جماعة بالله عليكم فيدوني
دلوقتي خطيبي اعترف لي إنه مريض سكر بعد ما تمت قراية الفاتحة الي استمرت شهرين و بعد ما اتخطبنا بحوالي شهر ولبسنا الشبكة
أنا بس مدايقة اوي إنه خبى عليا، كان عنده كل الاعراض و بيحكيلي أقوله انت عندك السكر؟ يقولي لا معنديش حاجة
وكان هو من نفسه من غير ما اسأله يقولي انا معنديش حاجة ومعنديش سكر و تحاليلي سليمة بس كنت شاكة إنه مخبي لحد ما اعترف
انا بحبه و هو كويس بس في علامات كتير استفهام زي إنه ليه خبى؟ طب يا ترى مخبي حاجات تانية؟
صعبان عليا ومش قادرة افكر في إني اسيبه دي حاجة مش بإيده بس مش عارفة اتعاطف في إنه خبى عليا
السلام عليكم، هو أكيد موقف يضايق ويهز الثقة بس أنتِ عامة صلي استخارة واتكلمي معه اعرفي هو ليه خبى عليكِ. ممكن كان خايف من الرفض. وفي النهاية الأمر يرجع لك في إنك تكملي أو ترفضي وفكري في تبعات الأمر وعلى حياتك معه بعد كده واختاري في النهاية الأصلح لك. وصلاة الاستخارة صليها أكثر من مرة ولو في الزواج خير ربنا هييسره ولو شر هيبعده عنك. وادرسيه ككل (دين وأخلاق ومعاملات وأفكار) خلال فترة الخطوبة ولو فيه أي عيوب أو نقاط مضايقاكِ منه أو متخوفة منها أو مش هتقدري تتعايشي معها بعد الزواج يبقى بلاش. **** ونصيحة، بلاش تاخدي قرار مصيري زي الزواج اعتمادا على الحب وحده. ناس كتير رضيت بأوضاع لا تناسبها وقبلوا أشخاص غير مناسبين عشان بس فكرة الحب وإني مقدرش أستغنى عن الإنسان ده لكن في النهاية القلب متقلب والمشاعر ممكن تتغير لما تواجه الواقع بعد الزواج. وقصص كتير لناس تزوجوا عن حب انتهت بكرههم لبعض أو بانفصالهم. فحاولي تخلي العاطفة على جنب واختاري بعقلك واللي فيه مصلحتك واللي تقدري تتعايشي وتتأقلمي معه بعد الزواج. وربنا معك ويكتب لك اللي فيه الخير.💚
تم النشر الأحد، ١٣ سبتمبر ٢٠٢٦
تحليلي الشخصي.... الموضوع ده عامل له أزمة نفسية.. وجايز يكون جرب انه يصارح بنات قبلك واترفض وخاف يقولك من البدايه عشان ميترفضش تاني.. هوا غالباً صبر لحد ما بقى فيه بينكم مشاعر ود وتعود وتعلق وقرر يصارحك.. كان من المفترض انه يصارحك من اول جلسة تعارف بينكم ويسيب لكي حرية الاختيار ومناقشة الموضوع مع أسرتك.. دلوقتي القرار قرارك.. اقرأي كتير عن مشاكل مرض السكر وشوفي هتقدرى تتعايشي مع ظروفه الصحية دي طول العمر وخاصة ان المرض ده بيسبب ضعف جنسي.. وقرري بعد ما تصلي صلاة الاستخارة.. ومتنسيش تعاتبيه على أنه لم يصارحك من البداية.. وتزيدي في كلامك معاه الآتي..... يا ترى ايه اللي مخبيه تاني عليا.. صارحني عشان احاول ارجع ثقتي فيك تاني.. لازم يحس انه أخطأ في حقك وفي حق الناس اللي دخل بيتهم. صحيح ان المرض مش بإيده.. بس كان بإيده يكون واضح من البداية عشان ده قرار العمر كله.. والانطباع الأول يدوم.. وفقك الله لكل خير... والسلام
تم النشر الاثنين، ١٤ سبتمبر ٢٠٢٦
