انا عندي مشكله انو حاسه بسبب ذنوبي ربنا مش بيحبني او مش بيستجيب ليا حاسه انو لو دعيت ربنا مش هيستجيب ليا مهما عملت انا محافظه على الصلاه مجرد تأديه واجب لكن مش بشعر فيها بأي خشوع ومش بقول ذكر ولا قرآن
زمان كنت قربت جامد من ربنا مره واحده جالي وسواس رجعني تاني لورا اعمل اي حاسه اني تايهه ومليش لازمه في الدنيا مع ان خايفه اني لسه معملتش لاخرتي
السلام عليكم ورحمة الله وبركاته -ربنا سبحانه وتعالي قال (قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ) دا ربنا بيغفر للكافر لو دخل الاسلام خلي عندك حسن الظن بالله وانتي بتصلي استغفري ربنا في سجودك وانتي بتتلي القران ركزي في كل ايه وكل كلمة
تم النشر الأربعاء، ٢٨ يناير ٢٠٢٦
غاليتي، أول حاجة: الله يحبك جداً ويستجيب لدعائك مهما كانت ذنوبك ، طالما في قلبك توبة وأمل. قال تعالى: "وَقَالَ رَبُّكُمُ ادْعُونِي أَسْتَجِبْ لَكُمْ" (غافر:60)، ورحمته وسعت كل شيء. الذنوب مش حاجز، بل اليأس هو اللي يبعد الاستجابة. أنتِ مش تايهة، ده وسواس شيطاني بيحاول يرجعك لورا – زمان قربتِ من ربنا، يعني قادرة ترجعي أقوى! الصلاة واجب حلو إنك محافظة عليها، والخشوع هيجي بالممارسة. خطوات عملية صغيرة ابدئي بيها النهارده: استغفار يومي : كل صباح 100 مرة "أستغفر الله الذي لا إله إلا هو الحي القيوم وأتوب إليه". ده يمحي الذنوب ويفتح باب الاستجابة. دعاء بسيط : بعد كل صلاة، قولي: "اللهم ارزقني الخشوع والقرآن والإيمان". ادعي بثقة ويقين، مش بشك. قرآن وذكر خفيف : ابدئي بصفحة واحدة يومياً (سورة البقرة أو يس)، و"سبحان الله" 33 مرة بعد الصلاة. هيبني الخشوع تدريجياً. وسواسك : قولي "أعوذ بالله من الشيطان الرجيم" وغيري الموضوع فوراً، متعطيهوش وقت. ركزي على أعمال صالحة صغيرة زي صدقة يومية (حتى ابتسامة). هدف يومي : اكتبي 3 نعم شكرتِ عليها، عشان تشعري بوجودك في الدنيا – أنتِ هنا لآخرتك ولخدمة ربنا. أنتِ قوية وخايفة على آخرتك، ده دليل إيمان! استمري، الرجوع لربنا زي الدراجة، مرة تتعلميها مش تنسيها. لو عايزة دعم أكتر، ابحثي في فدني عن أسئلة مشابهة هتلاقي إجابات كتير، أو شوفي الخبراء هنا: https://www.fedni.net/experts. ربنا يثبت قلبك ويغفر لكِ، أنتِ مش لوحدك يا قمر 💕
تم النشر الأربعاء، ٢٨ يناير ٢٠٢٦
السلام عليكم ورحمة الله وبركاته ربنا يردك إليه رداً جميلاً يارب العالمين فيه ادعيه كتير ممكن تقربك من ربنا زي مثلا يارب ردني إليك ردناً جميلا اللهم إني أسألك حُبك وحُب من يُحبك والعمل الذي يقربني لحبك❤️. ممكن تبدأي تقربي من ربنا عن طريق أذكار الصباح والمساء والاستغفار والصلاة على النبي محمد صلى الله عليه وسلم دا كله بيقلل من سيئاتك حاولي تشغلي جمبك قرءان سواء كنتي في دراسه او مشغولة فب شغل البيت شغلي قرءان جمبك واسمعيه او قبل ما تنامي شغلي قرءان قلبك هيتعود لوجود القرءان طول ما انتي ماشيه اتعودي انك تستغفري ربنا وهتتعودي على ذكر ربنا فـ دا بيقربك للعباده وبإذن الله هتبدأي بقا تحاولي انك تصلي بس صدقيني بعد لما تعملي دول بإذن الله هتبقي ملتزمه على الصلاه ومواظبه لصلاه الفجر وافتكري ان ربنا غفور رحيم وهو الوحيد اللي مش هيزهق منك ابداً❤️
تم النشر السبت، ٣١ يناير ٢٠٢٦
ربنا بيقولك "قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ". هنا ربنا ناداهم بلقب بعبادي رغم إنهم أسرفوا في الذنوب. مفيش ذنب أكبر من مغفرة ربنا، واليأس من رحمته هو الغلط الوحيد اللي بجد. ولما بتحسي إن دعاءك ملوش لازمة، افتكري قوله تعالى "وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ" في كل آيات القرآن اللي فيها "يسألونك" الرد بييجي بـ "قل"، إلا في آية الدعاء، ربنا شال كلمة "قل" ورد مباشرة بـ "فإني قريب". مفيش وسيط بينك وبينه، هو سامع وجع قلبك قبل لسانك. ربنا بيقول في سورة العنكبوت "وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا". فربنا مش طالب منك توصلي للقمة مرة واحدة، هو طالب منك "المجاهدة". الخطوة اللي بتاخديها وإنتي تعبانة ومش قادرة وليكي وسواس بيشدك لورا، دي أغلى عند ربنا بكتير من اللي بيعبد وهو مرتاح والشيطان دخلك من باب "اليأس"، وده أخطر أبوابه. ربنا بيقول: "الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ ۖ وَاللَّهُ يَعِدُكُم مَّغْفِرَةً مِّنْهُ وَفَضْلًا". إنتي في صراع بين وعد الشيطان إنك وحشة ومالكيش لازمة، وبين وعد الله بالمغفرة والفضل. اختاري تصدقي مين؟ اتمنى تكون وصلت 😊
