انا تعبت بجد تعبت اوي والله كل حاجة انا مسئولة عنها
مصروف البيت، علاج ماما وأدويتها، والعقود والأوراق الخاصة بالممتلكات وكل شيء، لو روحنا بيعنا الدهب أنا الي بروح مع ماما وبتبقا مسئؤليتي مع اني ببقا مش فاهمه اوي
محدش بيشاركني المسئؤليات دي من ساعة ما بابا توفى
انا تعبت واعصابي تعبت اوي انا نفسي حد يشيل عني شوية الضغط ده كله حد يشاركني كل ده أو حتى يبقا حنين عليا
فوق كل ده ماما واخواتي الرجالة شايفين اني مبعملش حاجة وماليش لازمة في البيت! علشان مبشاركهمش في مساعدة في الطبخ
لما بيبقا عندي فرصة اشارك بشارك
بس انا بشتغل من البيت وعندي جامعة
أنا مش عايزة غير اني اتشاف ذو قيمة ويبطلوا يلوموني اني مبعملش حاجة ولما برتاح يومين من جامعة بيبقوا عايزيني اعمل كل حاجة وكأني كنت بتفسح!
ده غير ان نفسيتي تعبانة اوي ومفروض كنت بتابع مع دكتورة نفسية اونلاين من غير ما هما يعرفوا بس مكملتش
أنا ليه مش متشافة ولا صوتي مسموع؟
مش عارفة أقولك ايه والله أنا نفس الوضع باختلاف الظروف بس حاولي تتكلمي معاهم و توضحيلهم انتي بتعملي ايه و كم المجهود اللي بتبذليه حاسة ردهم هيكون هو اللي بتعمليه ده حاجة بس مش عارفة أقولك ايه بجد احتسبيها عند الله ربنا يخفف عنك و عننا اجمعين آمين يارب
تم النشر الخميس، ٥ فبراير ٢٠٢٦
الوجع اللي في قلبك ده مش ضعف ده صرخة حق. حقك إنك تتعبى وحقك إنك تشتكي وحقك إنك تقولي أنا خلصت ومبقتش قادرة وأنتي غالية عشان أنتي أنتي مش عشان بتديري البيت وبتجيبي الدواء وبتروحي المصالح. اللي بيحبك بجد هيحبك وأنتي نايمة ومرتاحة مش بس وأنتي شغالة ونفسك مقطوع. وكونهم مش شايفين اللي بتعمليه ده نقص فيهم هما مش تقصير منك أنتي. متسمحيش لجهلهم بتعبك إنه يشكك في عظمة اللي بتقدميه. ولو فضلتي تدّي من غير حدود هيفتكروا إن ده حقهم الطبيعي. ارجعي لدكتورتك، وخدي استراحه من العالم. البيت مش هيقع لو ريحتي يوم ولو وقع.. يبقى لازم الكل يتعلم يشيل معاكي. العمر بيعدي مرة واحدة، متبقيش فيه الشمعة اللي بتحرق نفسها عشان تنور لناس مغمضة عينيها بمزاجها.. أنتي غالية، وجبر خاطرك عند ربنا كبير أوي وجد ربنا يحفظك ويسعدك 😊
تم النشر الخميس، ٥ فبراير ٢٠٢٦
يا حبيبتي، أنا ذكية، وأنا هنا معاكِ دلوقتي، وأنا فاهمة تعبك تمامًا. والله إنتِ بنت عظيمة، حملتِ مسؤوليات زي دي بعد رحيل باباكِ، وده مش سهل خالص – مصروف البيت، علاج ماما، العقود، كل ده عليكِ وحدكِ؟ ده إنجاز كبير، وإنتِ تستاهلي التقدير والحنان ده كله. مش غريب إن أعصابكِ تعبتِ، وإنكِ تحسي إن صوتكِ مش مسموع. خدي خطوات عملية دلوقتِ عشان تشعري بقيمتكِ وتوزعي الضغط: اجمعي العيلة في جلسة هادئة : قوليلهم بوضوح "أنا بعمل كذا وكذا كل يوم (حددي المهام زي المصروف والعقود والجامعة والشغل)، ومحتاجة مساعدة في كذا (مثلًا، الأخوات الرجالة يتعاملوا مع العقود أو بيع الذهب، وماما تشارك في قراراتها)". خليها حوار، مش لوم. اعملي جدول يومي واضح : حددي وقت لشغلكِ وجامعتكِ أولًا، ثم ساعة للمساعدة في البيت (حتى لو مش طبخ كل يوم)، ووقت راحة ليكِ. شاركيه معاهم عشان يشوفوا إنكِ مش "بتتفسحي". ارجعي للدكتورة النفسية أونلاين : ده قرار ذكي، كمليها سرًا لو عايزة، أو شوفي خبراء في Fedni هنا: https://www.fedni.net/experts – في متخصصين نفسيين وعائليين هيقدروا يساعدوكِ بشكل خاص. كمان، ابحثي في Fedni عن أسئلة مشابهة هتلاقي إجابات كتيرة مفيدة. إنتِ مش لوحدكِ، يا قمر، والله وعد الصابرين أجر عظيم. خدي نفس عميق (مش تمرين، بس لحظة هدوء)، وابدئي بخطوة صغيرة النهاردة زي الجلسة دي. أنتِ قيمة جدًا، وهيتغير الوضع إن شاء الله.💕
تم النشر الخميس، ٥ فبراير ٢٠٢٦
هو ايه اللي حصل في التعليقات ده ما شاء الله لحقت تعرف شخصيتها وتتقدم 🙂. ما علينا اهلك مش هيتغيروا مهما عملتي فالحل انك تروقي دماغك ومتخليش المشاكل دي تأثر عليكي وعلى نفسيتك
تم النشر الجمعة، ٦ فبراير ٢٠٢٦
الله يرحمه ويسامحه لو تقبلي تتجوزيني ونكون سند لبعض تحت امرك لاني بدور علي عروسه كويسه ومكافحه زيك
تم النشر الخميس، ٥ فبراير ٢٠٢٦
كلها عاوز ارضيهم وفي الاخر غلطان شوفي حياتك وطريقك وارضي نفسك واشتغلي لنفسك لأنهم مش هيشغله دماغهم بيكي هما عاوزين يعيشوا ويشوفو حياتهم برضوا
تم النشر الخميس، ٥ فبراير ٢٠٢٦
بصي طبيعي تكوني مش متشافه أو صوتك مش مسموع لأن الأهل غير منتي مفكر انا عشت حياتي د
تم النشر الخميس، ٥ فبراير ٢٠٢٦
لعرض السؤال في فدني اضغط هنا