أنا ديما الحمد لله بصلي من صغري وبصلي نوافل وعندي وسواس من الصلاه الحمد لله ان اصلي ف مواعيد الصلاه وعملت عمره قبل كدا وناجحه الحمد لله في شغلي كل فتره بترقى وبعمل حاجه منه وبصرف على نفسي الحمد لله لكن من غير اهلي طبعا معرفش
بس لما بيحصل مشكله مع أهلي بيقعدو يلعبو ع نفسيتي وانا عصبيه شويه بيعايروني مثلا بنتيجتي في الثانويه العامه بيقعدو يفكروني بحاجات قديمه أنا مش ليا ذنب فيها لان دا قدري
كان فيه عريس متقدم وعريس محصلش نصيب بيعايروني انه مكملش معايا حاجات من دي عشان كدا ردود أفعالي بتكون زعيق نرفزه تكون ماما بتزعق ازعق قدامها حتى ضربتني ف مره عشان بزعق بابا شتمني اديت ردة فعل زعيق برضو وكلام بصوت عالي
قولت لماما متكلمنيش كدا بصوت عالي
هل كدا أنا ليا حق رد فعلي طبيعي أنا خايفه من عقوق الوالدين
بس والله أنا نفسيتي بتدمر من كلامهم ليا ومعايره ديما
بصي الاكيد ان اهلك بيحبوكي دا اكيد بس بالنسبة للاجبال القديمة بيبقي صعب عليهم انهم يعبروا عن الحب دا وبيعملوا نفس الطريقة اللي اتربوا عليها من والدينهم ف اول حاجة خليكي واثقة ان دا حب وخوف عليكي عايزين يطمنوا عليكي وتتجوزي ف اسكتي لما يكلموكي تجنبا للعصبية اسكتي خالص ومترديش وانزلي جيم وفرغي كل طاقتك السلبية وعصبيتك في التمارين وثانوية عامة مش مقياس للنجاح النجاح الحقيقي اني اقدر اتفوق وحقق انجازات في المجال اللي ربنا اختاره ليا وربنا يوفقك يا رب ومن نجاح لنجاح ان شاء الله
تم النشر السبت، ١٤ مارس ٢٠٢٦
بصي انتي ناجحة في شغلك، ملتزمة في صلاتك، ومستقلة مادياً؛ دي حقائق ثابتة. كلامهم عن الثانوية العامة أو موضوع الجواز دي أدوات ضغط مش مقياس ليكي خالص. بطلي تبرري لنفسك أو ليهم نجاحك، انتي فعلاً ناجحة. والعصبية والزعيق هي اللي بتديهم فرصة يقلبوا الترابيزة عليكي ويقولوا انتي قليلة الأدب أوعاقة. لما يفتحوا مواضيع قديمة، ردي بكلمتين: حصل خير، ده نصيب واسكتي أو سيبي المكان وقومي. عدم الرد بيحرمهم من الوقود اللي بيشعل المشكلة. وخوفك من عقوق الوالدين دليل على طيبة قلبك، بس البر مش معناه إنك تسمحي ليهم بتدمير نفسيتك. حقك تدافعي عن كرامتك بأدب، مش بالزعيق. حاولي لما الدنيا تشد، انسحبي فوراً من قدامهم لحد ما تهدئي، وبكده تحمي نفسك من الغلط وتحمي صلتك بيهم وبما إنك ناجحة في شغلك، استثمري وقتك وطاقتك برا البيت أكتر. ركزي في تطوير نفسك ومستقبلك، وخلي علاقتك في البيت قائمة على الود الرسمي وتجنب المواضيع اللي بتفتح باب للمعايرة. الخلاصة انتي مش مقصرة، بس محتاجة تدربي نفسك على الثبات الانفعالي. بعتذر عن الإطالة 😊 وجد والله ربنا يحفظك ويسعدك
تم النشر السبت، ١٤ مارس ٢٠٢٦
يا حبيبتي، أنا ذكية، وأنا فاهمة تماماً إيه اللي بيحصل معاكِ، وده شعور طبيعي جداً لأي بنت بتواجه ضغط نفسي من أهلها، خاصة لما بيفتكروا حاجات قديمة مش ذنبكِ فيها زي النتيجة أو العريس. الحمد لله إنكِ ملتزمة بالصلاة والنوافل والعمرة، ده دليل قوة إيمانكِ، وده هيساعدكِ تتجاوزي. رد فعلكِ مش 100% طبيعي، بس مفهوم : الزعيق رد بشري تلقائي لما النفسية تتأذى، بس لو استمر بيوصل للضرب أو الشتيمة، ده بيتصعد المشكلة ويدمر الجميع. في الإسلام، بر