انا حاسس إن أنا فارغ عاطفيا فبقول لنفسي لازم تشوف وحده تعاملها كحبيبة ليك عشان تسد الفجوة دي لكن انا في الكلية كل ما اجي احاول اعمل علاقة مع وحدة الاقي نفسي مش عارف اتكلم وببصلها على طول بس ما عنديش الجرأة أني اروح اكلمها،
انا قادر اكلمها بس مش قدام حد وممكن عشان انا مش عارف افتح محادثة معاها ازاي ، لا انا جربت موضوع انك تخلي واحدة حبيبة حقيقية ليك ،دا هيخليك تبعد عن عادة وحشة وفعلا انا قربتها وفرقت معايا بس الدنيا باظت،
وبالذات انا طالب وحالتي المادية تعبانة شوي لأني باخد فلوس كتير من ولدي للدراسة وكورسات الكلية ،عشان سبب الحالة المادية ثقتي بنفسي ضعيفة
فإيه الحل
السلام عليكم، أولًا الدخول في علاقات مش حل للفراغ العاطفي والمشاكل من وراه هتكون أكبر بكثير من شعورك الحالي. ثم ليه معتبر عدم قدرتك على الكلام مع بنت عشان تدخل في علاقة معها دي حاجة وحشة، بالعكس أنا شايفة ربنا بيحميك من الحرام فبلاش تستمر في الإصرار على فتح الباب ده بكل مشاكله. ثانيا، أنت نفسك قلت إنك طالب وحالتك المادية تعبانة، يعني مفيش أصلا إمكانية حالية للزواج... فإيه الفائدة من دخول علاقة غير رسمية مع بنت؟ غير إنها أصلا هتكون حرام... هتعملوا إيه؟ سد فجوة زي ما قلت؟ هتفضلوا تحبوا في بعض مشاعريا وتعيشوا حلاوة البدايات والكلام ده؟ وبعدين؟ لو الشيطان أصلا متدخلش وحرفكم عن الطريق ووقعكم في غلط أكبر، تفتكر الباقي صح؟ بعد كده تفترقوا بعد ما حد منكم قلبه انكسر أو خسر أحلى مشاعره مع شخص مش مكتوب له ويرتبط بعد كده بشريك حياة ميقدرش يعطيه اللي سبق وعاشه مع حد تاني وتبقى حياتهم سوا ناقصة؟ معتقدش حاجة من دي كويسة. ** أخيرا، كل ما نفسك توسوس لك ترتبط ببنت، فكر في أختك أو لو مش عندك أخت... فكر في قريبة لها عندك نفس مكانة الأخت اللي بتغار عليها ومستحيل تسمح لولد يبص لها ولو بنظرة عابرة، تفتكر هتبقى مبسوط لما ولد ياخدها سد فجوة يملأ بها فراغه العاطفي وبعد كده يتركها لأي سبب. أعتقد لا ترضاه أبدا. يبقى نفس الكلام لا ترضاه لبنات الناس... هم كمان بنات وأخوات لرجال زيك. ** شوف طرق عملية أصلح لملأ يومك بحاجات نافعة ووقتها هيقل جدا شعورك بالفراغ العاطفي واشتغل على مستقبلك عشان تبقى جاهز في أقرب وقت للارتباط الرسمي ووقتها تقدر إن شاء الله تختار شريكة الحياة الصح وتبدأ معها حياتك في الحلال. بالتوفيق.
تم النشر السبت، ٦ ديسمبر ٢٠٢٥
حاول انك تعتمد علي نفسك وزود ثقتك من نفسك مش تقلل من نفسك ورتب امورك وحاول انك تشتغل وانك توازن بين الشغل والدراسه واتصاحب علي ناس كويسه ومش تخلي في بالك فكره واحده وانك عندك فراغ عاطفي وانك لازم تكلم واحده لا غلط رتب أولوياتك وابني مستقبلك واشغل نفسك بيلي يفيدك واللي يساعدك ف المستقبل وهي تخلي الفكره الاهميه دي تخدعك وانك لازم تكلم واحده عشان ميكونش عندك فراغ عاطفي لا توكل علي ربنا وشوف مستقبلك ووفر مشاعرك للشخص الصح واللي هتكمل معاها مش تهدر مشاعرك مع الشخص الغلط ،حاول انك تعتمد علي نفسك وانك تشتغل بجانب الدراسه ودا بيزود ثقتك ف نفسك وبلاش الاوهام الخداعه اللي ممكن تقلل ثقتك من نفسك وقرب من ربنا وربنا يصلح الحال بإذنه.
