السلام عليكم
عندي ٣٢ سنة ومعايا طفلة ٣سنين وبشرب حشيش وأمنية حياتي ربنا يتوب عليا منه لاني عارفة أنه حرام انا بشرب لانه الحاجة الوحيدة اللي بتهديني وبتخليني مبقاش عصبية كل ما أحاول ابطل الاقيني برجع تاني نفسي أتعافى تماما نفسي الاقي حل للعصبية الأوفر اللي ببقى فيها مع العلم الحمد لله بصلي والحمد لله علاقتي بربنا كويسة الحاجة الغلط في حياتي هو وبس @Psy-a'laa M. Abdulhamid
عليكم السلام ورحمة الله وبركاته استشيري طبيب نفسي يا جميلة أو مركز لعلاج الإدمان هيساعدوك وتأكدي ما دمتي بتحاولي فانت تقدري 💪
تم النشر الاثنين، ٩ مارس ٢٠٢٦
بصي يا ستي العصبية ليها حل غير الحشيش الحشيش مش بيهديكي، هو بس بيخدر مشاعرك مؤقتاً، ولما مفعوله بيروح العصبية بترجع أضعاف. حاولي تشوفي دكتور نفسي أو استشاري يساعدك تفرغي الضغط اللي عليكي بطرق صحية، سواء بتمارين تنفس أو مكملات بسيطة تساعدك. وبنتك محتاجة تركيزك البنت في سن 3 سنين بتبدأ تفهم وتراقب. هي محتاجة أم حاضرة بذهنها، مش أم غايبة بالدخان. فكري فيها كل ما تضعفي ولو في ناس بيشجعوكي أو مكان بيفكرك بالشرب، اقطعي علاقتك بيهم فوراً. الصاحب ساحب، وإنتي دلوقتي بتسحبي نفسك لورا. ولو وقعتي مرة، قومي وتوبي تاني. ربنا غفور رحيم، وباب التوبة مفتوح 24 ساعة. ما تخليش شيطان اليأس يقولك خلاص باظت . بعتذر عن الإطالة 😊 وجد ربنا يحفظك ويسعدك
تم النشر الاثنين، ٩ مارس ٢٠٢٦
عملية التعافي من الادمان عملية مش سهلة ومش صعبة محتاجة قرار بس لو القرار موجود كله سهل ان شاء الله حضرتك عندك ارتباط شرطي مع المخدر مبدئيآ الحشيش بيلعب علي تغيير المود وتبطليه بيعمل اكتئاب وفقدان شهيه وصعبية شديدة وارق وساعات مخص في طريقتين للتبطيل ب علاج او بلدي زي ما بنقول البلدي لو ب علاج هتاخدي لوستراا حباية واحدة يوميآ لمدة اسبوع او ١٠ ايام مش اكتر دة بيعدل المزاج و الموود شواية ف ادوية وحاجات تاني تساعد بس لازم تفاصيل اكتر عن الحالة وحد يتابع مع الحالة عشان يبقي في مرحلة تعافي الحشيش للاسف تبطيله صعب مش زي ما الناس فاكره
تم النشر الأحد، ١٥ مارس ٢٠٢٦
الحشيش ادمان كميائي خصوصا في هذه الايام لا يمكن ان يكون مجرد فقط ماده الحشيش الكيميائيه هناك مواد اخرى مضافه عليه وهذا بهدف سلب العقل وانشاء دوائر العصبيه ادمانيه داخل الدماغ وهذا استدعي تدخل الطبي من اجل وصفه لصفقات الادويه بل وصف صحيح المقدار توغل المواد الكيميائيه السميه داخل الدماغ وداخل الجسد عموما ومدى انتشارها وما الذي تحتاجه من اجل ازاله هذه السموم اولا وايضا علاج تلك المشاكل العصبيه التي ولدتها هذه المواد الكيميائيه هذا ضروري جدا لان الطبيب استطيع ان يرى هذه الاشياء من خلال الفحوصات واشياء اخرى الثاني انك لسه فقط بحاجه الى تشجيع او كلمه او مجرد دعاء عليك ان تاخذ بباقي الاسباب الاساسيه المؤثره في هذا الامر
تم النشر الخميس، ١٢ مارس ٢٠٢٦
الحاجات دي بتكون صعبة اوي بس انت اولا تفهمي نفسك انت ممكن تمنعها ازاي بتختلف من شخص لشخص في ناس بتمنع تماما و بتحبس رغباتها لكن مع أول فرصه بترجعلها من كتر الكبت و ناس بتقدر تبطل فعلا و ناس بيحتاج دعم لانه موضوع مس سهل و ده اللي انصحك بيه لأني شايفه ده احسن لك لأن انت كده كابته نفسك فممكن تنفجر و ترجعي
تم النشر الأربعاء، ١١ مارس ٢٠٢٦
لاذم تدعي في الصلاه و تخشعي فيها و في ناس كتير بتصلي عشان بس تقضي فرض أو عشان متحسش بتقصير لكن دي كدا مش صلاه الصلاه انت تستشعري وجود ربنا حواليكي دائما و انك تدعيه في كل ركعه و ادخلي علي اليوتيوب اسمعي بودكاست بيتكلم عن الخشوع و استشعار الصلاه. ورينا يهديكي يارب و يتوب عليكي❤️❤️🌷
تم النشر الأربعاء، ١١ مارس ٢٠٢٦
ربنا يتوب عليكي ويبعده عنك و يخليكي لبنتك يارب❤️
تم النشر الاثنين، ٩ مارس ٢٠٢٦
لعرض السؤال في فدني اضغط هنا