هل لو عندي 22 سنه و وزني 65ك و طولي 165سنتي طبيعي؟
وهل في طريقة تزود الطول ولو حتى حاجه بسيطه ولا خلاص كدا نمو عندي وقف؟
طبيعة طول الإنسان ونموه ميتزيدش بعد سن ال ٢١ بس الفكرة هنا إن أصلا ممكن يكون دا مش طولك الحقيقى ممكن تكون أطول ب ٣ أو ٤ سم ودول بيفرقوا جدا جدا طب ازاى الفكرة هنا فى التمارين ضهرك وفقراتك بتبقى منكمشة على بعضها ف بمجرد ما تبدأ تتمرن مثلا وتفك جسمك عموما بتحس إنك طولت بس إنت ما طولتش هو دا طولك الأساسى أصلا
تم النشر الأربعاء، ٢٥ مارس ٢٠٢٦
انا هقول علي فهمي الشخصي متخدشي كلامي علي محمل الجد اولا علميا تقريبا ميقدرشي جسمك أنه يطول ، ولو فيه هيبقا جراحيا ودي عمليات خطيرة جدا ومكلفة ومظنش إن أي حد يقدر عليها ثانيا انت تقدر تسأل حد متخصص فيه خبراء ومدربين تغذيه منكم تدور عليهم هنا وتحاول تكلمهم اكيد هيفيدوك اكتر و هتفهم الدنيا ماشيه ازاي ثالثا بقا نصيحه شخصية انت لو مش بتنزل جيم تنزل هيفرق معاك اوي كتجربه شخصيه انا نزلت فتره حوالي ٤ شهور ونص وحسيت بفرق رهيب جسمي اتغير ظهري اعرض دراعي كبر جسمك بيكبر كا منطقة الصدر أو الرجلين هيتغير فعلا وطولت حوالي ٢سنتي انت لما تلاقي جسمك بيتغير وعضمك مع الوقت بيتغير هتتقبل فكره طولك انا اسف مش قصدي حاجه والله بس اوقات فيه ناس كتير مش بتتقبل حاجه زي الطول انت لو تقبلتها هتلاقي أنه عادي اعرف شخصيا صديق ليا كان كده في الاول بس بعد كده معتشي بيتكلم وبقا متقبله ادام طولك نوعا ما حلو مش مشكله وكمان الطول ده بيبقا حلو في الجيم وعلي فكره165 سنتي حلو مش وحش مع الجيم هيديك ثقه في نفسك صدقني والطول ده وراثي عمتا فلو والدك طوله كده او والدتك أو مثلا جدك جدتك بيبقا جينات بس انت متقدرشي تعمل حاجه غير انك تتمرن جيم وتحاول تاكل اكل صحي يعلي نسبه التيستيرون في جسمك هتلاقي نفسك حاجه مختلفه وحاول تلعب نط الحبل وانك في اليوم تجري ساعه الصبح عضم رجلك اصلا لما بيحصله زي كسر بسيط جدا وبيلحم تاني عشان هو بيخبط في الأرض بيأثر مع الوقت أنه بعد سنه تلاقيك طولت 3 سنتي مثلا ، دي نفس فكره الواحد اللي بيلعب بوكس في الجدار في الاول هتوجعك بس مع الوقت العظم نفسه بيعمل طبقه والجلد بيعمل جلد ميت بيخلي فرصتك اقوي والعضم نفسه بيتغير تدريجيا نفس النظرية علي رجلك بس طبعا انت مش هتقعد تخبط رجلك في الأرض 😂انت هتجري وتنط الحبل وبس وحابب اقولك متسناش نتيجه بعد شهر او اربعه او 6 عاوز نتيجه هتبقي تستني سنه ونص علي الاقل سنه وبرضه الموضوع جينات فيه ناس جسمها بيتغير اسرع وانت وشطارتك وجيناتك والله المستعان واسف على الإطالة
تم النشر الثلاثاء، ٢٤ مارس ٢٠٢٦
التمارين هتفرق معاك جدا و خصوصاً تمارين للعمود الفقري بحيث انها تخلي العمود الفقري من غير انحناءات ف ده هيديلك طول زيادة ، و طولك عادي على فكرة ما تخليش ده يسببلك ازمة ،
تم النشر الثلاثاء، ٢٤ مارس ٢٠٢٦
مرحبا يا عزيزي! 😊 أولاً، وزنك وطولك طبيعيين تماماً: وزنك 65 كجم وطولك 165 سم يعطيك مؤشر كتلة الجسم (BMI) حوالي 23.9، وده في النطاق الطبيعي الصحي (18.5-24.9). مش مشكلة أبداً، وده يعني جسمك متوازن. ثانياً، زيادة الطول في 22 سنة: عادةً، النمو الطولي بيوقف عند الشباب حوالي 18-21 سنة لما صفائح العظام (growth plates) بتتقفل. في سنك، صعب زيادة كبيرة (أكتر من 2-3 سم)، بس ممكن تحسن الوضعية وتطلّع طولك الحقيقي شوية (1-5 سم) لو كنت منحني شوية. طرق عملية وبسيطة للمساعدة (مش سحر، بس فعالة): الوضعية: قف واجلس مستقيم دايماً – استخدم تذكير على موبايلك. ده بيضيف سنتيات فوراً! تمارين يومية (30 دقيقة): سباحة، كرة سلة، أو قفز حبل، أو تمارين شد الظهر زي "الكوبرا" (استلقِ على بطنك وارفع صدرك). اعملها 5 أيام أسبوعياً. تغذية: كل بروتين (بيض، لحم، لبن)، كالسيوم (جبنة، لبن)، وفيتامين D (سمك، شمس 15 دقيقة يومياً). اشرب 2-3 لتر ماء. نوم: 7-9 ساعات يومياً، لأن هرمون النمو بيشتغل بالليل. ابدأ دلوقتي، وخلال 3-6 شهور هتلاحظ فرق في الثقة والمظهر! الطول مش كل حاجة، اللي مهم شخصيتك وقوتك. لو عايز نصائح أكتر، شوف الخبراء في https://www.fedni.net/experts أو ابحث في فدني عن أسئلة مشابهة. أنت رائع كده! 💪 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٢٤ مارس ٢٠٢٦
الجم
تم النشر الأربعاء، ٢٥ مارس ٢٠٢٦
بظن إنوا ممكن ما تتطولش تاني بس استشير دكتور احسن
تم النشر الأربعاء، ٢٥ مارس ٢٠٢٦
لعرض السؤال في فدني اضغط هنا