السلام عليكم، هل حسيتِ بأي اختناق أو صعوبة في التنفس أو وشك ازرق أو فيه كحة مستمرة؟ دلوقتي فيه أي أعراض غير إحساس الخنقة البسيطة وإن الجسم لسه موجود؟ هو ممكن إحساسك بوجودها ده نتيجة الأثر اللي تركته وقت اتحشرت بحلقك ومسببة ألم مكانها بس لازم تتأكدي وتروحي لطبيب أنف وأذن. ممكن تعملي التعليمات اللي قالت عليها ذكية وتتابعي نفسك ولو حصل أي حاجة لازم طوارئ. متهمليش الموضوع، صحتك أهم. ألف سلامة.
الحمد لله.💚💚
تم النشر الثلاثاء، ٢٨ أبريل ٢٠٢٦
الحمد لله 🌷🤍
تم النشر الثلاثاء، ٢٨ أبريل ٢٠٢٦
الحمدلله ي جماعه انا كويسه و مفيش حاجه حصلت..شكرا ليكم
تم النشر الثلاثاء، ٢٨ أبريل ٢٠٢٦
ربنا يحفظك وشكرا لذوق حضرتك 🤍🌷
تم النشر الثلاثاء، ٢٨ أبريل ٢٠٢٦
اه تمام علي بكره هطمنكم باذن الله و ان شاء الله خير.. و بجد انا ممنونه جدا لحضرتك و بارك الله فيك و في اخيك
تم النشر الاثنين، ٢٧ أبريل ٢٠٢٦
الشكر لله، واحنا مش عايزين نضغط عليكي أكتر من كدة بس الفكرة إننا بنحبك في الله وخايفين عليكي مش أكتر. بصي طالما الموضوع واصل معاكي للدرجة دي ومش هتقدري تروحي لدكتور خلينا نمشي بالوقائي ونراقب الوضع كويس عشان لو حصل أي حاجة تقلق -لا قدر الله- تتصرفي ركزي مع الحرارة أهم حاجة لو حسيتي إن جسمك بدأ يسخن أو فيه رعشة، دي علامة إن فيه التهاب ولازم ساعتها مفيش اختيار غير الدكتور والاكل كلي حاجات طرية زي زبادي بطاطس مهروسة أو موز.. الحاجات دي بتغلف أي جسم غريب وهي نازلة وبتحمي جدار المعدة والمريء لو فيه شكة. ولو الشكة زادت وبقت وجع حقيقي مش مجرد ضيق بسيط أو بدأتي تحسي بألم في صدرك أو ظهرك وانتي بتبلعي متكابريش. و لو النفس كتم أو حسيتي بشرقة مش راضية تقف، مفيش وقت للتفكير. وعايزك تاخدي بالك صحتك غالية والروح دي أمانة عندك. إحنا هنعتبر إن الموضوع عدى بسلام المرة دي، بس لو عدى 24 ساعة ومن غير أي أعراض جديدة، يبقى بإذن الله ربنا سترها والحتة دي نزلت في المعدة وهتخرج عادي. بيسمعك طلب ... طمنيني عليكي بكره ضروري، ولو حسيتي بأي تعب متتردديش إنك تطلبي مساعدة من أي حد قريب منك.. ربنا يحفظك ويبارك في عمرك وصحتك.... المعلومات الطبيه اخي طبيب 🙂
تم النشر الاثنين، ٢٧ أبريل ٢٠٢٦
تمام بارك الله فيك بس بقول خليني كدا يمكن ميحصلش حاجه لو ع الاقرب انا مش بثق ف حد حرفيا و معنديش مشكله ف اللي هيحصل بعدين و انا لو هموت و حياتي واقفه علي اني اروح ل دكتور مش هروح لاني مبحبش الدكاتره مع احترامي ليهم و شكرا ل محاولتك اقناعي ب الصح و بجد بشكر حضرتك من كل قلبي كلامك مفيد فعلا 🤍
تم النشر الاثنين، ٢٧ أبريل ٢٠٢٦
بصي ست البنات ولا يهمك إحنا أخواتك ربنا يحفظك والشكر لله بس ركزي معايا عشان تفهمي ليه الموضوع قلقنا الفكرة مش في حجم حتة القلم الفكرة إن البلاستيك بيبقى له زي سنون حادة وممكن وهو نازل يشك جدار المريء ويعمل جرح صغير والجرح ده لو اتساب ممكن يلم بكتيريا ويعمل التهاب يخليكي تسخني وتتعبي بجد.. فإحنا بنقول نروح نكشف دلوقتي عشان نلحق الموضوع وهو خربوش صغير بدل ما يقلب بمشكلة كبيرة تخليكي تروحي المستشفى غصب عنك والكل يعرف. وبالنسبة لسنك والروحان لوحدك فبصي يا ستي إنتي ممكن تروحي لأقرب حد ليكي وبتحبيه اختك الكبيرة.. خالتك.. عمتك.. أو حتى صاحبتك ومامتها وتقوليلهم أنا كنت بلعب بالقلم وفجأة بلعت حتة منه وزوري واجعني ومحتاجة أطمن وتطلبي منهم يروحوا معاكي من سكات