السلام عليكم، مش عارفة إذا كانت الأمثلة اللي ذكرتها فوق شبيهة باللي بتمري به، ولا أنا فهمت غلط بس هجاوب باللي فهمته من كلامك ولو فيه حاجة مش صحيحة اكتبي لي في تعليق. أولا، مش شرط إن ده مرض نفسي، وعادي كتير مننا بيحاول يبرمج نفسه على صفات هو شايفها صح أو نفسه تكون فيه وممكن يقتنع بها وساعات يستسلم ويرجع للنسخة السابقة أو يدور على صفات تانية يبرمجها. غير إنك في سن لسه بتستكشفي نفسك وشخصيتك ومع كل وقت بيمر أفكارك بتتغير وشخصيتك بتتغير. *** أنتِ حاليا أرهقتِ نفسك واستنزفتِها بالتحليل الزائد ومحاولات التحكم في نفسيتك والمفروض تكوني عاملة إزاي، مع إن ده كله مش مطلوب منك ومش ملزمة تكوني في نفسية مثالية ولا تغيري حالتك كل شوية أو تحسي بالذنب على أي تغيير بيحصل، طبيعي إن مشاعرنا تتغير وعادي إننا ساعات منفهمش أنفسنا. *** حددي هل اللي بتعمليه هو إنك بتحاولي تفرضي شخصية معينة ومشاعر معينة على نفسك ولا بس بتراقبي نفسك طول الوقت وتفضلي تصلحي الحاجات اللي مش عاجباك أو تضايقي لو معرفتيش تصلحيها؟ لو بتحاولي تفرضي شخصية معينة تكوني عليها، فعادي تكوني بتحاولي تغيري من نفسك لكن المهم إنك تكوني واقعية ومتحاوليش تفرضي معايير صارمة توصلي لها وتعاملي مع المشاعر بمرونة ومتجبريش نفسك على التصرف بحالة عكس اللي بتحسي بها في لحظة ما. لو بتراقبي نفسك طول الوقت عشان تتأكدي إنك وصلتِ لحالة معينة، فالمراقبة الذاتية المستمرة وجلد الذات هيتعبك، متحاوليش تحللي وتكتري أسئلة أو تحسي بالذنب لو نفسيتك تغيرت فترة وبعدين رجعت. *** وتدرجي مع نفسك وبلاش مقاومة الأفكار لأن المقاومة هتزودها، تعاملي بهدوء وتفهم مع نفسك ومشاعرك واشغلي وقتك، لما تحطي أهداف يومية تشغلي بها وقتك من غير مقاومة الأفكار هي من نفسها هتقل لحد ما صوتها يضعف تماما جواك. مارسي هوايات جديدة في يومك وممكن تستخدمي الكتابة في تفريغ مشاعرك، ده هيساعدك في شغل وقتك وتقليل الدوشة في دماغك. *** لو لقيتِ الموضوع صعب تتعاملي معه لوحدك فمتتردديش تستعيني بمختصة نفسية أو سلوكية تساعدك بخطوات عملية. وبالتوفيق إن شاء الله.💚💚
مينفعش تشخيص من المكتوب بس أو الجزم إن اللي عندك مرض نفسي محدد، ولازم رأي مختص يقعد معك ويسمع منك ويحلل كويس عشان يوصل إذ اللي عندك فعلا نتيجة مرض نفسي محدد ولا مجرد أعراض نفسية لتفكير زائد ومراقبة ذاتية شديدة. الأعراض اللي بتوصفيها ممكن تكون مشتركة بين أكثر من تشخيص زي اضطرابات القلق أو اضطراب الشخصية الحدية أو نمط من الأفكار الوسواسية أو اجترار فكري، كل دي احتمالات للأعراض لكن مش شرط تكوني فعلا مريضة بحاجة منها ولو فعلا فيه حاجة منهم المختص النفسي بس هو اللي يقدر يؤكد التشخيص. فلو عاوزة تطمئني أو زي ما قلت الموضوع مأثر على حياتك كلها بالسلب يبقى روحي لمختص وإن شاء الله يطمنك ويساعدك.
تم النشر الثلاثاء، ٣ نوفمبر ٢٠٢٦
تمام ايه نوع المرض النفسى دا كان فى حد قال نوعه وحذفت المسج انا اصلا داخله هنا عشان اعرف وانا عارفه انه مرض نفسى ف من فضلك قوليلى
تم النشر الثلاثاء، ٣ نوفمبر ٢٠٢٦
بصي عموما متجبريش نفسك، وخلي بالك برضه إن مقاومة أي فكرة بيزودها، فبلاش المقاومة والرفض السلبي الشديد لأنه هيزود المشكلة مش أكتر. تابعي مع مختصة وإن شاء الله تساعدك بخطوات عملية.
