السلام عليكم، متخافيش خالص ولا تهتمي بتهديداته، الأشكال دي بتتعمد تخوف اللي قدامها وبتعتمد على خوفه من التهديد والفضيحة أو معرفة الأهل فخليكِ واثقة في نفسك وقوية ومتخافيش. بلغي عنه مباحث الإنترنت وهم هيتصرفوا، ولو لزم أنتِ تعرفي أهلك يبقى أفضل، بلاش تخلي خوفك من ردود أفعالهم تمنعك من الاستعانة بهم لحمايتك. بنات كتير بيتعرضوا للأذى لمجرد خوفهم من معرفة أهلهم. هم أكيد بيخافوا عليكِ، وأنتِ مغلطتيش في أي حاجة عشان تخافي من رد فعلهم. أرقام مباحث الإنترنت: الخط الساخن: 108 (متاح للإبلاغ عن الجرائم الإلكترونية على مدار 24 ساعة). أرقام الإدارة العامة لتكنولوجيا المعلومات: 0224065051 أو 0224065052. ورددي كتير (حسبي الله ونعم الوكيل) لو خايفة وربنا إن شاء الله يكفيك شره وشر أي حاجة تخافي منها.
لعرض الإجابة في فدني اضغط هنا