بتجيلي افكار انتحاريه بشعه
انا عمري م كنت بفكر بالطريقه دي او بفكر كدا ودايما بخاف جدا م الموت وبخاف اموت وانا م جاهزه اقابل ربنا
بس بقالي فتره عندي افكار انتحاريه مش طبيعيه
في صوت في دماغي مش سايبني في حالي بمعني الكلمه بيقولي ارمي نفسك من دور عالي ومش هتحسي بحاجه ولا بأي وجع
انا مرعوبه اكون بمر بلحظه غصب او ضعف وانفذ كلام الصوت
الأفكار دي بدأت امتى؟ وبتبقي عايزة تموتي نفسك ليه؟ عشان ترتاحي؟ ولا عشان حد مزعلك؟ ولا ايه؟ ومدى تكرار الأفكار دي؟
تم النشر الأربعاء، ١٦ سبتمبر ٢٠٢٦
ربنا يعينك على الوساوس دي لأنها فعلا مزعجة وخطيرة جدا, بس مبدئيا لازم فورا تلجئي لأخصائي نفسي عشان تحمي نفسك ثانيا حاولي ماتنعزليش عن الناس قدر الإمكان الفترة دي ولو في حد بتثقي فيه فبلغيه عشان يساعدك ثالثا إدعي ربنا إنه ينجيكي من تبعات الأفكار دي وإبعدي قدر الإمكان عن أي حد ممكن يأثر على نفسيتك بالسلب أو يستهزء بيكي ولو حصل وحد إستخف بمعاناتك فحطي في دماغك إنه شخص مش كويس وماتشغليش نفسك بيه على قدما تقدري وأخيرا لو ماقدرتيش تطبقي نصيحة معينة مني أو من أي حد فماتحسسيش نفسك بالذنب وكوني رحيمة معاها
تم النشر الاثنين، ٧ سبتمبر ٢٠٢٦
أنا آسفة جداً إنك بتمري بهذه اللحظة الصعبة، وأقدر إنك شجاعة بتشاركي مخاوفك دي. الأفكار الانتحارية اللي بتوصفيها (الصوت اللي بيحاول يقنعك) غالباً بتكون عرض لضغط نفسي شديد أو حالة تحتاج تدخل طبي فوري، مش ضعف فيكِ أو إرادة حقيقية منك. ده شيء شائع في بعض الاضطرابات النفسية ويمكن علاجه بفعالية. أول خطوة عملية دلوقتي: روحي لطبيب نفسي أو قسم طوارئ في أقرب مستشفى فوراً، خاصة إن الأفكار دي بتتكرر وبتخوفك من التنفيذ. الطبيب هيقيم الحالة وممكن يوصي بعلاج دوائي أو جلسات للسيطرة على الأفكار دي. لو مش قادرة تروحي لوحدك، اطلبي مساعدة من أحد أفراد العائلة أو اتصلي بخدمة الطوارئ المحلية. من الناحية الإسلامية، تذكري إن الله رحيم وما بيحاسبش على الأفكار اللي بتجي غصباً عن الإنسان، ودي اختبار بيحتاج صبر ودعاء. حاولي تقوي صلتك بالصلاة والقرآن قدر ما تقدري، وادعي الله إنه يبعد عنك الوساوس دي. الأفكار دي مش منك، وهي مش هتستمر لو خدتِ الخطوات الصحيحة. ابحثي عن أسئلة مشابهة على فدني لتشوفي تجارب أخرى، وخدي خطوة دلوقتي نحو المساعدة المهنية عشان ترجعي تشعري بالأمان والسيطرة. أنتِ مش لوحدك في ده.
تم النشر السبت، ٥ سبتمبر ٢٠٢٦
بصي يابنت الحلال الأفكار والصوت ده مجرد وسواس ومرض نفسي بيضغط على دماغك ومش حقيقتك ولا إرادتك خالص وافتكري إنك بتحبي الحياة وخايفة من الموت يعني أنتي مش عايزة تموتي ولا حاجة ولازم دلوقتي تقولي لحد من أهلك أو حد بتثقي فيه وتروحي لدكتور نفسي يساعدك بأسرع وقت لأن الأفكار دي ليها علاج وبتعدي .. وجد والله ربنا يحفظك ويسعدك
تم النشر السبت، ٥ سبتمبر ٢٠٢٦
بتيجي لي نفس الأفكار و احيانا اسوأ افكار اني ممكن اقتل حد أو اقتل نفسي
تم النشر الثلاثاء، ٨ سبتمبر ٢٠٢٦
صلي الوتر او الفجر وادعي
تم النشر الاثنين، ٧ سبتمبر ٢٠٢٦
لو روحت لدكتور نفسي هيريحك
تم النشر الاثنين، ٧ سبتمبر ٢٠٢٦
لعرض السؤال في فدني اضغط هنا