تم النشر الأحد، ١ نوفمبر ٢٠٢٦
أنا عارفه إلى منهم حقيقتى والى لا وكمان فاهمه تقريبا أنا ليه مش عايزه التانيه وبحاول اغيرها بدا لان شعور التانيه وبقاءها صعب وأنا مش عايزاه
تم النشر السبت، ٣١ أكتوبر ٢٠٢٦
أنتِ جايز من النوع اللي عنده تفكير مفرط وبيحلل كل شيء بشكل مكثف، بس إيه المشكلة إنك تتقبلي الشخصيتين حتى لو شايفة إن واحدة فيهم مش هي اللي حاباها أو عندك مشكلة معها أو حتى إنك تتقلبي بينهم أو تشكي إن واحدة منهم مش حقيقتك؟ إيه المشكلة إنك حتى متكونيش فاهمة نفسك وإيه طبيعتك أو شخصيتك الحقيقية؟ صدقيني ناس كتير مش بتقدر تفهم نفسها وأجزاء كتير من دواخلها بتبقى مبهمة ومعقدة حتى بالنسبة لها لكن بيتعايشوا ويستمروا في حياتهم. حالتك محتاجة تقييم نفسي من مختص، مش معنى كده إن اللي عندك مرض نفسي. المختص هيساعدك توصلي لفهم المشكلة وجذورها ويعرفك إزاي تتعاملي مع الصراع الداخلي والتفكير المفرط والتحليل الزائد، بما إن المشكلة مأثرة على حياتك ومذاكرتك فضروري تتابعي مع مختصة، وزي ما قلت المتابعة مش عشان أنتِ مريضة نفسيا، متحطيش في بالك إنك عندك مرض نفسي ومتعقديش الأمور على نفسك زيادة.
تم النشر السبت، ٣١ أكتوبر ٢٠٢٦
بصى هو مش موضوع سعاده او حزن الى بقصده دا حاجه خارجيه انا بتكلم نفسيه من جوه
تم النشر السبت، ٣١ أكتوبر ٢٠٢٦
وانا فعلا براقب نفسى ودى حاجه بكرها اوقات بقول حتى لو مشغوله او بذاكر ونسيت شعورى بقول انا حاسه بايه دلوقتي ايه هى شخصيتى ايه هى انا لازم احس بيا سبا المذاكره وبدات افكر انا حاسه بايه وليه لما بدات كدا بالطريقه دى نسيت مشاعرى وانا وانا بصراحه اتمنى لو ابقى كدا عشان اعرف اذاكر او حتى اركز ولكن لما اطلع او اكون مع حد لا انا ببقى عايزه افرض الشخصيه التانيه وكمان مش ببقا عايزه انى انساها وانا فى البيت وحدى عشان وقتها هنساها ومش هعرف ارجعها وتغلب عليا الأفكار بانى كذا او ان طريقتى بكذا او انى مثلا حاسه انى هنظر للحواليه بنظره معينه او الى أنا فعلا بحاول اهرب منه بالطريقه التانيه بس انا فعلا اوقات بحس انه مفيش فرق بينهم وان شخصيتى هى فعلا الى كدا طبيعى بس انا الى بحاول افرض دى عن دى واخلى جوايا اعتبارين بدى وإحساسها ونظرتها ودى باحساسها ونظرتها واوقات احيانا ببقا مش حاسه بكدا ومش قادرة اميز انهم واحده بس بحاول مكنش الطريقه التانيه عشات التانيه او الى كانت دى بتدايقنى اوى وبحس بيها انى مش هينفع اوصفها او اقول احس ب ايه عشان هتاثر عليا لو قولتها دلوقتي وانا مش عايزه ادخل فى داوامه انى اقول كلمه وتلخبط مشاعرى واحساسى واتعب لحد مظبطها تانى بس كل الموضوع انى تعبت بجد من نفسى ودا صعب فى دراستى الى معنديش غيرها المهم أنجزها واخلصها والى انا قولته مش عارفه اوصفه صح كمان والله دا مش كل حاجه ومش كاملع او مش سليمه جزيئا الى قولته عشان انا كمان الى بيخلينى محبش اقول او اتكلم حتى مع نفسى ودى حاجه مبحبهاش انى ممكن مديش احساسى والى جوايا حقه او معناه وبمعنى انى مش هعرف اطلعه كامل لانه ناسج جوايا وكمان مش عارفه اعمل ايه تفكير تفكير صراع تقلبات مقاومه مش عارفه اظبط نفسى ولا شعورى ولا نظراتى ولا نفسيتى والموضوع صعب ومش عارفه اوصفه والمشكله انى مذاكرتى فى البيت