السلام عليكم
أنا طالبة في دراستي والمفروض أهتم بيها بس فيه شخص هو قريبي دخل حياتي حببني فيه وخرج عشان بنت خالتي شافها أنها أجمل مني ولكن بعدما تعلقت به وأحببته بس الحمدلله الحمدلله بس يعني قلبي بيوجعني أني صدقته ونفسي أكلمه وأفش غضبي عليه وأمسح رقمه يمكن أرتاح بس فيه شيخ نصحني أني أبعد عنه عشان كده مش قدر أكلمه وأفش غضبي عليه بس أنا بحسبنا عليه في كل آذان غصب عني وﷲ لما أفتكر اللي عمله فيا نفسي بتحن عليا وبصعب علي نفسي وخصوصا أن بنت خالتي صديقتي علي الفيس وبشوف تعليقه علي كل منشور هي بتبعته بس أنا عايزة أفكر في حياتي ومستقبلي بس قلبي بيوجعني جداً الألم النفسي صعب جداً فيه مثقال علي قلبي بجد مش قادرة أنا بصلي والحمد الله بشكر ربي خرج من حياتي بس شعور المثقال علي قلبي مش بيفارقني أعمل أي أنا بجد مش بكلمه ومسحت رقمه وكل حاجة كانت بيني وبينه بس أعمل أي في المثقال ده و شكراً
وعليكم السلام ورحمة الله وبركاته... بما انك طالبة ، اكيد هو سنه صغير .. مش كده؟ انتي متوقعة ايه مثلا من شخص ممكن يكون مراهق، او سنه صغير ومشتت ومش عارف هو بيعمل ايه؟ وربما يكون بيتسلى! هي كده كده كانت قدامع بنت خالتك، وعارفها ف هو لو هيروح لها كان راحلها قبلك. لكن الموضوع ملوش علاقة بالجمال، له علاقة بالشخص نفسه. وياريت متدخليش في اي علاقة تانية غير لو كانت رسمية.
تم النشر الاثنين، ١٩ فبراير ٢٠٢٤
وعليكم السلام ورحمة الله وبركاته اول حاجه لازم تعرفي اول حاجه انه كان غلط كبير تسمحي له يقرب من حياتك من غير خطوبه رسمي لان اي كلام غير رسمي بين ولد وبنت بدون ضروره حرام شرعا ودي حاجه تزعل ربنا منك ف انتى ممكن مكنتيش تعرفي وربنا كبير وقادر يعفو تم تقصيرنا ف ف دى كانت اول غلطه تاني حاجه حبه انبهك ليه خليكي عارفه هو سابك مش عشان عيب فيكي كلنا بلا استثناء حلوين ومميزين بحاجه عن غيرنا ف كون انه حب واحده اجمل منك لا يعيبك ف شيء بس معناه انه هو اللي محبكيش بجد واجب بشكلك بس وحب يلعب بيكي دا متزعليش عليه ابدا ابدا عاوزاكي بجد تشتغلي علي علاقتك بنفسك حبي نفسك وملامحك وطوري من شخصيتك اشتغلي عليها وانشغلي بيها عنه والله لتتخطي وكمان حاجه اقفلي اي باب ممكن يفكرك بيه يعني اتصرفي ب ان التعليقات متظهرش عندك شليها من عندك او في حاجه تاني ادخلي صفحتها اتكي عرض اقل لمحتواها متخليش حاجه قدامك تظهر تفكرك بيه وفي حاجه انا معرفش حكمها ف الدين بس بحكم انى خريجه علم نفس عارفه انه ضروري جدا تعبري عن زعلك وغضبك ومتعمليش له كنت لو حابه تبعتي رساله واحده تعبري فيها علي ندمك الشديد انك بصيتي ف يوم لشخص منحط زيه دى حاجه اعتقد هتفرق ف نفسيتك وهترتاحي انك قولتي اللي جواكي بس لو هنبص ل كبرياءك ف انتى لو بعتي الرساله دى هتخلي يتنطط عليكي انه قدر يكسب فريسه جديده وانك يعيني مش عارفه تتخطي ف ف لو قادره متبعتيش له متبعتش احسن بس لو مش هترتاحي غير كده يولع الكبرياء المهم راحتك وبس
