السلام عليكم لو سمحتوا انا عايزه اي حل للتوتر انا بتوتر جامد بتوتر من اقل حاجه ودت بيأثر عليا في دراستي وبيخليني اتعرض لمشاكل كتير ومواقف محرجه 😔
كل ما تتوترى غيري الوضع الل انتى فيه .. لو واقفه اتمشي لو قاعده قومى اقفي...الحركة هتشتتك عن التوتر شوية خدى نفس بانتظام وركزى مع النفس ومع ضربات قلبك ونفسك لحد ما تحسيهم بقوا زى المزيكا سوا ...مش عاملين ازعاج. لما تتوترى ..ابتسمى ...متكشريش ( عشان ده بيحصل لا اراديا ) لما تتوترى روحى اغسلى وشك بميه ساقعه او كلى لبان بالنعناع واشربى بق ميه ساقعه ( انتعاش فظييع مقولكيش بقى )وهتنسى التوتر ان شاءالله. قوليلى مواقف اتوترتى فيها واعراض التوتر عندك عشان افيدك اكتر ان شاءالله.
تم النشر الجمعة، ٤ أغسطس ٢٠٢٣
السلام عليكم ورحمة الله وبركاته أختي العزيزة، أشكرك على ثقتك ومشاركة مشاعرك معي. التوتر والقلق أمور طبيعية يمر بها الكثير من الناس، ولكن من المهم إيجاد طرق للتعامل معها بشكل إيجابي. أولاً، من المفيد أن تحاولي فهم أسباب توترك وقلقك. هل هي ضغوط الدراسة؟ أم توقعات الآخرين منك؟ أم شيء آخر؟ عند فهم الأسباب، سيكون من الأسهل وضع خطة للتعامل معها. ثانياً، حاولي إيجاد طرق صحية للتعامل مع التوتر مثل ممارسة الرياضة أو الاسترخاء، التأمل قضاء وقت مع الأصدقاء، أو ممارسة الهوايات التي تستمتعين بها. ثالثاً، لا تخجلي من طلب المساعدة إذا احتجتي إليها. يمكنك التحدث إلى أحد أفراد الأسرة أو الأصدقاء المقربين أو حتى استشارة مختص نفسي إذا لزم الأمر. رابعاً، ركزي على الجانب الإيجابي في حياتك وكل ما تملكينه من نعم. اكتبي يوميات شكر وتأملي فيها. خامساً، تذكري أن لكل مشكلة حل، وأن مشاعر التوتر والقلق مؤقتة وستزول. ثقي بقدرة الله ثم بقدرتك على تجاوز هذه المرحلة بعونه وتوفيقه. أتمنى لكِ التوفيق والسداد، وأن تجدي الطريقة المناسبة للتعامل مع توترك. لا تترددي في التواصل معي مرة أخرى إذا احتجت أي مساعدة. تحياتي وتقديري
تم النشر الجمعة، ٤ أغسطس ٢٠٢٣
اتعاملي ببساطه من غير ضغط و حطي ف دماغك انك مش مجبره او ملزمه توصلي لهدف معين و ان كل اهدافك دي نجاح شخصي و حريه شخصيه ليكي زي مثلا التفوق ف الدراسه أو تقدير معين يعني عملتي كده تمام معملتيش خلاص لا يكلف الله نفسا الا وسعها و احنا بنعمل اللي علينا و بنسيب النتيجه ع ربنا ولا انتي مش واثقه ف تدبير ربنا ؟ عيشي الدنيا ببساطه اهتمي بقربك من ربنا و بنفسك و اعملي اللي عليكي و سيبي الباقي ع ربنا
تم النشر الجمعة، ٤ أغسطس ٢٠٢٣
الموضوع ده هيتحسن معاكي بالتدريج بحاجات بديهية زي مثلا تمارين التنفس او الاسترخاء .. بس لازم معالجة السبب نفسه او المسبب الرئيسي اللي بيؤدي للتوتر .. محتاجة اعرف الموضوع ده بدأ معاكي من امتى بالظبط وايه اللي ادي وقتها للتوتر والقلق ؟ وهل التوتر ده مثلا ف الامتحانات بس ولا متعلق ب اي شئ تاني برضه؟
تم النشر السبت، ٥ أغسطس ٢٠٢٣
تمام شكرا لكلامك ي جميله💜💜
تم النشر الجمعة، ٤ أغسطس ٢٠٢٣
اولا لازم تاخدي كل الأؤمور بهدواة وتفكري فيها تفكير إيجابي ليس سلبي حتي لو حاجة بالنسبالك وحشة بارضوا تفكري من ناحية إيجابية وديما إستخيري ربنا في اؤمور حياتك وسيبي كل حاجة علي ربما انتي اسعي وسيبي الباقي علي الله وديما تأكدي ان ربنا هو إلي بإيديه كل حاجة وان اي حاجة بتحصلنا هيا الخير لينا لو فكرتي بالطريقة دي هتلاقي نفسك بطلتي تتوتري التفكير الزيادة هو الي بيوتر وربنا يصلحلك الحال ياارب
تم النشر الجمعة، ٤ أغسطس ٢٠٢٣
لعرض السؤال في فدني اضغط هنا