اون لاين ومتاخره فيها ومش مظبوطه ومدمره ومش عارفه اظبط وتايه فى المذاكره وندمانه بجد بس مش عارفه اعمل ايه ولو قولتيلى طيب م تنزلى سنتر هقولك وقتها الموضوع هيكون اصعب باحساسى وكدا بحس انى عايزه ابعد عن كدا او عنه الناس عشان نفسيتى وتقلباتى وكمان مش عايزه انا شخصيتى انا الى تايهه دى ومش عايزه الناس عشان اوقات بتاثر بوجودهم بالهاله بالمكان وبتبدا شخصيتى تتغير واقاومها وبتبقى اصعب واقسى وتفكير ومقاومه واضيع الوقت الى انا فيه برا فى كدا وممكن مركزش ميه فى الميه فى الدرس وكون فيه وانا بفهم حتى بقاوم نفسى حتى فى اثناء فهمى ولو سبت نفسى بقا ثوانى او مده اتوه وابعد عن شرح المستر فى تفكير وجودى نظرتى ودا هيضيع شرح وهنا بذاكر فديو اوقات ممكن من كتر القرف الى فيا اركز فى هالة المستر وجود المكان شعوره او ممكن مش شعورة لا بس بصراحه مش عارفه اوصف كويس او ممكن كلامى ميكونش اوفى حق الى جوايا والله مش عارفه اتصرف وحقيقى تعبانه وعايزع اركز فى مذاكرتى عشان اهلى حتى بدل م أنا ضايعه ومش عارفه الم نفسى وانا فى البيت وخصوصا ثانويه عامه وانا ضايعه كدا عايزع اعمل كتير عشان حتى اجيب مجموع ليهم مش ليا عشان انا مش عايزه لنا تعبت ومش عارفه اوصف بس برضو باجى افكر انتى انتى بتعملى ايه لا عشانك برضو انتى لازم تذاكرى هدفك اى حاجه بس نفسيتى بتغلب بحاول والله بدوس على نفسى بتفرج على تحفيز او مش تخفيز عشان محسش بالغرور والمثاليه بتفرج على كلام يفوق وكدا بس نفسيتى على جمب بيبقى ليها رأى تانى كان ماشى فوقت شويه وسكت وهى بقا عادى ولا كان نفسيتى دى لما اجى افكر انى هكون وحدى فى اللجنه على ورقتى ولا حاجه مش فاهمه ومش عارفه وضايعه حرفيا واهم حاجه دلوقتي مش عايزه اخذل اهلى بعد المصارف والكتب والفلوس والمنصات وكل حاجه قدامى وانا مش متقدمه فيها واحد فى الميه حتى صعبان عليا هما ومذاكرتى وانى عايزاهم يكونو على الاقل ياخدو حقهم بمجموع ويفرحو بس مش عارفه مالى ايه فيا مش حاسه مش عارفه دى مالها عامله ليه كدا اقسم بالله فى كلام مش عارفه اوصفه ازاى او اقوله دلوقتي ازاى بس اقسك بالله اوقات بقول لو تعبت تعب جسدى وحش واتحجزت فى مستشفى او حاجه وقتها هيكون ارحم على الاقل هبقى فى نظر اهلى انى مش قادره اعمل الى عليل واذكر وتكون ليا حجه قدامهم وقدام الناس بدل م انا ابان سليمه كدا وبقاومهم وبقاوم كل حاجه وباخد فلوس وى حاجات كتير ونظرت ووجود اى حد فاكر انى كامله وانا والله ضايعه ضيعان ميعلم بيه الا ربنا اوقات بقول لا ابعد مليش دعوه وانتى تعرفى والله حتى مذاكرتى بتبقى ضعيفه وقليله وومكن اليوم كله منجزش كتير او حتى محاضره واحده بامتحانات ها وواجبها وشرحها بسبب التفكير ومذاكرتى حاسه انى مستاهلش ثانويه عامه الى أنا فيها وضايعه دى وبداها من اول شهر مع المدرسين وهما بينزلو اول محاضره وأنا فى نفس مكانى وهما خلصو حوالى نص منهج الترم الاول اوقات والله بقوم مخضوضه او اقوم كدا بفزع من النوم بسبب الى فيه فى المذاكره ومحدش يعرف انى متبهدله فيها كدا وانا قاعده يومى بيضيع فى اوضتى مش عارفه انجز حاجه 😭
تم النشر السبت، ٣١ أكتوبر ٢٠٢٦
بصى الموضوع معقد بجد
تم النشر السبت، ٣١ أكتوبر ٢٠٢٦
لعرض الإجابة في فدني اضغط هنا