لأي حد هيشوف رسالتي محتاجه رد ضروري
من فتره اتعرفت علي شخص وحبينا بعض بطريقه متتوصفش هو محترم جداً وحنين ومتدين وكويس ومتفهم وعمل كتير واستحمل كتير علشاني وفيه كل الصفات الي بتتمناها اي بنت هو الظروف معاه مش احسن حاجه وسنه صغير والمفروض انه وحيد وبيجهز نفسه للجواز وانا من كام يوم جالي عريس ورفضته علشان بحب الشخص ده ومش عايزه غيره مش عارفه اتخيل حياتي مع حد غيره الفكره لوحدها بتقتلني
المهم عيلتي شايفه اني كده متكبره وراسي في السما علشان بس رفضت عريس زيي زي اي بنت الشخص الي بحبه ظروفه مش احسن حاجه وقدامه كام يوم وهييجي يتقدم بس كل ما يكون هياخد الخطوه في الف حاجه وحاجه تقف ضده ووالدتي كل يوم بتعمل معايا مشكله بسبب اني بحبه ومستنياه 😭
المفروض في وقت زي ده اقف جمبه واسنده واشجعه ولا ابعد عنه واسيبه بسبب ظروفه
انا بحبه ودايما بشجعه في كل خطوه بياخدها وواقفه جمبه في كل حاجه
انا كده بعمل الصح ولا غلطانه اني واقفه جمبه وبسنده علشان حبنا ووعودنا لبعض 🥺
انك تستحمليه او تسانديه ده طبيعة المشاركة لكن ده يتوقف على هتستحملي ايه وإزاي. وهتسندي ايه وإزاي. وايه المقابل الي انتي هتاخديه يعني هو هيسندك ويستحملك فإيه. طبعا الكلام ده يجي بعد انه يتقدملك ويدخل البيت من بابه، ومفيش ظروف دائمة تمنع انه يقابل باباكي ويقعد معاه ايا كان الاتفاق.
تم النشر الأربعاء، ٢٥ يونيو ٢٠٢٥
بصي حبيبتي قمة الجدعنة منك انك تقفي معه و تساعدينه و الحب جميل و كل حاجة لكن تعالي بينا نفكر بالمنطق سوا مش ممكن بيضحك عليك و مش بيحبك مش يمكن بيتسلي معاكي و بيضيع معاكي وقت فراغ مثلا ، م ا تقول لي لا بيحبني و بيعاملني حلو، حسألك سوال هل في بنت شريفة عفيفة تعمل علاقة كاملة مع راجل بدون جواز اكيد الرد لا طيب ليه في بنات متربين احسن تربية بيقعوا في حاجة زي كده؟ عشان في واحد منه لله بيضحك عليها بأنه بيحبها و يبيع الدنيا كلها عشانها و هو بيضحك عليها اسمعي مني الرجاله بتعرف تمثل كويس اوووي الا من رحم ربي فنفصل ازاي بقى انه بيحبك بجد و شاريكي فعلا؟ تطلبي منه انه يجي يتقدم لك و فهميه انه حقنع بابا و ماما يتهاونوا معاك و تكلمي باباك و ماماك انك عاوزاه هو و لو مش كده روحي لاي حد حكيم في عليتكم يقنع ابوك بكده إن شاء الله شيخ الجامع اللي عندكم فيدخل البيت من بابه و تبقى علاقتكم في النور قدام الناس و وقتها مش حيتقدم لك عراسان خلاص فهترتاحي في النقطة دي اما بقى لو هو اللي رفض انه يجي يتقدم لك بعد ما تقولي له انك حتقنع باباك و مامتك بأنهم يتهاونوا معه في الطلبات فاعرفي انه بيلعب بيكي و كان بيتسلي مش بيحبك زي ما مثل لك، و وقتها تنهي معه الموضوع بأنه دا عنوان بيتنا و دا رقم بابا لو عاوزني بجد عنواني ما بتوه و اديك عارف حتوصل لي ازاي و اقطعي معه على كده بعدها ما في مكالمات و لا شات ولا اي حاجة خالص لو بيحبك بجد حيجي لو كان بيتسلي و بيلعب بيكي فحتلاقي الايام و الشهور بتعدي و هو نساكي و انتهى على كده و وقتها حقك تزعلي و تحزني و اعتبريه مات من حياتك خلاص و إكرام الميت دفنه اي تدفني كل حاجة تخصه عندك و أربعين يوم تكتئبي فيها و بعدها تبدئي تهتمي بنفسي و تشوفي حياتك و خلاص على كده،،، دا رأيي انا الشخصي و اسأل الله يكتب لك الخير و السعادة و ييسر جوازكم لو هو خير ليكي و لو شر يعوضك باللي احسن منه اللي يستحق قلبك الأبيض دا و جدعنتك دي يا بنت الأصول 🌸
