إجابة علي السؤال: ما هو ذنبي ان ملامحي ليست جميلة، هل ده عقاب من الله؟

إياك ثم إياك تفتحي باب للشيطان معاك ويدخلك من الباب ده كلنا في احسن تقويم انا كنت بقول زيك كده البنات التانية عندهم لبس احلى بشرة احلى شعر احلى دول بيض وقمرات وكمان اذكية وفيهم كل حاجة حلوة وانا اللي وحشة وملابسي مش حلوة وبشرتي سمرة وشعري كيرلي مجعد خالص ومش حلو وحواجبي مش حلوة خالص بس اطلب منك اقفي هنا بطلي تجرحي نفسك وتأذيها اولا ربنا ادا لكا واحده فينا نعم كتيرة بتميز كل واحده فينا بصي هما بشؤدر يعني مش كاملين يعني زمانهم بيعملوا حاجات يامه غلط وبيخبوها عن الناس عشان محدش يقول عليهم حاجة وحشة كمان انا كنت زيك مفكرة انهم ملايكة بس لما قربت لربنا وطلبت منه يوريلي الحقيقة طلعت قدامي حقيقتهم كلهم وأنهم متصنعين وبيحسنوا من شكلهم ويحطوا الرفان عشان بس يجيبوا الناس ليهم عشان عندهم نقص يا بنتي وعاوزين يبقوا دايما هما اللي في الصورة والمحبوبين دايما والكل يشكر فيهم وفي جمالهم وذكاءهم بس الحمدلله ربنا كشفهم كلهم قدامي وارتحت وعرفت ان الأشخاص الحقيقين اللي زيك وزي الناس الجميلة الملتزمة بأخلاقها ودينها واللي ملتزمة بالزي الشرعي الجميل واعلمي ان يوم القيامة لما يجي انت هتبقى احسن من احسن حور عين في الجنه والناس كلها هتجري عشان تشوف جزء منك بس انت بتتكلمي ازاي يا بنتي دانت مفضلة عند الله ودا لوحده كفاية طالما انت ملتزمة بدينك وصلاتك ولبسك يكون شرعي دا كافي اوي انك تكونى ملكة الملكات يوم القيامة واعرفي ان الدنيا دوارة بكره يجيلك عريس او شغل أو أمنية هتموتي وتحقيقها احسن وأفضل منهم وأن شاء الله تشوفي ده بعينك والفرحة متبقاش سيعاك يا بنتي ربنا يهديك

