مساء الخير
وانا راجع من شغلى بليل متأخر على الساعة واحده من فتره كنت لاحظت بنت بتستنجد قريبه من الطريق ركنت على جنب ونزلت اسندها وركبتها معايا طلعت بيها على المستشفى عشان اعمل محضر بالواقعة وكلمت اختى عشان تساعدنى فى التقرير الطبى
دلوقتى اما عرفت ان اعتدى على البنت عيال عمها عشان عاوزين البيت بتاعهم ويطردوا البنت وخواتها وامها.. دلوقتى بقيت في الموضوع بشكل أساسى عشان حصلت خناقة قبل كده بينى وبين عيال عمها ضربت واحد فيهم
فأنا بفكر بجدية بصراحه استغل سلطتى مع الناس دى والاعبهم عشان زودوها ودايرين تشهير بالبنت وأهلها وانا دخلت بيتهم بصراحه الأم ست مؤدبة وبناتها كويسين دى نقطة
النقطة التانيه ليا فترة كويسه بدور على عروسه عاوز اكون أسرة واتجوز بفكر بشكل جدى اتقدملها بصراحه
طالما انها محترمة واخلاقها كويسة فصلي استخارة وتوكل علي الله - ويمكن ربنا وضعك قدامها اليوم دا علشان في نصيب بينكم - وسواء حصل نصيب بينكم او لاء وانت تقدر تجبلها حقها ف اعمل كدا وربنا يكرمك
تم النشر السبت، ٣١ يناير ٢٠٢٦
شوف بالنسبة للزواج فده شئ يرجع للبنت فممكن تخلي أختك تزورهم وتصاحب البنت لمدة طويلة عشان تتكشف طباعها الداخلية وأخلاقها ونفسيتها ... ثانيا الحل الأمثل هو الصلح والاجتماع مع عيال عمها والوصول إلى حل يرضي الطرفين لأن لو عملتها حرب فده ممكن يوصل الضرر لأهلك أنت أو حتى لو جالك أبناء في المستقبل فهيكونو عرضة للأذى .. الصلح أفضل ويكون بتدخل طرف محايد له وزن ومعتمد من جهة حكومية مثلا عشان يخافو منه
تم النشر الاثنين، ٢ فبراير ٢٠٢٦
اتوكل على الله ربنا يوفقك 😊 مفيش مشاكل لو استخدمت سلطتك في الخير
تم النشر الجمعة، ٣٠ يناير ٢٠٢٦
لعرض السؤال في فدني اضغط هنا