تم النشر الخميس، ٢٦ يونيو ٢٠٢٥
يا أختي، لا يوجد شيء اسمه "غلط تحبي شخص محترم وواقف جنبك"، لكن لازم تسألي نفسك سؤال واضح: هل هذا الحب يكفي لتأسيس حياة مستقرة رغم الصعوبات اللي هتواجهوها؟ لو كنتِ مستعدة تقفي معاه بجد، وتقدري تستني لحد ما يكون جاهز، ومقتنعة إنه الشخص اللي يستحق التضحية، يبقى أنتِ بتعملي الصح. لكن، لازم كمان تاخدي في اعتبارك: هل هو يبادلك نفس الإصرار والاستعداد؟ هل عنده خطة واضحة لتحسين ظروفه؟ هل عندكِ القدرة تتحملي ضغوط الأهل والمجتمع إلى أن تتيسر الأمور؟ الحب مش كفاية لوحده، لازم يكون وراه عقل وتخطيط، خصوصًا لو الحياة قدامكم صعبة. لو هو بيشتغل على نفسه فعلاً، وانتِ مستعدة تصبري وتستني، وواعية بتحديات القرار ده، فانتِ مش غلطانة، بل شجاعة. أما لو هو واقف مكانه، وانتِ بس اللي بتضحي، وبتواجهي كل حاجة لوحدك، لازم تراجعي نفسك عشان ما تتأذيش. وربي يكتب لك الخير ويشرح بصدرك للقرار الصحيح ❤️
تم النشر الخميس، ٢٦ يونيو ٢٠٢٥
السلام عليكم ورحمه الله وبركاته يعني تنتظري الشخص ده ولا غلط اني تنتظريه قد ما هو انت قرارك ايه كل واحد بيبني قراره بناء على اولوياته في الحياه فانت ايه اولوياتك في الحياه اولوياتك انه تكون شخص كويس ومتدين ومحترم واا اخلاقه كويسه اللي هي ظهرت طبعا من التعاملات مش من مجرد حاجات صحيه ولا انت اولوياتك بتقولي انك تعيشي في مستوى مادي معين او مستوى اجتماعي معين اه يعطيني الاستقرار اللي انت منتظره ماديا واجتماعيا اولوياتك هي اللي هتحدد قرارك المهم انك لما تقرري القرار ما ترجعيش تندمي عليه لما يحصل شويه او تقولي ما كنتش المفروض ان انا اعمل ده لاني اتاذمت لانه بكل قرار هيكون ليه تبعاته يعني لما اكرر انه انا استحمل شويه الماديات المتازمه هتكون عارفه ان انا اعمل الناحيه الثانيه بياخد حاجه مهمه بالنسبه لي. فمش هاقف عند الماديات المتازمه واللي اقول بقى انا عايزه كل حاجه وفي نفس الوقت لو قررت قرار التاني من الناحيه الثانيه ما انا لما اقبل بحد الاجتماعي البروفور الاجتماعيه والماديه كويسه وعاليه وهبقى مرتاحه في الشق ده ما تجيش ساعتها بقى وازعل بقول لا بس اصل هو مش بيديني الجزء الثاني من العاطفه بالشكل اللي انا كنت شايفاه الناحيه الثانيه فهبقى مستحمله فبعات القرار الناحيه دي او في الناحيه دي هنشوف انت حتكرري ايه واعملي حسابك فاستعدي للطبيعات بتاعته والازمات اللي هتكون مرتبطه بالقرار ده لانه كده كده كل قراري ايجابيات وسلبياته اللي بيخلينا ننطلق بالقرار هو استعدادنا لتقبل. السلبيات بتاعه القرار ده بكل اريحين.
