معجبه بشخص في نفس منطقتي لإني حسيت إنه معجب بيا هو في ٣جامعه وأنا في ٣ ثانوي
ماحصلش بينا أي كلام أو نظرات أو أي حاجه حرام هو مامته غالبًا قالت له عليا لما شافت فيا صفات كتيره حلوه وصفات مشابهه لصفات ابنها
بس مفيش أي كلام مباشر خالص بس أنا حسيت من تلميحات الأم المتكرره عنه
أنا حاسه إني بدأت أتعلق بيه شويه بس كل حاجه بيني وبين نفسي
وبقيت بفكر فيه كتير حاسه إن التعلق ده من كتر كلام مامته عليه قدامي
وفي نفس الوقت أنا حاسه إنه لو حصل مقدمة للخطبة بابا ممكن مايوافقش لأسباب بالنسبه لبابا حاجات مش مناسبه بس بالنسبالي عادي جدا لإن تفكيري مختلف عن أبي
بصي… أنا شايفة إن مشاعرك مش غلط لأنك ماعملتيش حاجة حرام، واللي حصل كله مجرد إحساس طبيعي لما حد بيتصرف باحترام وبتوصلك إشارات من غير ما يكون في تجاوز. بس في نفس الوقت، التعلّق من غير خطوة واضحة فعلاً ممكن يوجع، وده اللي مخليكِ محتارة. الأفضل دلوقتي إنك تهدي نفسك شوية وما تبنيش توقعات على مجرد تلميحات، لأن الشخص نفسه ماصرّحش بحاجة، ومفيش كلام رسمي حصل. مش غلط تحسي، بس الغلط إنك تربطي قلبك بحاجة لسه مش موجودة فعلاً. ولو حصل وتقدّم في المستقبل يبقى خير وبركة، ساعتها تناقشي موضوع بابا بهدوء وكل واحد يشوف الأصلح. ولو حصل العكس ومفيش خطوة، يبقى ده نصيب، وربنا هيعوضك بحاجه أحسن ومناسبة ليكِ ولأهلك. حاليًا ركزي على نفسك ودراستك، وسيبي أي حاجة تانية تحصل في وقتها… اللي مكتوبلك هيجيلِك من غير ما تعلقي قلبك بدري وتتعبّي. بس وربنا يوفقك ويكرمك بالإحسن أن شاء الله 🌸🥰
تم النشر الأحد، ٧ ديسمبر ٢٠٢٥
بلاش تتعلقي بحد و مفيش خطوه رسميه خصوصا انك ف ٣ ثانوي حتي لة ف خطوه رسميه حاولي تأجليها بعد ٣ ثانوي لانها سنة مفصليه ف حياتك اما بخصوص التفكير و انك مشغوله بيه شويه ف ده مش حب متقلقيش لسه بدري ع مىحله الحب ف متحاوليش تخلي دماغك تفهم انك مش هتعرفي تبطلي تفكير فيه لا، لو عايزه تبطلي هتبطلي ، طبعا نصيحتي ليك و الله نصيحه اخويه كمان اخر حاجه عايز اقولهالك ان اصلا سنكم انتم الاتنين صغير ف لسه بدري و ركزي ف مذاكرتك و متقلفيش ربنا ييسرلك الحال
تم النشر الثلاثاء، ٩ ديسمبر ٢٠٢٥
السلام عليكم ورحمة الله وبركاته ، اتبعي ابيكِ.
تم النشر السبت، ٦ ديسمبر ٢٠٢٥
انت ف سنة مهمة لازم تفكرى ف دراستك وبس معلش يعنى لو سقطى هو هينفعك لا طبعا و بعدين انت بتقولى تلميحات و كلام مامتة اللى عاوزة ي بنتى هيكلم اهلك على طول و متفكريش ف حاجات المفروض متفكريش فيها اصلا و بعدين بابكى هو اللى هيبقا عارف مصلحتك فين ف اللى هيقولك علية اعملية دة مناسب او لا هو هيحددلك نصيحة منى ركزى على مستقبلك
تم النشر الأربعاء، ١٠ ديسمبر ٢٠٢٥
ركزى فى دراستك اهم حاجه حاليا وهو لو متمسك بيكى هينتظر ويتقدملك وربنا يكرمك
تم النشر الثلاثاء، ٩ ديسمبر ٢٠٢٥
الاولى دلوقتي تخلص دراستها لأنها في سنه مهمه و بعدها تفكر في الارتباط .
تم النشر الأحد، ٧ ديسمبر ٢٠٢٥
@AHMED BIN RAMADAN ثانيه بس ياأستاذ احمد هي لي تتبع والدها؟؟ هي مدام بتحبه وممكن يكون هو الي اختارها يبقي هي الي هتبقي معاه م ولدها طب لي لا
تم النشر السبت، ٦ ديسمبر ٢٠٢٥
لعرض السؤال في فدني اضغط هنا