ازاي الواحد يعمل كل حاجه في اليوم من غير ملل او زهق
والله يغالى نصيحتى ليك اشتغل لأن الفاروق عمر رضي الله عنه قال إذا كان العمل مجهدة فإن الفراغ مفسدة ف انت لو تشتغل احين او تتعلم حاجة مهمة او مهارة والاهم من دا كله تواظب على وِرد يومي من القرآن
تم النشر الأربعاء، ١٩ يوليو ٢٠٢٣
اعتبر كل المهام الي عندك في اليوم عبارة عن تحديات لنفسك ، اتحدى نفسك انك تنجزهم و خد الموضوع على هيئة لعبة بتلعبها مع نفسك و ادي لنفسك فترة استراحة كفاية بين كل مهمة و التانية ، و كافئ نفسك في المهمات الكبيرة و الي كانت صعبة عليك بحاجة بتحبها
تم النشر الأربعاء، ١٩ يوليو ٢٠٢٣
في الحقيقة ده بيبقى على حسب الشئ نفسه، يعني مثلا لو مذاكرة فالواحد ممكن مش بيحب المذاكرة ولا القعدة المملة مثلا، لكن الواحد ممكن يبدأ يغير في طريقة المذاكرة نفسها علشان الى حد ما ممكن يتقبلها. تاني حاجه هو ربط كل شئ احنا بنعمله بهدف .. وده شئ مهم .. لا ن الزهق والملل ده بيحصلنا كلنا .. هل لما يحصل نسيب الحاجه خالص ولا نعرف نتعامل معاه؟ اكيد لازم نعرف نتعامل معاه .. اول لما تحس انك جيت في نص الموضوع وزهقت منه افصل شوية .. سيب مثلا المذاكرة او الشئ اللي بتعمله وابدأ اعمل حاجه جديدة بحيث تفصل عنها وترجع تاني تكمل. بلاش الحماس والشعلة اللي بتكون في الاول ديه في بداية كل شئ (فرحة البدايات) يعني !! بلاش منها. بتفقد الطاقة في نص الطريق او ف ربعه ومش بتقدر تكمل وبتحس انك مرهق .. ف ابدأ ب رتم هادئ وواحدة واحدة .. وبنظام يعني لو بتتعلم شئ معين وانت متحمس اوي عليه .. بلاش تاخده كله ف يوم وهو مثلا يبقى يستحق 5 ايام .. بعد كده هتحس انك مش قادر مثلا تعمل الحاجه اللي بعد كده ارهقت نفسك جدا ف الاول. ف خد الامور بالراحه شوية.
تم النشر الأربعاء، ١٩ يوليو ٢٠٢٣
ركز معايا وهتنجز كُل شىء !
تم النشر الأربعاء، ١٩ يوليو ٢٠٢٣
حاول نظم وقتك اعرف متى تاكل متى تطلع مع اصدقائك هل للناس بتعيش بحياه بدون ملل لانها بتخطط وقتها اذا ما بتعرف تخطط وقتك ما راح تعرف تعيش في كثير فيديوهات على اليوتيوب راح تساعدك وبس
تم النشر الجمعة، ٢١ يوليو ٢٠٢٣
والله العظيم شكرا جدا على كلامكم الجميل ده وانا انشاء الله هحاول اعمل كده
تم النشر الخميس، ٢٠ يوليو ٢٠٢٣
تدخلي كل يوم حاجه جديده تتعلميها
تم النشر الأربعاء، ١٩ يوليو ٢٠٢٣
الشغف .. لازم لما تعمل الحاجات اللي وراك تقوم بيهم حاجه واحدة في المرة و تديها كل تركيزك علشان توصل لاحسن نتيجة و علشان توصل لاحسن نتيجة لازم تشغل دماغك و تفكر في كل امر علي حده و تحاول تعالج المشكلات المتكررة و تشوف انسب و اسرع طريقة لعمله بشكل مثالي ، و لما تخلص تنقل علي اللي بعده ، و ثانيا انك تحول الحاجات االي بتكرهها الي روتين و تجبر نفسك تتعود عليه ، ثالثا استغل وقت فراغك في انك تنجز اكبر قدر ممكن من المهام و الحاجات االي وراك او كنت راكنها ،
تم النشر الأربعاء، ١٩ يوليو ٢٠٢٣
صح عندك حق والله وانا هعمل كده انشاء الله
تم النشر الجمعة، ٢١ يوليو ٢٠٢٣
لعرض السؤال في فدني اضغط هنا