الوالدين واجب كبير (قال تعالى: "وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا")، بس ده مش معناه تسكتِي على الإيذاء النفسي. الصبر والرد باللين مش عقوق، بل هو أعلى درجات البر. نصائح عملية عشان تحمي نفسيتكِ وتكسبي أجراً : لما يبدأوا يعايروكِ : قولي بهدوء "أنا عارفة ده، بس خلينا نركز على الحاضر"، أو اطلعي الغرفة واسمعي قرآن عشان تهدي نفسكِ. غيري الموضوع : ذكّريهم بإنجازاتكِ الحالية زي صلاتكِ أو أي حاجة إيجابية عملتيها، وقولي "الحمد لله ربنا كاتب لي اللي فيه الخير". ممارسة يومية : قبل النوم، اكتبي 3 حاجات شاكرة فيها ربنا عن نفسكِ، ده هيقوي ثقتكِ ويقلل تأثير كلامهم. دعاء قوي : "اللهم أصلح بيني وبين والديّ، واجعلني من الصابرين". أنتِ مش لوحدكِ، يا قمر. ابحثي في فدني عن أسئلة زي "التعامل مع الأهل" هتلاقي إجابات كتير مفيدة، أو شوفي الخبراء في https://www.fedni.net/experts لاستشارة نفسية إسلامية. ربنا يفرج همكِ ويصلح حالكِ، أنتِ قوية وهتقدري! 💕
تم النشر السبت، ١٤ مارس ٢٠٢٦
ايوا فعلا عندك حق حاول اتجنبهم لأن أنا كنت شايلة هم عقوق والدين وانا بتجنبهم حاليا عشان اذوني نفسيا ....اها كنت بحاول في الصلاه اصلي وربنا بيتقبل النيه شكرا بجد علي ردك جزاك الله كل خير
تم النشر السبت، ١٤ مارس ٢٠٢٦
الله يبارك فيكِ وفي نجاحك، واضح إنك إنسانة مجتهدة ومسؤولة. بالنسبة للي بتمرّي بيه، لازم تعرفي إن 'رد الفعل' اللي بيطلع منك هو صرخة ألم مش قلة أدب. العقوق مش معناه إنك تكوني 'جماد' مبيحسش، والشرع مبيطلبش منك تقبلي الإهانة النفسية وتدمير كرامتك. المعايرة بالماضي أو بجوازة مكملتش ده 'أذى' صريح، ومن حقك تحمي نفسك نفسياً. حاولي وقت النرفزة تنسحبي من المكان تماماً قبل ما الكلام يوصل للزعيق، مش عشانهم، عشان 'سلامك النفسي' إنتي. ، الحل مش في الزعيق، لأن الزعيق بيخليهم يمسكوا عليكي غلطة 'العقوق'. جربي سياسة 'الهدوء القاتل' أو الانسحاب الصامت أول ما يبدأ الكلام يروح لمنطقة المعايرة. قولي جملة واحدة: 'أنا مش هسمح بالكلام في الموضوع ده تاني' وقومي من المكان. لما يلاقوا إن سلاح المعايرة مبيجبش نتيجة (زعيق) هيبطلوا يستخدموه تدريجياً. إنتي مش عاقة، إنتي بس إنسانة مضغوطة ومحتاجة مساحة احترام ، وبالنسبة للوسواس ده دليل على حرصك، بس متخليش الشيطان يدخل لك من باب الدين عشان يتعبك وطبيعي طالما انتي مجتهده ف الدبن هبجيلك وسواس ينغص عليكي عيشتك ، الوسواس دا مش بيجي اللا عشان يشكك ف الحاجه الصح اللي انت بتعملها ، وسبحان الله ربنا بيقبل تقصيرنا ف الصلاه والعباده عادي لانه بيعاملنا بالفضل مش بالعدل وكلا علي حسب جهده والوقت المتاح ليه .. ف متىكزيش معاه خالص ، اوقات لما بيجيلي وسواس بحاجه معينه وليكن صلاتك مس مقبوله او قرأتك او مذا ف اللي بعمله اني بقول للوسواس اه يعم مش مقبوله ملكش فيه ريح نفسك انت بقا والعبط دا بيجيب نتيجه معيا سبحان الله 😅 ، لانه بيبقي جواك صوت بيهدك وهو الوسواس ف محتاج صوت تاني يكون العكس عشان يخلص منه لانه الوسواس بيجي ف الفكره والفكره لو استرسلت ليها هتعبطك .. ربنا رب قلوب وعارف نيتك."
تم النشر السبت، ١٤ مارس ٢٠٢٦
لعرض السؤال في فدني اضغط هنا