تم النشر الأربعاء، ٢٨ يناير ٢٠٢٦
اللي انتي حاسة بيه دا مش دليل ان ربنا مبيحبكيش بالعكس دا غالبًا دليل ان قلبك بسه صاحي وبيوجعك عشان عايز يرجع فكرة أن ذنبي خلي ربنا مايحبنيش دي وسواس مش احساس صادق من ربنا ده صوت بيحبطك ويقصرك عن الدعاء والطاعة ربنا قال قل يا عبادي الذين أسرفوا علي أنفسهم لا تقنطوا من رحمة الله. ماقالش إلا اللي أذنب كتير أو إلا اللي رجع لورا ربنا يحب التوابين مش الكاملين ربنا يفرح برجوع العبد أكتر من فرحته بطاعة اللي مبعدش أصلًا. موضوع الصلاة من غير خشوع الصلاة اللي من غير خشوع أحسن مليون مرة من مفيش صلاة الخشوع مش شرط يجي الأول الخشوع نتيجة مش شرط دخول الصحابة نفسهم اشتكوا من قسوة القلب والنبي صلي الله عليه وسلم مقالش ليهم سيبوا الصلاة قالهم كملوا وقاوموا. حتي لو بتصلي وانتي سرحانة حاسة انها واجب تقيل مش حاسة بحاجة دا مش نفاق دا جهاد. الوسواس اللي رجعك لورا الوسواس عدو ذكي اول حاجة يعملها يشككك في نيتك يحسسك انك منافقة يقولك ما انتي خربانة خلاص والحقيقة الوسواس بيجي غالبًا للناس اللي كانت قريبة من ربنا مش البعيدة الحل مع الوسواس ما تناقشيهوش ما تبرريش له تجاهل واستعاذة كملي اللي في ايدك قولي أعوذ بالله من الشيطان الرجيم وكملي حتي لو الاحساس مراحش في البداية اثبتي علي الفروض بس من غير ضغط نوافل ولا ورد كبير ذكر واحد بس حتي يارب وانتي تعبانه محسوبة قرآن آية واحدة مش صفحة مش جزء آية الدعاء حتي لو حاسة انه مش هيستجاب الدعاء نفسه عبادة مش اختبار قبول ربنا مش واقف مستنيكي تغلطي عشان يرفضك ولا مستنيكي تبقي ملاك عشان يحبك هو اللطيف الودود الرحيم
تم النشر الخميس، ٢٩ يناير ٢٠٢٦
انظري بعض الادعية تكون شر لنا و لا ندري و ربما بسبب أنه ليس وقت مناسب لها و ربما لأن الله يريد ان ينبهكِ على بعدك و ان تقتربي ادعي''اللهم الخير في وظيفة كذا أو الخير بوقتي"....الدنيا تلاهي و انشغال لا تقلقِ انظري لأكون صادقة معك لا خير في البعد عن الله لذا اقتربي لله من الادعية و الطاعات و العبادات و الصلوات...امشي إلى الله ببطء يأتيكِ هرولة و لو اتيتي له هرولة يأتيكِ جرياً... ابذلي جهدك و سأدعو لكِ اليوم بصلاة قيام الليل عساي أكون قدمتُ كل ما يمكنني تقديمه
تم النشر السبت، ٣١ يناير ٢٠٢٦
القرآن الكريم علاج الدعاء الصلاة الصلاة على سيدنا محمد ﷺ
تم النشر الجمعة، ٣٠ يناير ٢٠٢٦
ديما بدعي ربنا يهديني وبقول هو قادر على كل شيء
تم النشر الجمعة، ٣٠ يناير ٢٠٢٦
كلنا كده. اوقات بحس ان انا مفيش فيا خير وعايش بس عشان اعمل ذنوب وبعد
تم النشر الجمعة، ٣٠ يناير ٢٠٢٦
ده كله مشاكل بيصطنعها الشيطان عشان يخليكي تيأسي من ربنا وتبعدي عنه ... زي ما حط الوساوس وابعدك
تم النشر الجمعة، ٣٠ يناير ٢٠٢٦
لا تتركي الدعاء ودعي الاستجابة من الله فقد قال تعالى وقال ربكم ادعوني استجب لكم
تم النشر الخميس، ٢٩ يناير ٢٠٢٦
بصي ده أكبر دليل ان قلبك مش معجب بطريقه البعد بل نفسه يرجع لربنا ف قومي واتوضي وصلي ركعتين في جوف الليل واهم حاجه يوميا اقرئي قرآن حتى لو جزء صغير ممكن صفحه او اكتر و اسمعي للدكتوره هاله سمير و بالنسبه للدعاء فسيدنا عمر ابن الخطاب كان بيقول والله ما اخشى الاجابه ولكني اخشي الدعاء يعني احنا مش عارفين ندعي فلازم وانتي بتدعي تنكسري وتتذليلي أمام ملك الملوك وربنا غفور رحيم وان شاء يهديكي ويهدينا جميعا
تم النشر الخميس، ٢٩ يناير ٢٠٢٦
لعرض السؤال في فدني اضغط هنا