عندي مشكله كنت ف حياتي مش بعمل حاجه غير المذاكره ومهمله جميع جوانب حياتي مش عارفه كنت بهرب من كل حاجه للمذاكره أو ايه
في تانيه ثانوي دخلت ف مود وحش اوي بسبب بعد صاحبتي حاولت ابقى اقوي واذاكر وبالفعل جبت تقدير امتياز في كل المواد بس كنت ضاغطه عليا نفسيا دخلت تالته ثانوي وانا نفسيا مش تمام
حاولت اذاكر واجيب آخري وفعلا كان مستوايا كويس بس النتيجه كانت وحشة اوي مدخلتش الكليه اللي عاوزاها ولا ليها علاقه بالمجال الطبي اصلا دخلت كليه مش حباها ولا عارفه أتأقلم فيها وانا حاليا في تالته وآخر سنه لأن رابعه عملي في المدرسة
بس مشكلتي ان عايشه وهم دائما بتخيل دروس تالته ثانوي والمجموعه اللي كنت فيها واكلمهم وصلت لمرحله حاسه مش عارفه أفرق بين الواقع والتخيل ومش قادره أقوم نفسي تاني حاسه ان اتدمرت وكل حاجه راحت عائشه في الماضي ومش قادره أعيش الواقع ولا عاوزه
قدر الله وماشاء فعل.. انتى مش قادرة تتقبلى الى حصل ولسا عايشة فيه كان فى دماغك حلم وحاجة كان نفسك فيها بس ربنا أراد حاجة تانى.. ربنا بيختار لينا الانسب والاحسن مش الى احنا متخيلين ان هو كان انسب لينا.. هتفضلى عايشة ف اللي فات هتفقدى لذة الحاضر ومش هتفكرى ف المستقبل.. وبعدين انتى ليه رابطة نفسك بكلية معينة ف المجال الطبى.. المبدع والشاطر بيكون فى اى مكان انتى بس بصى قدامك لانك لو فضلتى باصة ع اللي راح منك هتضيعى من طاقتك وجهدك كتير كنتى ممكن تستغليه..
تم النشر الجمعة، ٢٤ أكتوبر ٢٠٢٥
ولو علمتم الغيب لاخترتم الواقع. خلاص يعني اللي عدى وفات وانت دلوقتي في ثالثه يعني مش هقول لك انت في السنة الأولى كنت ممكن اقول لك ممكن تحاولي ممكن نجرب نعمل حاجه بس انت خلاص في السنه الثالثه. انت اكيد يعني بتعملي حاجه احسن او ربنا رايد لك حاجه احسن فانا من رايي برضه الحريه الشخصيه ليكي ان احنا ننسى الماضي خالص ونفتح صفحه جديده ده اللي انا بنصح بيه اي حد ونبدأ من جديد ونفكر ان احنا الحياه اللي جايه تبسطنا ازاي ما نقعدش نفكر في الماضي بقى وانا كنت وانا عملت والخيال يا جماعه مش وحش عادي احنا بنفصل بيه عن الواقع اللي احنا مش عايزينه. بس حاولي على قد ما تقدري ما تعيشي حياتك كلها في الخيال لان برضه في الاول والاخر وهم مش موجود فانت ممكن تبتدي بنفسك وتشوفي حاجه انت بتحبيها وتعمليها حتى لو هوايه جنب التعليم. لو حاجه انت بتحبيها تعمليها جنب التعليم. احنا عايشين الحياه دي طبعا يعني بعد ما نعمل واجبنا الديني احنا عايشينها برده علشان نتبسط. فمحدش هيعرف يبسطك اكتر من نفسك. فحاولي تبسطي نفسك وانسي كل حاجه حصلت وابتدي من جديد وشوف بقى الحاجه اللي تريحك في الحياه الجديده اللي معاكي في الحاضر والمستقبل وانسى الماضي لاني ملهاش لازمه مالوش لازمه ان انت تدوري وتتعبي نفسك وتحاولي وتقولي انا كنت كنت خلاص انت كنت دلوقتي انت ما زلتي ايه؟
تم النشر الثلاثاء، ٢٨ أكتوبر ٢٠٢٥
السلام عليكم ورحمه الله وبركاته قصتك عجبتني و انا ممكن اكلمك فيها بوضوح الموضوع كله و اللي انا استنتجته انك متأذمه نفسيا بسبب الماضي و مش عارفه تسيبيه باي طريقه بس انا هععلمك طريقه او طرق هتحسني من نفسك و تنسيك ماضيكي أو حتى تعرفي تتأقلمي في حياتك، الطرق اللي جايه واللي انا هقلها دلوقتي مهمه و حاولي تعمليها هتفرق جدا عبري عن حزنك: تتكلمي مع صاحبتك مثلا اللي بعدت عنك و قولي لها ايه اللي اذمك نفسيا لما هي بعدت او ممكن تكتبي اللي انت حاسه بيه دي طريقه تخرجي بيها مشاعرك، خذي اقساط من الراحه و مارسي يوجا كمثال اعرفي ازاي عواطفك بتأثري على جسمك طوري من نفسك من تكيفك مع الاحداث دوري على الاماكن اللي انتي بترتاحي فيها و اقعدي شويه ابتعدي شويه عن شخوص الماضي: اقطعي علاقتك مع الناس أو الاصحاب السلبيين شوفي انتي عايزه تعملي ايه و اعمليه و شوفي انتي عايزه تكوني مع مين و خليكي معاه ابعدي عن الناس اللي