ارجو الرد
لية لازم نؤمن بالقضاء والقدر رغم اني مش مقتنعة بيه؟؟؟
لو درستي عقيدة القضاء والقدر صدقًا هتعرفي إزاي ربنا رحيـم بينا وإن الـ حصل كان لأزم يحصل والـ محصلش كان لأزم ميحصلش غير كدا أدرسي أسماء الله الحسنى وكمان مش هقولك قوي إيمانك بس هقولك أنتِ مُخيرة يعني سبحان الله ربنا ترك الخيار ليكِ عايزة ترضي بـ قضاء الله أرضي مش عايزة مترضيش برضو في كلا الحالتين حتى لو مش راضية قضاء ربنا هيكون يعني هتهربي من قضاء الله إلى قضاء الله فـ فأنا عايزة أقولك أرضي عشان لو ربنا يطلع على قلبك ويلاقي رضا هيكرمك؟؟ هل أنبياء الله كان عندهم علم بـ قضاء الله وليه ليحصل فيهم دا كله؟ ورغم دا كله كانوا في حالة شكر وحمد وثناء على الله وصدقًا ألمهم كان أكبر بكتير من ألمنا، بس الفيصل بينهم وما بينا أنهم كان عندهم يقين في رحمة الله وإن ربنا خلقنا عشان حكمة وإن الحاجة دي الـ أنا بتألم بسببها هي الـ بكرة هتكون سبب سعادتي ومش لأزم في الدنيا ممكن في الآخرة جنة الفردوس الأعلى الله يرزقنا اللهم آمين أنصحك تدرسي عقيدة المسلم من غير عقيدة هشه ومعرض لـ الفتن وممكن يتعرض لـ أفكار سيئة الله يعفينا🌸
تم النشر الاثنين، ٢٩ يونيو ٢٠٢٦
سؤالك مهم جداً ومنطقي، وطبيعي يمر على عقل أي حد بيحاول يفهم الأمور بصدق، مش مجرد تسليم وخلاص. فكرة القضاء والقدر مش هدفها إلغاء عقولنا، بالعكس، هي بمثابة "صمام أمان" نفسي وعقلي لينا في الدنيا دي. عشان نقتنع بالفكرة، محتاجين نشوفها من زوايا تانية: أولاً: راحة البال والتخلص من وهم "لو". لو عشنا من غير إيمان بالقدر، هنفضل طول الوقت في دوامة لوم وجلد للذات: "لو كنت عملت كذا كان حصل كذا". الإيمان بالقدر بيقولك: أنت عملت اللي عليك وسعيت، والنتيجة دي بتاعة ربنا، فـ ارتاح واهدأ. ثانياً: إحنا مش شايفين الصورة الكاملة. علمنا كبشر محدود جداً، بنشوف الخسارة أو الوجع دلوقتي ونزعل، بس مابنعرفش الخسارة دي حمتنا من إيه، أو بتجهزنا لحاجة أحسن قد إيه. ربنا سبحانه وتعالى بيقود حياتنا بحكمة أوسع بكتير من نظرتنا اللحظية. ثالثاً: السعي عليك والنتيجة مش بتاعتك. الإيمان بالقدر بيشيل من على كتافك حمل رهيب. ربنا مش بيحاسبك على النتيجة، هو بيحاسبك على السعي والنية. ده بيخليك تتحرك وتجتهد في الحياة من غير رعب وخوف من المستقبل. باختصار: الإيمان بالقضاء والقدر بيخليك قوي وثابت في المواقف الصعبة، ومتواضع وراضي في لحظات النجاح. هي رحلة "ثقة وحب" في تدبير ربنا، أكتر من كونها مجرد فرض.
