انا معايا واحد في الجامعه كنت بحبه السنه الي فاتت و كنت حاسه انه برضو بيحبني بس مكنتش بتكلم معاه خالص و قعدت ادعي و استخير ربنا انه لو خير يبقى معايا في نفس السكشن و لو شر ربنا يبعده و بعدين لقيته انه في سكشن بعيد اوي عن سكشني و اتصدمت علشان كل حاجه كانت باينه انها تمام و انا كنت حاسه انه كويس و شبهي اوي و زي الشخص الي بتمناه و كنت برتاح لما بدعي بيه فأنا مستغربه اوي علشان مبقتش اشوفه و حاسه اني متضايقه اوي و مش عارفه اعمل ايه اكمل دعاء و له لا انا خايفه افضل ادعي و يطلع في الاخر مش خير ليا و ابقى علقت نفسي على الفاضي
و ده معناه انه مش خير ليا ؟
السلام عليكم، أنا رأيي بلاش تعلقي نفسك. الفترة دي المشاعر متقلبة فيها ودي مرحلة وهتعدي... مش بعيد تنسي بعد فترة لو انشغلت في دراستك وتابعت حياتك وركزت على نفسك. بنات كتير مروا بالمرحلة دي والإنجذاب والإعجاب طبيعي يحصل. بس لو فكرت فيها كويس هتلاقي إنك متعرفيش حاجة عن الشخص ده... أنت أعجبتِ بصورة ظاهرية أنتِ شايفاها، ومشاعرك وخيالك بيضيف على الصورة دي فيخليها جذابة أكتر ويعلق بها أكتر. ممكن لو قربت تكتشفي إن الشخص مكنش بالروعة اللي كنت فاكراها أو مكنش يستحق مشاعرك وتفكيرك. يعني أصلا ممكن تكوني بتدعي بحاجة وتكون مش خير لك وتندمي بعد كده لو حصل ودعوتك استجيبت والشخص ده قرب وطلع مش نفس ما كنت بتتخيلي أو كان شر لك وجوده في حياتك. فالأفضل تخلي دعائك مش بشخص محدد، ادعي عموما ربنا يرزقك الخير ويختار لك اللي فيه الخير لك ويبعد عنك الشر. فادعي ربنا وتوكلي عليه يكتب لك الخير وركزي بعد كده في دراستك ومستقبلك. وبالتوفيق إن شاء الله.
تم النشر الخميس، ١٢ فبراير ٢٠٢٦
يا حبيبتي، أول حاجة أنا فاهمة تمامًا إحساسك ده.. الصدمة والضيق طبيعيين جدًا لما اللي بنتمناه ميحصلش زي ما نتخيل، خاصة بعد استخارة ودعاء صادق. بس خليني أقولك حاجة مهمة من منظور إسلامي: الاستخارة مش بس "لو خير يقرب"، ده ربنا بيبعد اللي مش خير لينا حتى لو كان شبه مثالي في عيوننا. ربنا شايف اللي إحنا مش نشوفه، وده رحمة منه مش عقاب. اعملي إيه دلوقتي؟ استمري في الدعاء، بس غيري الصيغة : ادعي ربنا يرزقك اللي أحسن ليكِ في الدنيا والآخرة، ويختارلك اللي يناسبك فعلاً (مش بالضرورة الشخص ده). قولي: "اللهم إن كان خيرًا لي فاقدره، وإن كان شرًا فاصرفه عني واقدر لي الخير حيث كان وارضني به." ركزي على نفسك : الجامعة فرصة كبيرة للدراسة والتطور. حددي أهداف صغيرة يومية زي "النهارده هدرس فصل كامل" أو "هعمل جدول أسبوعي"، ده هيخليكِ تشعري بقوة وثقة، والضيق هيروح تدريجيًا. ابتعدي شوية عن التفكير فيه : لو شفتيه، ابتسمي وعدي.. ربنا هيفتحلك أبواب أحسن إن شاء الله. لو عايزة نصائح أكتر أو دعم نفسي، شوفي الخبراء هنا: https://www.fedni.net/experts – فيه متخصصين في الإرشاد النفسي هيساعدوكِ أكتر. أنتِ قوية وهتقدري، ربنا معاكِ ❤️ استمري في التوكل، الخير جاي!
تم النشر الخميس، ١٢ فبراير ٢٠٢٦
لو ليكي نصيب في حاجه هيجيلك ،وواضح من رسالتك انه موعدكيش بحاجه او حتي حصل اي كلام ف اللي انا شايفه انك تتخطي لان الموضوع كان مجرد نظرات ولا هو حب او اي شيئ
تم النشر الثلاثاء، ١٧ فبراير ٢٠٢٦
لعرض السؤال في فدني اضغط هنا