النهاردة شبكة أختي ووالدي حاطط العقدة في المنشار!

النهارده كانت المفروض شبكة اختي

جم اهل العريس عندنا امبارح علشان يتفقو ع اخر الحاجات اللي هي فلوس العشا والاكل والحاجات دي ف بابا قالهم انا عايز 40 الف وهما مشيو وقالو احنا اخرنا 20 ف عايزين حل نعرف نهدي بيه بابا ويوافق

مع العلم انه كل عريس بيعمل معاه اي مشكله ويدور ع اي حاجه زي كدا علشان يخربها قولولي اي حل بالله علشان احنا حرفيا تعبنا انتو متخيلين الموقف اللي احنا بعد ما رتبنا الدنيا واستعدينا الموضوع يخرب ع حاجه تافهه

سؤال من احد أعضاء فدني

2 إجابة

دار الفتوى عاملة خط للإرشاد الأسري تواصلي معاهم واحكي لهم المشكلة واطلبي منهم يتكلموا مع والدك بنفسهم وهو لما يعرف أن الكلام جاي من دار الإفتاء ممكن يستقبله بطريقة مختلفة يمكن الوصول لهذه الخدمة عن طر...


بابا الله اعلم بوجهة نظرة لو هى مواقف مختلفة يعنى. بس لو فى حد حكيم فى العيلة او ف البلد ممكن تطلبوا من بابا يستشيره عشان يراضى اختكم على الاقل. او انتوا تطلبوا من حد يتكلم معاه وعموما والله ربنا بيسب...

15 تعليق

جدي مات وعمي سبب المشكله معاهم ابن عايزين اختي توافق عليه بالعافيه هي قالت مره واتنين وعشره انها مش قابله الواد ومش طيقاه وهما عايزين بالعافيه فمن ضمن الاسباب دي بابا بيقول خدي ابن عمك وعمي ولا اي حد من عيلته اصلا مش قادرين ياخدو معاه لا حق ولا باطل الناس بتسمع وتسكت واحنا مش لاقيين حد وتعبنا


محدش يعرف الخير فين وموضوع الجواز دا بيبقي نصيب كل اللي علينا هو حسن الظن في الله والتوكل عليه


بصراحه ع حسب الحاله الماديه والله انا شاب ولسه بتعلم ومش غني والله متوسط الحال وطلبو مني 50الف وقالو الدهب الي تقدر عليه جيبه براحتك ف بصراحه ةو حالتكم الماديه بسيطه ممكن العريس يجي ع نفسه شويه وتقسمو الحاجه نصين يعني يبقي 35او30 او لو العريس يقدر اشطا كدا كدو كل حاجه هترجعله


كلامك فوق دماغي والله بالعكس


ادينا وراه لغاية ما نلاقي حل وبالله ادعيلنا بتيسير الامور وصلاح الحال


اللهم امين يارب ربنا يصلح حالك ويريح بالك ويبعد عنك القلق والحيره ويهديك اللهم امين


هل ليكم عم أو جد تطلبوا منه يكلم والدك يبقى مرن شوية علشان الأمور تمشي؟


حالتنا الماديه كويسه اللي هو حال معظم الشعب بس برضه دا مش مبرر ومفيش حد هيولفق يدفع 40 بتاعة اي اصلا ال40 ع الاقل 20 تبقا معقوله هو احنا مش عارفنله عايز اي من امبارح واحنا ف دوامه معاه وبعدين انا واحد غريب وجواز صالونات ايه اللي يجبرني ادفع40 خد بنتك وانا اشوفبي وحده تانيه ادعولنا بتيسير الحال


الي فيه الخير يقدمه ربنا اسف لو كلامي ازعجك


ممكن يدفع ال20الف والباقي يتكتب لها في القيمه عادي وكدا كانه دفع ال40 وال فيه الخير يعمله ربنا


جبناله جميع الحلول والله مفيش فايده هو عايز يمسك ال40 ف ايده


طيب هقولك انتم المفروض انكم بتجهزو وبتجيبوا حجات انتم كمان لو في موافقه من جهة العروسه وهو شخص مناسب ممكن لو مع العروسه تدي العريس العشرين يجيب باربعين دهب وبعد كدا تبيع العروسه الدهب بعد متخده بتمن العشرين الف دهب وتجيب شبه دهب صيني عشان ميخدش باله وخلاص كدا بس وربنا يكتب ال فيه الخير


المشكله مش ف الدهب احنا روحنا وجبنا الدهب قبل الشبكه بيوم بابا بيقول 40 الف عشا هما قالو اخرنا 20 اختي اقترحت ع العريس قالته لو كدا خد من الدهب اي حاجه وكمل ع العشرين هما من النوع اللي مش بيخلو ستاتهم تبيع الدهب بتاعها وقالها دا دهبك مقدرش بعد ما اختارتيه اخد منه حاجه ولو كدا صعبه برضه ال40 ع اي حد


الحل ان حد يتوسط ويكون محبوب لوالد او ولدك بيسمع كلامه لو جدك او حد في العيله عشان ينزل الفلوس شويا وحد يكلمه براحه ويوضح ظروف الشباب وان الفلوس دي مش ضمان لاي حاجه بعد كدا اهم حاجه انه يكون عريس محترم ويعرف يصون بنته وخلاص ويمكن بعدين ربنا يوسعها عليه ممكن لو كان حد تاني معاه المبلغ ميضمنش يمكن يكون وحش او بعد كدا ممكن ميريحش اختك الحل حد يكلمه براحه وربنا يكتب ال فيه الخير


اللهم آمين اللهم آمين

لعرض السؤال في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك