السلام عليكم، هتحتاج تتعلم صناعة المحتوى وأساسيات صناعة الفيديو وبعد كده تختار نيش أو اتنين تتخصص فيهم. متشتتش نفسك في أكثر من كورس، استعين بشات GPT أو أي تطبيق ذكاء اصطناعي في إنه يعملك مسار تعلم واضح بخطوات مرتبة من البداية للنهاية، يعني مثلا هتبدأ بتعلم صناعة المحتوى وبعدين صناعة المحتوى الإعلاني أو التسويقي، وتحليل الإعلانات والمنافسين، ظبط الخطة معه وخليها محددة بمراحل ووقت لكل مرحلة عشان متطولش في فترة التعلم وركز على التطبيق خلال التعلم.. ** مش مهم خالص كم كورس تعلمته، المهم التطبيق. كل جزئية تتعلمها طبق عليها لأن المجال ده مش عاوز شهادات بقدر ما هيحتاج منك بورتفوليو بنماذج أعمالك اللي تقدر تقنع بها العملاء المستهدفين. لو عاوز كورسات مجانية عن صناعة المحتوى عموما وUGC هتلاقي على يوتيوب وفيه كمان HubSpot Academy عليها كورسات مجانية، بس زي ما قلت طبق مع كل جزئية بتتعلمها. وبالتوفيق إن شاء الله.
لعرض الإجابة في فدني اضغط هنا