اديله فرصه ... اساليه .. لو يستاهل خليكي جنبه متسبهوش باذن الله يكون زوج صالح ولما تحتاجيه هو عمره م هيسيبك لوحدك عشان هتفضل وقفتك جنبه ف ذاكرته و قلبه و عمره م هينسي ان حبك ليه خلاكي سامحتيه بس ده كلو لو بعد م سالتيه لقيتيه يستاهل
تم النشر الاثنين، ١٤ سبتمبر ٢٠٢٦
أنا فاهمة تمامًا إحساسك، وهو طبيعي جدًا. اللي حصل مش بس إنه مريض بسكر، ده كمان إنه خبى عنك حاجة مهمة زي دي بعد ما وصلتوا لمرحلة الخطوبة والشبكة، وده بيخلي الثقة تتزعزع شوية. إنتِ بتحبيه وشايفاه كويس، وفي نفس الوقت مش قادرة تتجاهلي الشكوك اللي ظهرت، وده صراع داخلي صعب. من منظور إسلامي، الزواج مبني على الصدق والأمانة، والإخفاء ده ممكن يكون بسبب خوف أو خجل من المرض، مش بالضرورة نية سيئة. لكن في الوقت نفسه، لازم تتأكدي إن اللي حصل ده مش هيتكرر في حاجات تانية. جربي تتكلمي معاه بهدوء وبصراحة، اسأليه ليه ما قالش من الأول، وشوفي رد فعله. لو لقيتيه بيبرر أو بيحاول يفهمك ويطمنك، ده ممكن يساعدك تاخدي قرار أوضح. أما لو حسيتي إنه بيقلل من أهمية الموضوع أو بيتهرب، يبقى لازم تفكري في الثقة طويل الأمد. السكر مرض مزمن لكنه مش نهاية العالم، وكتير من الناس بيعيشوا حياة طبيعية ومستقرة لو بيتابعوا ويحافظوا على نفسهم. السؤال الأهم دلوقتي: هل تقدري تكملي وأنتِ مطمئنة إنه هيبقى صادق معاكِ في كل حاجة، ولا الشكوك هتفضل موجودة؟ خدي وقتك تفكري في احتياجاتك ومستقبلك، ولو عايزة تتكلمي أكتر عن اللي جواكِ أنا هنا.
تم النشر السبت، ١٢ سبتمبر ٢٠٢٦
بصي اركبي قلبك فضلا ف الخطوبة عشان بجد الحب هغطي علي عيوبه وبالتالي هتتزوجي هتلاقيه حد تاني ف نصيحه وواججهيه وأفضل صلي استخارة كل يوم لان معلش صحبتي اتقدملها شاب ومريض سكر الناس قبل مايقرا الفاتحه عرفوهم ان مريض سكر من الاول عشان محدش يتفاجا ودا الصح عامتا طالما انتي قلقانه وفي خوف ف حكمي عقلك ومتتهاونيش ف الأمر
تم النشر الاثنين، ١٤ سبتمبر ٢٠٢٦
ما تديش الموقف اكتر من حقه هو ممكن يكون بيحبك بس خايف ترفضي من الاول خالص عشان عنده مرض مزمن ، حتى ما تديهوش فرصه ان هو يقدم نفسه وتعرفوا شخصيته فاهمه
تم النشر الأحد، ١٣ سبتمبر ٢٠٢٦
لو مش هيناسبك ده ارفضى الموضوع وده حقك .. لو مش مشكلة بالنسبالك عدى
تم النشر السبت، ١٢ سبتمبر ٢٠٢٦
بصي حقك تزعلي وانا لو مكانك هزعل بصراحه بس مش كل الناس واحد هو يمكن خاف انك تتركيه أو المرض دا يبقي عائق بينكم بس هي حاجه مش ب ايده عامتا بس يمكن هو فكر كدا وحب ياجل الموضوع لوقت مناسب +أساليه لي مقالكيش من الاول وشوفي رد فعله اي وهو لو مخبي حاجه هتاثر ع الزواج هتتعرف عامتا مستعجليش ع الزواج وهتعرفيه اكتر مع الوقت
تم النشر السبت، ١٢ سبتمبر ٢٠٢٦
عادي
تم النشر الاثنين، ١٤ سبتمبر ٢٠٢٦
اتعرفنا صالونات ازاي مكنش في فرصة كان في فرص كتير اوي
تم النشر الأحد، ١٣ سبتمبر ٢٠٢٦
انا بحبه بصراحة و عارفة اني هتعب نفسيا لو بعدت عنه، في نفس الوقت مش قادرة اسامح إنه خبى عني خصوصا انه كان متعمد ولما كنت بسأله مباشرة كان بيقولي لا
تم النشر السبت، ١٢ سبتمبر ٢٠٢٦
لعرض السؤال في فدني اضغط هنا