تم النشر السبت، ٤ يوليو ٢٠٢٦
اولآ معنى الايمان هو التصديق . معنى القدر هو العلم المسبق بيقين دون شك اما القضاء فهو التنفيذ معنى الجملة بالكامل هو تصديق علم الله المسبق عما سيقع في المستقبل ربنا عارف احنا هنعمل ايه زي مثلآ ما لما حضرتط تكوني رايحة مناسبة ولتكن( فرح ) بالتأكيد انتي عندك علم نابع من افكارك ان العروسين هيرقصو وهيكون في نوع من البهجة والسعادة وبمجرد ما تروحي الفرح بيحصل اللي انتي كنتي متأكده انه سيحدث فهل انتي اجبرتي العروسين على الرقص ام أن علمك بما سيحدث توافق مع الذي حدث لله المثل الاعلى وتعالى سبحانه عن التشبيه فإن الله يعلم من قبل ان نوجد ماذا سنفعل لانه عليم بحكمته فحين نقوم بممارسة افعال من أنفسنا فهذا ليس فرض من الله ان نفعله ولكن الله يعلم ما سوف نختار فعله لذلك علينا أن نؤمن بقضاء الله وقدره والايمان او الاقتناع بذلك ليس إلا احترام لقدرة الله لأن دون ذلك سيكون عدم تصديق بقدرات وعلم الله المسبق وهذا ليس من صفات المؤمن لأن المؤمن يقتنع بيقين في علم الله وقدرته ويارب يثبت قلبك على الايمان
تم النشر الاثنين، ٢٩ يونيو ٢٠٢٦
أختي العزيزة، أولاً أحب أؤكد لكِ إن الشك أو عدم الاقتناع الكامل بشيء من أمور الإيمان أمر طبيعي يمر به كثير من الناس، وده مش بيقلل من إيمانكِ أو يخليكِ "سيئة". الإيمان بالقضاء والقدر ركن أساسي من أركان الإيمان الستة في الإسلام، لأنه مرتبط بفهمنا لعدل الله وحكمته، وده اللي بيخلينا نعيش حياة متوازنة بين السعي والتسليم. ليه لازم نؤمن بيه؟ لأن الإيمان بالقضاء والقدر بيمنحنا راحة نفسية كبيرة. لما بنعرف إن كل حاجة بتحصل بتقدير الله، بنقدر نتعامل مع الصعاب والخيبات بدون ما نغرق في اليأس أو اللوم الشديد لنفسنا أو للآخرين. ده مش معناه إننا نسيب الجهد أو ما نسعاش، بالعكس، القدر بيحتوي على أفعالنا واختياراتنا، لكن النتيجة النهائية بيد الله. ده بيساعدنا نكون أكثر توازناً: نسعى بكل قوتنا وفي نفس الوقت نتوكل ونتقبل ما يأتي برضا. لو مش مقتنعة دلوقتي، جربي تبدئي بخطوات صغيرة زي التأمل في آيات القرآن اللي بتتكلم عن القدر (مثل سورة الحديد أو البقرة)، أو تدوّني المواقف اللي حسيتي فيها إن فيه حكمة أكبر ورا الأحداث. الإيمان ده مش بيجي فجأة، لكنه بينمو بالتفكر والتجربة. لو عايزة تتعمقي أكتر، ابحثي عن أسئلة مشابهة على فدني عشان تشوفي وجهات نظر متنوعة من المستخدمين والخبراء. أنا هنا لو حابة تتكلمي أكتر عن اللي بيقلقكِ.
تم النشر الاثنين، ٢٩ يونيو ٢٠٢٦
القضاء والقدر دليل على تمام علم ربنا المحيط بالماضي والحاضر والمستقبل ، وتمام قدرته على تصريف الكون بما تشاؤه حكمته وتمام هيمنته على كل ذرة في الكون فلا تتحرك ذرة إلا بإذنه وهذه صفات كمال لله سبحانه والإيمان بها من أركان الإيمان وليست شيئا اختياريا
تم النشر الاثنين، ٢٩ يونيو ٢٠٢٦
ده ركن من أركان الأيمان يعني ده شئ أساسي مفيش اعتراض علي أومر ربنا (أن تؤمن بالله، وملائكته، وكتبه، ورسله، واليوم الآخر، وتؤمن بالقدر خيره وشره)
تم النشر الخميس، ٢ يوليو ٢٠٢٦
مش مقتنعه ولا مش راضيه
تم النشر الأربعاء، ١ يوليو ٢٠٢٦
انصحك تقرأي كتاب رحلتي من الشك للإيمان للدكتور مصطفى محمود .... سؤالك جميل ويدل على وعيك وقد تكون بدايه لكي يتولد عندك ايمان تام بالله
تم النشر الثلاثاء، ٣٠ يونيو ٢٠٢٦
انتي عارفة ان في ملائكة رغم انك مشوفتيهمش ممكن اقولك عادي انا مش مقتنع بوجودهم بس ده لا ينفي وجودهم فاقتناعك هنا حاجة و الحقيقة حاجة تانية و بعدين ليه مش بتؤمني بالقدر مفيش اصلا حاجة فالكون الا و مقدرة منذ خلق الله الكون
تم النشر الثلاثاء، ٣٠ يونيو ٢٠٢٦
مش مقتنعه ولا مش راضيه ؟؟
تم النشر الثلاثاء، ٣٠ يونيو ٢٠٢٦
في الإسلام، الإيمان لا يُبنى على مجرد الشعور بالاقتناع، بل على الاقتناع بأن الله ورسوله حق. فإذا ثبت عند الإنسان صدق الوحي، فإنه يسلّم بما أخبر الله به، حتى إن لم يدرك حكمته كاملة، مع الاستمرار في طلب الفهم والسؤال.
تم النشر الاثنين، ٢٩ يونيو ٢٠٢٦
ممكن حضرتك تقولي ايه اللي مش مقتنعة بيه في القدر؟
تم النشر الاثنين، ٢٩ يونيو ٢٠٢٦
وهل كل حاجه الدين قالنا عليها ومش مقتنعين بيها منعملهاش ؟
تم النشر الاثنين، ٢٩ يونيو ٢٠٢٦
لعرض السؤال في فدني اضغط هنا