تم النشر الاثنين، ١٩ فبراير ٢٠٢٤
أنا مش عارفة أشكرك أزاي بس أنتي فعلاً كلامك جميل جداً وروعة للغاية يعني أنا فعلاً شايفة أنك عند حضرتك حق في أن لو كلمته هيعرف أني واقعة عليه وهذا الكلام أنا قريب عرفت أن العلاقات غير الشرعية محرمة حمدت ربي أن العلاقة لم تدم وأعتبرت أنها أشارة من ربي أن ربنا مش بيوفق حد في هذة العلاقات بس كلامك حلو أوي حضرتك لو عملتي منصات أو صفحات علي الفيسبوك عن النصائح أعتقد أن هيكون ليك متابعين وأتشرف بحضرتك أن تشرحي لي كتب علم النفس ولكن أنا هحفظ رسالتك يعني مش حاليا لأن في دراسة وهذا وفي أقرب وقت لما أخلص هبعت لحضرتك أني تعلمني وتشرحي لي كتب علم النفس لأن أنا فعلاً محتاجة أطور نفسي لأن مش عندي ثقة وغبية وبصدق أي حد أنا محتاجة فعلاً في أقرب وقت هتواصل من حضرتك
تم النشر الثلاثاء، ٢٠ فبراير ٢٠٢٤
متغلطيش ف حق نفسك تاني و ادي فرصه بس للي يدخل البيت من بابه في ناس محترمه كتير متحكميش علي الرجاله لمجرد انك وقعتي ف عيل لانه دا مش راجل اه عيل وانتى من غير ما اعرفك ولا اشوفك واثقه انك جميله والجمال مش بس شكل لا جمال شكل وعقل وجه حبي نفسك ربنا بيخلقش حاجه وحشه حاشاه وقربي من ربنا دى اول خطوهو لو عاوزه تفوقي من الاكتئاب بجد حظك حلو رمضان داخل علينا صلي وصومي وادعى وربنا مش هسيبك حقيقي مفيش احن منه وهيعوضك خير وافتكري كلامي💗
تم النشر الاثنين، ١٩ فبراير ٢٠٢٤
بالتوفيق لينا جميعا ♥🤲
تم النشر الثلاثاء، ٢٠ فبراير ٢٠٢٤
الشكر لله بالتوفيق ليكي ف حياتك يارب💗
تم النشر الثلاثاء، ٢٠ فبراير ٢٠٢٤
حاضر و شكراً ليكي جداً ♥♥
تم النشر الثلاثاء، ٢٠ فبراير ٢٠٢٤
ارجوكي متقوليش علي نفسك غبيه تاني هقولك حاجه احنا لما بتقول علي نفسنا صفه معينه ممكن تكون بنسبه كبيره الصفه دى مش فينا بس مع الوقت عقلك مع تكرار كلامك السلبي لنفسك هيصدقه عقلنا بيصدق اللي بنكرره له حتي لو مش حقيقي ف نصيحه مني ليكي ديما كلمي نفسك ب احسن كلام اوعي تكلمي نفسك ب اسلوب وحش اول خطوه لتحسين نفسيتك هتكون دى وتاني خطوه انك كل يوم بليل تراجعي نفسك اي عملتي حلو نكرره وايه غلط نتعلم منه ومنكرروش ومنجلدش نفسنا احنا مش ملايكه براحه عليها الغلطه اتعملت عشان نتعلم منها وشكر ليكي علي ذوقك وبتمنالك كل خير والكتب هاتي كتاب سندريلا سيكرت دا مش قصه دا كتاب في معلومات رهيبه وفن الامبالاه واستراحه نفسيه واكستاسي وكتاب محاط بالمرضي النفسيين
تم النشر الثلاثاء، ٢٠ فبراير ٢٠٢٤
و شكراً أوي ليكي وربنا يكرمك ويوفقك ويسعدك أنتي فعلاً حلوة جداً
تم النشر الثلاثاء، ٢٠ فبراير ٢٠٢٤
لو حابه ارشحلك كتب علم نفس حلوه تتطوري بيها من نفسك عرفيني
تم النشر الاثنين، ١٩ فبراير ٢٠٢٤
لعرض السؤال في فدني اضغط هنا