السلام عليكم
انا عندي حاجه غريبه جداا كشفت واخدتلها علاج بس بتزيد هي كانت عندي قبل كده بس من وقت متخطبت وهي بتزيد اوي اول حاجه كان قبل كده عندي حساسيه ف جسمي عامة كنت بهرش والمكان يبقا احمر وساخن وممكن يورم وكانت ف رجليا وايديا فقط وكشفت والحمد لله الموضوع خف شويه وممكن خاالص
كمان من وقت متخطبت بقاا وانا كان عندي غمقان ف الااندر ارام بسبب بردو الحساسيه دي فقولت أكشف علشان اتعالج منها واعمل تقشير وبعدين كشفت واخدت علاج برشام ليها اسمو هستازين واخدت زي لوشن كده بيهدي المكان الى متحسس ومضاد بكتريا وبعدين استخدمتو زي شهر بس مفيش اي تحسن
الموضوع زاد جدا لدرجه ان الااندر ارام بقا شبه محروق او الجلده الى فوق متشاله وفيه حبوب كتير جداا وفيه افراز كده اصفر شبه الجلد الميت وريحتو وحشه
بطلت العلاج من فتره بس الموضوع زاد جدا وحتى منطقه الصدر بقى فيها احمرار شديد وحبوب كتير صغيره وبتاكلني وبيزيد اوي لما خطيبي بيكون هنا وبعد مبيمشي علطول وشي بيطلع حبوب ورقبتي ومنطقه الصدر كل اماكن الحساسيه عامة بتزيد وتوجعني وابقا هموت منها
قرأت قران وشربت ميه مرقيه وعملت الحاجات دي وبردو مفيش نتيجه
آسفه ع الاطاله بس ممكن حد يفيدني لو حصل معاها كدد او لو يعرف حد كده او حل اي حاجه لاني جربت كتير وحاولت ومفيش اي فايده وبجد تعبتت ونفسيتي ادمرت.. 💔
السلام عليكم، أولا ألف سلامة عليكِ. بصي الأول بلاش تحطي في دماغك إن اللي بيحصل ده بسبب حسد أو عمل معمول لك أو كده لأن تصديقك لفكرة معينة بيرسخها ومش هتقدري تتخلصي منها بسهولة، خاصة إنك قلتِ أصلا إن المشكلة كانت عندك من قبل بس زادت، بلاش تحطي في بالك ده. يعني حتى لو فيه احتمال بلاش تتمسكي به وتصدقي إن اللي قاصد يؤذيك قادر فعلا على أذيتك وأقوى من حفظ ربنا لك. فداومي على الرقية عادي، لو فيه حاجات من دي فالرقية الشرعية وسورة البقرة بتمشي عليهم لمدة ومش بتوقفي لو مش لقيتِ نتيجة بسرعة. اقرئي أذكار الصباح والمساء وسورة البقرة كل يوم وتيقني إن ربنا الحافظ وأقوى من أي شخص يريد لك الأذى وقادر يشفيك من أي شيء بإذن الله. *** ثانيا، لازم تكشفي جلدية تاني، متسيبيش نفسك كده. حتى لو الكشف الأول والعلاج مجابش نتيجة روحي لدكتورة تانية، بس حاولي قبلها تشوفي آراء الناس اللي راحت لها، يعني ممكن تشوفي على موقع فيزيتا وتبحثي عن أطباء الجلدية اللي في مدينتك أو محافظتك والطبيبة اللي تختاريها هتلاقي التقييمات بتاعتها وآراء الناس مكتوبة. وتابعي العلاج لفترة وارجعي لها في الاستشارة والتزمي بالتعليمات كويس وربنا يسهل ويشفيكِ شفاء لا يغادر سقمًا. ألف سلامة مرة تانية.💚💚
تم النشر الثلاثاء، ٢٢ سبتمبر ٢٠٢٦
وعليكم السلام ورحمة الله. أولاً، أنا آسفة جداً للي بتمرّي بيه، والألم الجسدي والنفسي اللي وصفتيه واضح إنه مرهق ومؤثر عليكِ بشدة، خاصة مع الخطوبة والضغوط اللي بتزيد. الأعراض اللي بتحكي عنها (احمرار، حبوب، إفرازات صفراء، ريحة، وتفاقم في مناطق معينة) تبدو زي التهاب جلدي شديد أو حساسية مصحوبة بعدوى محتملة، وده شيء يحتاج تقييم طبي مباشر من دكتور جلدية متخصص، لأن العلاج السابق (هستازين واللوشن) ما نفعش وممكن يكون في حاجة لفحوصات أو دواء مختلف. الأمر الملفت إن الأعراض بتزيد لما خطيبك موجود أو بعد ما يمشي، وده ممكن يكون مرتبط بتوتر عاطفي أو احتكاك جسدي يثير الحساسية، أو حتى تغيرات هرمونية مع الخطوبة. جربي تروحي لدكتور جلدية قريب وتوصفي كل التفاصيل دي بالضبط، ولو لزم الأمر اطلبي تحويل لأخصائي حساسية. في الوقت الحالي، حافظي على نظافة المناطق بلطف بماء دافئ وصابون خفيف غير معطر، وتجنبي خدش أو استخدام أي منتجات جديدة لحد ما تشوفي الدكتور. من الناحية النفسية، التعب والإحباط طبيعي في مثل حالتك، وأنتِ مش لوحدك في الشعور ده. استمري في الدعاء والرقية كما فعلتِ، فالصبر والتوكل على الله بيساعدوا في تخفيف الضغط النفسي. لو عايزة أفكار عملية أكتر عن كيفية التعامل مع التوتر المرتبط بالخطوبة، قوليلي. وممكن تبحثي عن أسئلة مشابهة على فدني لتشوفي تجارب أخرى. خدي خطوة للدكتور دلوقتي، وربنا يشفيكِ ويفرج همكِ. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٢٢ سبتمبر ٢٠٢٦
حصني نفسك بالاذكار و قراءة القران و لو الموضوع ده حصل بعد خطوبتك جيبوا شيخ يقرأ ف البيت يمكن ف حد عاملك سحر او واخده عين حفظك الله و حاولي مش تحكي لحد حاجه عندك و عن خطيبك و حاولي تشوفي دكتوره مش دكتور متخصص للجلديه
تم النشر الأربعاء، ٢٣ سبتمبر ٢٠٢٦
لعرض السؤال في فدني اضغط هنا