عندي مشكله كنت ف حياتي مش بعمل حاجه غير المذاكره ومهمله جميع جوانب حياتي مش عارفه كنت بهرب من كل حاجه للمذاكره أو ايه في تانيه ثانوي دخلت ف مود وحش اوي بسبب بعد صاحبتي حاولت ابقى اقوي واذاكر وبالفعل جبت تقدير امتياز في كل المواد بس كنت ضاغطه عليا نفسيا دخلت تالته ثانوي وانا نفسيا مش تمام حاولت اذاكر واجيب آخري وفعلا كان مستوايا كويس بس النتيجه كانت وحشة اوي مدخلتش الكليه اللي عاوزاها ولا ليها علاقه بالمجال الطبي اصلا دخلت كليه مش حباها ولا عارفه أتأقلم فيها وانا حاليا في تالته وآخر سنه لأن رابعه عملي في المدرسة بس مشكلتي ان عايشه وهم دائما بتخيل دروس تالته ثانوي والمجموعه اللي كنت فيها واكلمهم وصلت لمرحله حاسه مش عارفه أفرق بين الواقع والتخيل ومش قادره أقوم نفسي تاني حاسه ان اتدمرت وكل حاجه راحت عائشه في الماضي ومش قادره أعيش الواقع ولا عاوزه
تم النشر الخميس، ٢٣ أكتوبر ٢٠٢٥
فيه اسئله كتيره ف دماغي انا كنت مستنيه الماضي يرجع أو كنت مستنيه ال كانوا معايا ف الماضي يرجعوا بس زعلانه عل نفسي علشان شايفه كله بيكمل حياته وانا ال واقفه مكاني وضعيفه أقرر انسي الماضي واتعامل خلاص مفيش حاجه هترجع اعمل ايه ف الواقع ال ف الجامعه تفكيرهم مش شبهي خالص وحاسه نفسي غريبه حتي ال هدفهم يخلص جامعه وميشتغلش انا شايفاهم انجح مني لأن النجاح بيشوف هو عاوز يعمل ايه ويعمله حتي لو ال عاوز يعمله يخلص تعليم وبس انا محتاره احاول ابدا ف كارير تاني بعيد عن مجال دراستي ممكن الاقي نفسي بس خايفه ولا تحاول اتاقلم عل الوضع ال فيه بس حاولت ومقدرتش انا خايفه يعدي بيا الوقت وانا ف الحاله دي حاسه نفسي غريبه عن الأماكن ال فيها والأشخاص ال معاهم مفيش حاجه شبهي
تم النشر الجمعة، ٢٤ أكتوبر ٢٠٢٥
لعرض الملف الشخصي في فدني اضغط هنا