تم النشر الأربعاء، ٢٥ يونيو ٢٠٢٥
أولا ايه مدى جدية الشاب و نيته؟ هل هو صادق فعلا في تحسين وضعه ام فقط يستخدم "الظروف" كعذر للتأجيل المستمر؟ هل يعطي وعودا حقيقية ام كلام مكرر فقط؟ إذا كان جادا و صادقا ف انتظاره و مساندته امر له قيمة يمكنكِ دعمه نفسيا بالكلام الطيب و التشجيع والصبر و لكن ليس بالمال و التضحيات الكبيرة التي يمكن الندم عليها لاحقا خصوصا في غياب ارتباط رسمي، الدعم لا يعني التنازل عن كرامتك و البقاء في علاقة بلا ملامح و من الأفضل أن تكون العلاقة واضحة: إلى متى تنتظرينه؟ شهر؟ سنة؟ سنتين؟ ما الخطة التي وضعها لتحسين ظروفه؟ هل يمكنه التقدم لخطبة مبدئية حفاظا ع الحقوق و النية؟ إذا كان لا يحدد وقتا ولا يضع خططا ولا يوضح خطواته ف استمرار الانتظار قد يكون مضيعة للعمر و أخيرا، إذا شعرتِ ان العلاقة تنهككِ و تؤخر مستقبلكِ ف من الحكمة التراجع
تم النشر الاثنين، ٢٣ يونيو ٢٠٢٥
يجي يتقدملك وان موفقش كملي حياتك انتي
تم النشر الأربعاء، ٢٥ يونيو ٢٠٢٥
لو متدين زى ما بتقولى يجى يتقدملك واهلك يراعوا ظروفه لعند ما يكون جاهز
تم النشر الأربعاء، ٢٥ يونيو ٢٠٢٥
فصل الخطاب هنا.. اعرضي عليه يجي يتقدم، او بلاش هو اكيد عارف الصح فين، بيبان عليه لو جاد في الارتباط هيدخل راجل لاهل البيت، والا يبقى مراهق لسه وعيل
تم النشر الأربعاء، ٢٥ يونيو ٢٠٢٥
العلاقه دي مابترضيش ربنا اكيد وهتتعبو واحتمال كبير ميكونش في نصيب،نصيحتي ليك تسمعي الفيديو ده كامل بقلب مفتوح وبتمنى ربنا يجمعكم بالحلال https://www.instagram.com/reel/DKz1RRFNk8w/?igsh=MTN3NTdxbDhmZ21xdA==
تم النشر الأربعاء، ٢٥ يونيو ٢٠٢٥
غلطانة يا أخت .. سيبك من العواطف ازاي متدين ووديع ومثالي ودخل معاكي في حب !!! .. ممكن دا يكون قناع و دي تكون مصيدة .. ويكون ده مقلب حياتك .. وحصلت مع ناس كثير .. والله انا اعرف واحدة رفضت شخص وخدت شخص تاني بيعتاد المسجد وضاع عمرها مع منافق نرجسي .. وده رأيي
تم النشر الثلاثاء، ٢٤ يونيو ٢٠٢٥
لعرض السؤال في فدني اضغط هنا