من غير ما الدنيا تتقلب في البيت.. صدقيني الناس الكبيرة لما بتلاقي حد داخل عليهم بصراحة وبيطلب مساعدتهم عشان خايف بيحتووا الموضوع وبيساعدوا. والله يا بنتي مفيش حاجة تستاهل إنك تضحي بصحتك عشانها.. خدي حد بتثقي فيه وروحي صيدلية كبيرة حتى واسألي الدكتور الصيدلي وهو هيقولك تروحي فين بالظبط في منطقتك.. المهم ما سبيس نفسك وإنتي حاسة بالشكة دي.. استعيني بالله كدة وطمنينا عليكي .. ولو برضو مش مقتنعه ما عليان الا الدعاء ربنا يحفظك من كل سوء ويوفقك في حياتك ... وان شاء الله خير بس لو في اي مضاعفات بالله عليكي تروحي بسرعه 🌷🩵
تم النشر الاثنين، ٢٧ أبريل ٢٠٢٦
والله فاهمه حضرتك بس انا 16 سنه ف اروح لوحدي ازاي صعبه برضو كمان انا مش هقدر و خفت من الموضوع ازاي ممكن يبقي كبير كدا بجد..كمان بتشكر حضرتك جدا والله ربنا يبارك فيك.. شكرا علي وقتك
تم النشر الاثنين، ٢٧ أبريل ٢٠٢٦
العفو ...يا بنت الناس والله فاهم إنك مش عايزة شوشرة ولا حد يفضل يسأل فيكي بس فكري فيها بالعقل.. لو فضلتي ساكتة وحصل تعب بجد أو سخونية مفاجئة وقتها هتضطري تروحي المستشفى برضه بس وإنتي تعبانة جداً والكل هيعرف غصب عنك.. فإيه الأفضل؟ تروحي دلوقتي وانتي واقفة على رجلك وتخلصي الموضوع في هدوء ولا تستني لما الموضوع يكبر؟ ومش لازم تعرفي حد... ممكن تروحي لأي دكتورة باطنة قريبة منك أو مستوصف بسيط وتدخلي لوحدك وتقولي إنك بلعتي حاجة بالغلظ ومحتاجة تطمني.. الدكاترة بيشوفوا الحالات دي يومياً ومحدش هيحكم عليكي ولا هيقول لحد.. دي خصوصية مريض ومحدش له عندك حاجة.. وصحتك أغلى بكتير من كلمتين ممكن يتقالوا في البيت لو عرفوا.. اتحركي عشان الشكة اللي حساها دي تروح وتنامي وإنتي مطمنة وما تقلقيش أهلك عليكي بعدين وجد والله ربنا يحفظك ويسعدك 🤍🌷 وإن شاء الله خير
تم النشر الاثنين، ٢٧ أبريل ٢٠٢٦
والله شكرا جدا لحضرتك بس انا مش عايزه اعرّف حد ف فكره اروح ل دكتور دي بالنسبالي من المستحيلات..ان شاء الله خير
تم النشر الاثنين، ٢٧ أبريل ٢٠٢٦
@mai mahfouz بعد اذنك اضيف حاجه بسيطه ...الحمد لله إن مفيش زرقان أو نهجان بس برضه ده مش معناه إننا نسكت لأن الشكة دي أو إحساس إن فيه حاجة واقفة ممكن يكون سببه إن حتة البلاستيك جرحت الزور وهي نازلة أو إنها لسه لازقه في جدار المريء في مكان ما وساعتها ممكن تعمل التهاب أو خراج لا قدر الله لو فضلت مكانها فعشان تقطعي الشك باليقين روحي اعملي إشاعة بسيطة تطمني بيها إن المسار فاضي ومفيش حاجة واقفة ولا فيه جرح محتاج علاج ومتاخديش الموضوع ببساطة وتقولي طالما بتنفس يبقى تمام لأن الوقاية أحسن بكتير من إننا نستنى لما يحصل وجع بجد فانزلي اطمني أحسن وألف سلامة عليكي. وطنيا عليكي 🤍🌷 وجد والله ربنا يحفظك ويسعدك وان شاء الله خير
تم النشر الاثنين، ٢٧ أبريل ٢٠٢٦
تسلمي شكرا جدا لحضرتك 🤍
تم النشر الاثنين، ٢٧ أبريل ٢٠٢٦
طيب الحمد لله، هي غالبا اتبلعت ونزلت المعدة والإحساس بوجودها هيختفي إن شاء الله، بس للاطمئنان تابعي نفسك زي ما قلت، لو حصل صعوبة تنفس أو كحة مستمرة أو صعوبة شديدة أثناء البلع أو غثيان وترجيع أو ألم بالمعدة وقتها تروحي للطبيب. ألف سلامة مرة تانية.💚
تم النشر الاثنين، ٢٧ أبريل ٢٠٢٦
هوا انا عادي حاسه بخنقه بسيطه او شكه كدا اما الزرقان و الاعراض دي لا محستش بيها الحمدلله..كدا تمام؟
تم النشر الاثنين، ٢٧ أبريل ٢٠٢٦
لعرض الإجابة في فدني اضغط هنا