بتفكرك بأخطائك الماضيه ركزي على نفسك اكتشفي مميزاتك متركزيش على عيوبك و اخطائك فضلي نفسك على الي بيحصل حواليكي تتعلمي من غلطاطك في الماضي: انسي الماضي بس متنسيش الدرس ركزي على حقيقه اللي حصل و واجهي نفسك بالحقيقه، قولي لنفسك اللي بتحسيه، اسألي نفسك ايه اللي ممكن اعمله عشان أتجاوز مشاعر الحزن القلق من الماضي اعملي move on في حياتك (امشي قدما في حياتك) متتعمقيش في التفكير عن الماضي بطلي تشتكي لنفسك او لحد و اخيرا تقبلي الحقيقه تقبلي نفسك سامحي الناس و سامحي نفسك: سامحي اللي غلط في حقك، حرري نفسك من قفص الضغينة اللي انت حطيتي نفسك فيه استبدلي الكراهيه بروح الحب شوفي مين ظلمك و قولي له مع ابتسامه انا مسامحاك و أخيرا سامحي نفسك منغير المسامحه مش هتعرف تمشي حياتك اتعرفي على صحاب جدد: اتغلبي على خوفك و اقعدي مع ناس جديده و اتصاحبي عليهم خدي الأمور ببطئ فكري في التطوع لان ده طريقه حلوه عشان تتعرفي و تتفاعلي مع ناس تانيه
تم النشر الجمعة، ٢٤ أكتوبر ٢٠٢٥
مرحباً يا عزيزتي، أنا ذكية هنا معاكِ وأقدر جداً المشاعر اللي بتمرّي بيها، وحابة أقول لكِ إن اللي بتحسيه طبيعي ومفهوم جداً بعد كل اللي مرّيتي بيه. خليني أساعدك بنظرة منظمة عشان تقدرِي تخطِّي المرحلة دي وتعيشي الحاضر من جديد وتبني مستقبل أفضل: تقبُّل المشاعر والواقع مش غلط إنك تحسي بالألم أو الحزن على اللي فات، لأن ده جزء من تجربة الإنسان. لكن مهم جداً تتقبلي إن الماضي انتهى وإنك دلوقتي قدامك فرصة جديدة تبدأي منها. افصلي بين الذكريات والواقع لما تلاقي نفسك بتعيشي في وهم أو بتحسّي إنك مش قادرة تفرّقي بين الماضي والواقع، حاولي تكتبي كل حاجة عن وضعك الحالي. مثلاً: فين انتِ دلوقتي؟ إيه اللي بتحبيه أو بتحسيه دلوقتي؟ ده بيساعد دماغك تركز وتخرجك من دائرة التفكير الدائم في الماضي. ابدأي بخطوات صغيرة خدي قرار إنك تعملي حاجة صغيرة جديدة كل يوم، زي: تمشي شوية في مكان هادي تتحدثي مع حد من العيلة أو حد بتوثقي فيه (ولو مش بتفضلي الكلام، حتى كتابة يوميات) تعملي خطة بسيطة للمذاكرة أو لأي نشاط بتفضليه في حياتك ضغوط الدراسة والمستقبل من الطبيعي الضغوط دي تكون ثقيلة، خصوصاً لما تكوني مجبرة على شيء مش بتحبيه. فكرِي في خطة بديلة: هل ممكن تدرسي مجال ثاني بتفضليه؟ هل فيه دورات أو تدريبات تساعدك تكتشفي هوايات ومجالات جديدة؟ ودايماً خلي بالك إن النجاح مش بس في المجموع، النجاح في إنك تحسّي بالرضا عن نفسك وعن حياتك. اطلبي المساعدة النفسية المتخصصة لو حسيت إن الأمور صعبة عليكِ أوي وإن الأفكار المشوشة بتزايد أو مش قادرة تخرجي من دايرة الماضي بشكل دائم، ممكن تفضلي تستشيري مختص نفسي يساعدك على تجاوز الحالة دي. فيه خبراء نفسيين على منصة فدني ممكن يساعدوكي. حافظي على علاقتك بالله الدعاء وقراءة القرآن والتوكل على الله يمنحكِ قوة داخلية كبيرة، لما تلاقيي نفسك ضايعة أو متعبة روحي إلى الله واطلبي منه العون والقوة، وتذكري أن الله مع الصابرين. وأخيراً، بس أقول لكِ: لا تفكري إنك "مدمرة" أو "ضاعت منك الحياة"، كل ما في الأمر إنك بتمرّي بأزمة وكل أزمة وليها نهاية بحكمة وإصرارك على التغيير. لو حبيتي، أنا هنا عشان أسمع منك أكتر أو أساعدك تخططي خطواتك القادمة. وانا أنصح تعرفي كمان أكثر من خبراء نفسيين ويوجهوك من خلال صفحة الخبراء عندنا في فدني https://www.fedni.net/experts . خدي الأمور يوم بيوم، ولا تنسي إن بدايتك الجديدة ممكن تكون بين إيديك دلوقتي. أنا معاك دايماً، ذكية. 🌸
تم النشر الخميس، ٢٣ أكتوبر ٢٠٢٥
ادي لنفسك فرصه تعيشي انتي دفنتي نفسك جوا المذاكره ودا اثر علي نفسيتك جدا عيشي حياتك بس متهمليش مذاكرتك عيشي واتبسطي اعملي حاجات بتحبيها لان كل حاجه لو زادت عن حدها بتتقلب لضدها وربنا معاكي ويقويكي
تم النشر الاثنين، ٢٧ أكتوبر ٢٠٢٥
لعرض السؤال في فدني اضغط هنا