إجابة من Ausj Susjsj

تم النشر الجمعة، ٣ نوفمبر ٢٠٢٣

4 تعليق

اول حاجة زي ما قولت قبل كده الرجوع إلى الله بكل مافيك لان الله ملجأ لنا جميعا الملجأ ده عمره ماجاه عليه يوم وقفل مازال مفتوح وسيظل ليوم الدين مفتوح باب الله باب التوبة لا ينغلق ابدا اذهبي إلى الله بكل ما فيك هتسأليني ايه علاقة التوبة باللي كنت بعمله اقولك انك وانت مش حاسة ظلمتي نفسك وجرحتيها وحمليتها فوق طاقتها وأذيتيها بكلامك القاسي مش لازم دايما نضغط على نفسنا لازم نسيب لنفسنا مجال تتنفس فيه من غير ما نعاتبها ونتقبل الواقع مهما كان ونقول قدر الله وماشاء فعل وماحصل قدر ان يحصل اذن لازم ارجع إلى الله بكل ما في نفسي وعقلي وقلبي لانه في الأصل يحبني ويريد مصلحتي هو الله هو الإله الوحيد اذن هو اكيد اعلم باللي انا مش عارفاه هو احسن منى اكيد عارف ايه الأحسن ليا وعمره ما هيأذيني ولا يضرني حتى لو انا في عز عصيانه لانه رحيم ولأن ربنا غفور وبيتغاضى يامه عن غلطات عباده اذن لازم انا كمان اكون متسامحة مع نفسي ورحيمة بيها .كمان ربنا عمره ما يعطيك شكل معين او جسم معين او بشرة معينه او شعر او غيره هو حاطك في المكان ده عشان عارف انك قد المسؤولية دي ايوة انت قد المسؤولية انك تتقبلي نفسك وتحسنيها للأحسن اكيد كلنا كبشر جميعا لنا أخطاء بس مش بنحب نتكلم عنها فلازم بقى ابقى مسؤولة وابدء في وضع بعض الأهداف اني اطور نفسي للأحسن ومتنسيش انك مفيش عيب ولا غلط انت بتحاولي توصلي بنفسك للتطوير والتحسين وبرده في نفس الوقت لا تقسو على نفسك وأنت تدربيها على التطوير لان اكيد مرحلة تقبل الذات وتطوير النفس محتاجة وقت اكيد.ويجب ان تعرفي ان تطوير النفس له أوجه كتيرة زي لو بدءنا بالاهتمام بالبشرة محتاجين غسول ومرطب وصن بلوك بس صراحة الصن بلوك غالي فمش بجيبوا عندك الشعر اهتم بتسريحه كل يوم واحطله ماسك للشعر مناسب لنوعه واستخدم شامبو كويس لنوع شعري وكمان زيت الشعر او كريم الشعر العادي .عندك ملابسك تكون ملتزمة بالزي الشرعي الجميل واللفة الخمار او الطرحة الظبوطة من غير ميكاب او عطر او انك تبيني خصل من شعرك كمان اللبس الواسع مريح .اهتمى بتنظيم جدول ليومك لان فعلا تنظيم الوقت مهم جدا وبيفرق اوي في حياتك الدراسية او المهنية لازم تبدءي يومك من صلاة الفجر بعده الأذكار والدعاء بكل ما تريدنه .صدقيني الصلاة ولله تالله مريحة وتبعث في نفسك طمأنينة لا مثيل لها والله انك تسجدين لربنا وتشتكي له من كل شيء يزعلك وتقولين يارب اجمل لحظة بالكون كله وكمان تقرءي كتب كتير عن الراحة النفسية وتطوير النفس وكتب دين مثل فاتتني صلاة او حسن الظن بالله او لانك الله او لكنود او صحة نفسية جميلة هذه الكتب او تسمعي بودكاست وعي وفي بودكاست لشيخ اسمه ياسر الحزيمي رووووعة جميل جدا يعلمك كيف تتقبلين نفسك بكل ما فيك خلي القرءان له نصيب من يومك ولو كانت ايه وشوفي حياتك كيف تتغير للأحسن لازم تؤمنى ايمان كامل ان راحتك النفسية كلها مع الله ولازم تبطلين تقارني نفسك بالاخريات وان شاءالله ربنا يوريك خير اكتر وأفضل من اللي عندهم وهتشوفي انا بحكيلك تجربة حقيقية حصلت معايا فعلا والله ربنا وراني انه عمره ما نسى دمعة ليا في يوم ولا نسى قد ايه كنت بعاني من كمية التفكير والمقارنة والله يا بنتي ربنا ما هينساكي ابدا ابدا وهتشوفي بيحبك قد ايه عمره ما ينسى دمعتك ابدا ولا تعبك ولا قولك اه في مرة والله يابنتي انتصرت عليهم كلهم وبقى كل اللي حواليا مصدومين ازاي حصل كده واني قدرت اغلبهم كده عارفة مقولة اعمل في صمت ودع نجاحك يسبب الضجيج بالله دي اتحقق معايا برحمة رب العالمين ربنا الطف وارحم بكتير انو يزعلك في يوم والله عمرك ماتهوني ابدا عليه

تم النشر الجمعة، ٣ نوفمبر ٢٠٢٣


عندك حق 🤍 لو عندك معلومات ازاى عرفتى تتقبلي ذاتك ياريت تفيدني

تم النشر الجمعة، ٣ نوفمبر ٢٠٢٣


امين يارب بس هقولك حاجة القبول اللي ليهم في الدنيا ده ماهو الا متاع قليل ليهم فقط زي بالظبط الكفار والمسلمين ليه الدول الاوروبية الملحده هي الأكثر تقدما من الدول المسلمة اللي على حق .اقولك ان الحق حق وهيظهر في معاده وبتاع الدنيا إلا قليل وفي الاخر كلنا هنتحاسب على النوايا

تم النشر الجمعة، ٣ نوفمبر ٢٠٢٣


والله انا فعلا كنت بحب نفسي زمان جدا جدا ومكانش عندى اى مشاكل نفسيه بسبب الموضوع ده لحد ما حسيت أن بعد الاعدادى يعنى ف ثانوى كل البنات شكلها اتغير معدا انا ومبقتش بحب اتصور خالص وحسيت أنهم احسن بس عندك حق لان فعلا هما احسن من برا فقط بس الي يدايق أنهم من جوا وحشين ومع ذلك فيهم قبول من الناس عموما ربنا يهدينا ويحببنا ف نفسنا وشكرا جدا ليكى 🤍

تم النشر الجمعة، ٣ نوفمبر ٢٠٢٣

لعرض الإجابة في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك