كيف اتعامل مع زوجى وهو كثير الغضب على اتفه الاسباب وهو سليط اللسان ويأخد قرارات مصيريه فى كل غضبه له ، منها الهجر وترك المنزل بالشهور واتهاماتى المستمره بالتقصير حتى باشياء لم افعلها ولكنه يختلقها ويتهمنى بالانانية وحب الذات فى حين ان كل الواجبات المنزليه والماديه للبيت وللاولاد اقوم بها وهو ممكن يشارك على فترات متباعده ومبالغ ضئيله ، ويتهمنى انى ابحث فقط على ما اريد ولا اهتم به نهائيا فى حين ان اولادى يتهمونى انى اهتم به اكثر منهم وكانه طفل صغير لا يستطيع ان يخدم نفسه دائما اقدم له الدعم النفسى ان كان يعانى من اى ضيق ولكمنى فى الفتره الاخيره للاسف كان لى رد فعل غير لائق معه وهو يهدد بالانفصال وانه اخد قرار عدم التعامل معى نهائيا فقررت تنفيذ هذا القرار لانى مللت التهديد والاتهامات واردت التفرغ لاولادى ولعملى ولكنى اشعر بانى مظلومه واريد النصح والارش
واضح ان فى حدود كتيرة مهدوره من الاتجاهين ( انتى وهو ) ولو على الارشاد فانتوا الاتنين محتاجين لتأكيد القواعد الصحية للببيت والعلاقة الزوجية انما حاليا انتى صح بانكم تاخدوا وقت بعيد عن بعض خالص ....انتى لازم تهدى وتركزى وترتبى اساسيات الحياه ...بعد شهر مثلا ممكن تقعدوا تتكلموا تانى
تم النشر الأحد، ٣٠ يوليو ٢٠٢٣
سريع الغضب أكيد ليها أسباب وتراكمات ممكن من وجهه نظرك أنها تافهه لكن هو له رأي آخر زائد كونه ياخد قرارات مصيرية في كل مره أعتقد أن السبب مش تافه له ونظرتك لتفاهه السبب هي للأسف اللي بتكبر الخلاف بينكم كونه سليط اللسان ممكن يكون حاسس بنقص من جواه ماديا مثلا وبيعوضه أنه يهينك أو أنتي عودتيه أنك أوكي تتقبلي الإهانه مفيش وقفه ليكي معاه ثانياً طبيعي زوجك يكون مضغوط في شغله ومضغوط بسبب بيته وأولاده هو كل اللي محتاجه منك دعم نفسي وتهوين عليه تمام أنتي بتهتمي بس هو مش لامس الإهتمام ده جربي تشوفي الخلاف من وجهه نظره اسمعي واخلقي جو للحوار بينكم سيبيه يطلع كل شحنه الغضب وأكيد من غير إهانه ولازم تأكدي إنك مش هتتقبلي الإهانه ولا تسمحي بيها بأدب لأن أساس العلاقات الإحترام والأدب وده متبادل بينكم اوكي أحترمك و أسمعك وأتحملك وتاخد وقت في الزعل ومساحتك لحد ما تهدي وأنتي خدي مساحتك وتتكلموا وتتناقشوا لما تهدوا لاقي طريق مشترك بينكم للحوار الموضوع محتاج هدوء وصبر وحكمه منك وربنا ييسر حالكم ويهديكم لبعض
تم النشر السبت، ٢٩ يوليو ٢٠٢٣
حضرتك محتاجةة وقت غضبه إنك متخديش أي رد فِعل ولا حركة بوشِك ولا اي حاجةة تسبيه يطلع شُحنة الغضب دي،إلا لو هو هيغلط ويقول ألفاط أو هيمد إيده تقوليله بعد إذنك انا هدخل أصلي أو ممكن حضرتك تنزل عشان انت هتقول كلام هيضايق وكِده فاهمةة تستأذني وتمشي من قدامه بس مش تمشي على بيت أهلك لاء تدخلي أوضة الأطفال او أوضة اانوم ولا حاجة ده بخصوص الغضب. حضرتك بجد محتاجةة تقعدي مع نفسك تراجعب نفسك بجد مش مقصرة فِ حقوقة مش مقصرة معاه فِ حاجةة هو معاكي حاسس إمه راجل حاسس بقومته كَـ راجل خصوصا ان حضرتك بتقولي إنك نتي اللّي بتصرفي وده مش صح مفروض إن هو اللّي يصرف بس حضرتك عوديته انك انتي اللّي بتصوفي فَ حضرتك محتاجة تخليه هو اللي يصرف بس واحده واحده كل كام يوم تخليه يسيب فلوس لحاجةة مختلفة وتعودية علي ان هو اللّي يصرف تمام، راجعي الموضوع ده كويس فاهمني. الراجل مش محتاج ان اولاده هما اللّي يستقلبو بعد يوم العمل لاء محتاج مراته هيا اللّي تستقبله بإبتسامة على وشها بكوباية عصير ف الجو الحر ده او مايه ساقعه تحسسيه إنك مقدرة تعبه وتشوفي بابن على وشه التعب تقوليو شكلك. تعبان تحضنية ده الإحتواء اللّي الراجل بيكون محتاجةة افتكري ان الزواج ده سكن بين الزوج وزوجته ونتي ك بنت أو ك أم او زوجة انتي أساس الحنان انتي بتتبسطي اما بتقدمي الحنان للأشخاص اللي حواليكي مبالك ده جوزك حاولي كده قبل ماتخدي قرار الطلاق عشان متحسيش بالذنب بعدين او انك قصرتي مع الراجل ده قبل ما تسبيه وصدقيني من وجهة نظري مهما حصل انتو الاتينن ممكن تكون الحياه حلوة بنكم واحده واحده وبالراحه ربّ ييسرلك الحال ويطمن قلبك ويقدملك اللّي فيه الخِير متنسيش تقعدي مع نفسك تراجعي انتي بجد مقصره معاه ف حاجةة ولا لاء.رب يبارك فيكِ
تم النشر السبت، ٢٩ يوليو ٢٠٢٣
لعرض السؤال في فدني اضغط هنا