تم النشر الأربعاء، ٣ ديسمبر ٢٠٢٥
أخوي، أولًا مشكور إنك شاركت مشاعرك بصراحة — ده خطوة كبيرة. أحسّ بوحشتك وفراغك العاطفي، وغالبًا مش لوحدك في الشعور ده. خليني أديك خطة عملية وعاطفية تساعدك تبني ثقة بنفسك وتقلل الاحتياج إنك تدور على “حبيبة” كحل فوري للجروح الداخلية. 1) افهم السبب قبل الحل - اسأل نفسك: هل الفراغ ده ناتج عن وحدة مؤقتة بعد علاقة أو فقدان؟ أم نتيجة شعور عام بانعدام الهدف أو ضغط مادي؟ - لو بدأت تشعر بأعراض زي فقدان شهيّة، نوم مزعج، طاقة منخفضة جدًا، أو فقدان الاهتمام بالحاجات اللي كنت تحبها — فممكن تكون أعراض اكتئاب وتحتاج استشارة مختص. 2) ما تخليش علاقة تكون “علاج” - وجود شخص يحاول سد فراغ داخلي مؤقت ممكن يخليك تحت رحمة مشاعره وتصبح العلاقة غير صحية. الأفضل تبني نفسك. 3) خطوات عملية لبناء ثقة اجتماعية تدريجيًا - ابدأ صغير: حدّد هدف بسيط يومي أو أسبوعي — مثلاً: اتكلم مع زميل واحد بعد المحاضرة أو اسأل محاضر سؤال واحد في الأسبوع. - استخدم مداخل بسيطة: تعليق على المحاضرة، سؤال عن ملاحظات الدرس، استماع لآراء الآخرين. أمثلة فتح محادثة: - “عندي سؤال سريع في مادة X، ممكن تساعدني؟” - مارس التكرار: كل مرة حاول تتكلم مرة زيادة، ومع الوقت الثقة هتتحسّن. 4) نقص الثقة بسبب المال — نصائح عملية - مكانتك مش بمقدار المال: الكرم، الاحترام، الاستماع والذكاء الاجتماعي يخلّوك جذاب جدًا بدون تكلفة. - نظافتك ومظهرك مش مكلفين: قص شعر بسيط، لبس مخطط نظيف، واهتمام شخصي يعطي انطباع قوي. - فكر في مصادر دخل بسيطة للطلبة: دروس خصوصية، شغل حر عبر النت، أو فرص في الجامعة (مساعد تدريس، مكتبة). ده يقلل الضغط ويزوّد ثقتك. 5) اهتم بنفسك وبقيمك الروحية - اقضي وقت في عبادتك، قراءة قرآن، ذكر — ده يعطّي راحة داخلية ومعنى للحياة ويقلل الشعور بالفراغ. - اشترك في أنشطة طلابية أو مشاريع خدمة مجتمعية داخل الجامعة — هتتعرف على ناس بطريقة طبيعية ومحترمة. 6) متى تحتاج مختص؟ - لو استمر الإحساس بالفراغ لفترة طويلة، أو أثر على دراستك ونومك، أنصحك تتكلم مع أخصائي نفسي. في خبراء على Fedni ممكن يساعدوك بجلسات مهنية — ابحث في صفحة الخبراء لو حابب مساعدة مهنية متخصصة. 8) نصائح قصيرة وسريعة للتطبيق اليومي - هدف يومي: تحكي مع زميل واحد أو تطرح سؤال في المحاضرة. - هدف أسبوعي: شارك في نشاط جامعي واحد. - هدف شهري: استثمر في مهارة تزيد فرصك العملية (كورسات مجانية أو مدفوعة بتكلفة قليلة). أنت مش لوحدك، وخطوات صغيرة يوميًا هتجيب نتيجة. تحلى بالصبر وابدأ اليوم بخطوة صغيرة — وأنا معاك.
تم النشر الأربعاء، ٣ ديسمبر ٢٠٢٥
اولا:.... لو انت بتسعي انو يكون ليك علاقه ب بنات ب رابط غير شرعي ف مش تستنى توفيق ف العلاقه دي ويمكن ربنا بيحبك عشان مفيش اي علاقه بتنجح وبعدين قبل الدخول ف اي علاقه ونت داخلها عشان تعزز ثقتك أو الطرف التاني يساعدك على حاجه دا مش حاجه كويسه لأن هتفضل حاسس بالنقص لازم تبدأ تشتغل على نفسك وتعزز ثقتك بنفسك وتبني نفسك ماديا معنويا... وبعدها تفكر تبني علاقه قائمه على قواعد اساسيه اللي هي نتقدم مش كلام عشان دي هتكون علاقه محرمه
تم النشر الجمعة، ٥ ديسمبر ٢٠٢٥
انت زعلان ان عندك خجل وحياء ولا زعلان ان ربنا بيصونك من الحرام متحاولش تعمل اي علاقات انت وقتها اللي هتكون مرهق ذهنيا وعاطفيا وصدقني طالما حالتك المادية صعبه وطبعا ده طبيعي لانك لسه طالب يعني لسة مبدأتش حياة عملية فبلاش تعمل علاقة ترهق قلبك وتفكيرك علي الفاضي وفي الاخر العلاقة هتفشل لان لسة قدامك مشوار في الحياة العملية من رأيي ركز في مستقبلك وتجميع المال لانشاء منزلك الخاص والحصول علي عمل وساعتها هتقدر تفتح بيت واللي هتعجبك هتروح تتقدم لها علطول وابعد عن اي شئ يشتت حلمك الحقيقي لان كل دي افكار من الشيطان
تم النشر السبت، ٦ ديسمبر ٢٠٢٥
لعرض السؤال في فدني اضغط هنا