في الدنيا والآخرة". ربطيها بقصة سيرتكِ المفضلة – زي اجتهاد النبي ﷺ رغم الصعوبات. اقطعي الدورة بالصغير : متفكريش "اليوم كله"، ابدئي بـ 5 دقايق بس على المادة اللي بتراكميها. استخدمي تايمر، وقولي "لو مش عاجبني، أوقف". 90% هتكملي! بعد كده، مكافأة صغيرة زي سماع سورة مفضلة أو رسم سريع. جدول "أولوية أولى" : حطي المذاكرة أول ساعة بعد الفجر (وقت بركة)، قبل أي حاجة تانية. اجعليها 3 جلسات × 25 دقيقة (تقنية بومودورو)، مع 5 دقايق استراحة. لو عايزة تساعدي حد، حددي وقتًا ثابت (مثلًا مساءً)، مش على حساب الدراسة. تابعي التقدم بـ"يوميات نصر" : آخر اليوم، اكتبي 3 حاجات ذاكرتيها (حتى لو صفحة)، واربطيها بفايدة: "دي هتساعدني أفهم السور أحسن، أو أساعد غيري بعدين". ده هيعالج الملل من "عدم الاستفادة". أنتِ تغيرتِ 180 درجة بالعلم الشرعي، يعني عندكِ القدرة نفسها هنا – بس طبقيها! تخيلي لو نجحتِ، هتكوني مثال لصحابكِ اللي بتساعديهم. 😊 (ونصيحة صغيرة: اللي زيكِ بيسموه "الكمالي المقاوم"، زي اللي عايز يدرس كامل قبل ما يبدأ، فابدئي ناقص وكملي تدريجيًا). لو عايزة نصائح أكثر ممكن تبحثي في فدني عن أسئلة مشابهة هتلاقي إجابات كتيرة مفيدة، أو شوفي الخبراء في https://www.fedni.net/experts لاستشارة مدرب دراسي. ربنا يوفقكِ وييسر أمركِ، أنتِ قوية وهتقدري إن شاء الله! 💪🌟
تم النشر السبت، ٣١ يناير ٢٠٢٦
انا رايي هاد طبيعي انتي ما لازم تدرسي لحتا تتطقي من تعب انتي عم تدرسي علا راحتك طاقتك ما ترويحيها بس عل دراسة هوا هون موضوع طاقتك عم توزيعيها علا يومك كامل متل تساعدي اهلك بل بيت اصديقائك وبل عكس هاد شي حلو عشان الحيات مش بس دراسه ابدن واساسن اغلب شغلات الي رح ندرسها رح ننسها اول ما نتخرج المهم هل انتي مبسوطه ملي كاتبتي انتي مبسوطه بس حاسه بل زنب شوي انصحك هدي من روعك عم تعملي شي صح
تم النشر الأحد، ١ فبراير ٢٠٢٦
شكرا لحضرتك 🤍 ، جزاك الله خيراً
تم النشر الأحد، ١ فبراير ٢٠٢٦
بصي في الدين طلب العلم مش بس علوم الشريعة. السعي في دراستك وتفوقك عشان تنفعي نفسك وأهلك وأمتك هو عبادة وليها أجر كبير. احتسبي نيتك وأنتي بتفتحي الكتاب إن ده جهاد وطلب علم يرضي ربنا. بالشكل ده، المذاكرة مابقتش عائق عن الدين، دي بقت هي الطريق للدين حالياً. وبدل ما تمنعي نفسك خالص من القراءة في الدين وتفضلي تفكري فيها ممكن تستخدميها كـحافز ذاكري لمدة 50 دقيقة بتركيز عالي وكافئي نفسك بـ 10 دقائق بس تقرأي فيها صفحة من كتاب ديني أو تسمعي مقطع قصير لداعية بتحبيه. كده العلم الديني بقى الجائزة اللي بتشجعك تخلصي دروسك. و القاعدة الفقهية بتقول تقديم الواجب المضيّق على الواجب الموسّع المذاكرة واجب مضيّق يعني وقتها محدود أيام الامتحانات ولو فات مش هيتعوض. وطلب العلم الشرعي واجب موسّع تقدري تتعلميه طول السنة وفي الإجازة براحتك. ربنا بيحب إنك تأدي أمانة الوقت اللي أنتي فيها دلوقتي وأمانتك هي كتبك. الهروب للدين وقت الامتحانات غالباً بيكون مدخل من مداخل الشيطان عشان يخليكي تقصري في دراستك وتحسي بالفشل بعد كدا استعيذي بالله، وابدأي بأصعب مادة عندك لمدة 25 دقيقة بس طريقة البومودورو دي جميله ممكن تستخدميها وانا حصل معاي كدا في تالته ثانوي ازهر بس بطريقه غير شويه وهي اني كنت بسمع خطب والحمد لله تجاوزت الازمه دي 😊 وبعتذر على الإطالة وجد ربنا يحفظك ويوفقك
تم النشر الأحد، ١ فبراير ٢٠٢٦
جزاك الله خيراً ، بس انا أوقات اللي بعمله بيجي على الدراسة يعني مش بذاكر زياده بل بذاكر اقل القليل و المطلوب مني ف المذاكرة مش بخلصه ف الوقت المطلوب عشان كدا حاسه بذنب
تم النشر الأحد، ١ فبراير ٢٠٢٦
لعرض السؤال في فدني اضغط هنا