انا مدرس رياضيات لسه خريج جديد
من الحاجات اللي بشوفها ان اغلب الطلاب بيكرهوا المادة عموما مع اختلاف الاسباب
فإزاي اقدر احبب الطلبه في المادة؟
ولو حد عنده افكار في ادارة الفصل اكون شاكر جدا له 🌸💙
الطالب بيعرف يحس جدا بالمدرس لو علاقه المدرس بالطالب فيها موده الطالب هيقبل منك كل حاجه بما فيها التوبيخ..... لازم تدرب نفسك عالثبات الانفعالي ... ولازم يكون في مكافآت مناسبة لسنهم حتى لو باى حاجه بسي...
علشان تحببهم في المادة لازم يحبوك اولا ثم انك تدرسلهم المادة بالفهم وتخليهم يفكروا معاك،، انا دخلت هندسة بسبب مدرس عمل معايا كده فحبيت المادة.
الطرق المبتكره والجديده واللى مربوطة كمان بالتكنولوجيا ..هتخليك مميز نظام الفصل اللى بيكون متمحور حول الطالب...فى استراتيجيات كتير وكمان التشجيع بالمكافئات اكتر حاجة بتشجع الولاد يركزوا معاك اكتر من ا...
انك تبني علاقه متزنه بينك وبين الطالب زي انك تعرف امتى الوقت الي لازم نهزر في الحصه بحدود لانهم خدوا معلومات ومحتاجين يفصلوا بعدها وامتى لازم تشد وشدتك مش زعيق او ضرب ممكن يكون من خلال خوفهم من زعلك و...
لو احبوك هيحبوا المادة.. و علشان يحبوك لازم تطلع الطاقة اللي جواهم و متكبتهمش ولا تحملهم فوق طاقتهم و تتحمل غباءهم و تصبر عليهم، لازم تتفنن في الشرح، و تخليهم يشاركوا و يستنتجوا بنفسهم الحلول و يتسابقوا علشان يجاوبوا، لما تلاقي حد فيهم مش فاهم حاجه أقف معاه و فكره بالقاعدة الرياضية او النظرية غششه حاجه بسيطة لحد اما يوصل للحل و يفتكر انه وصل لوحده دا هيديله ثقة في نفسه، اتفرج علي فيديوهات الأساتذة اللي بيطلعوا في الترند و راقب طريقتهم و اعمل زيهم مش عيب ، حتي لو هتحاكي طريقة الشرح اللي بتجذب ، بسط لهم الأمور.. لو صدموك بخيبة امل بلاش تغصب و تثور لاحظ انهم اصلا كارهين المادة و الواقع بلاش تديهم مبرر يكرهوك انت كمان، تذكر دايما ان الله لا يكلف نفسا إلا ما ءاتٰها يعني بلاش تشك في قدراتك كمدرس لكن غير بس طريقتك في الشرح او في التعامل معاهم ولا حظ انهي طريقة هتجيب نتيجة احسن، لو الطلبة شباب ولاد يعني خليك جنتل في لبسك بيلفت نظرهم قوي الموضوع ده و لو حبوك هتبقي قدوة ليهم و هتشوف دا في عيونهم و تصرفاتهم معاك.. هتلاقيه رجعوا أطفال في التصرفات. بسط المادة اديهم المفيد و قلل الحشو بتاع الوزارة.
شكرا جدًا إن شاء الله احاول انفذ الكلام ده 🌸💙
شكرًا جدًا وربنا يوفقنا جميعًا إن شاء الله
تحببهم في المادة لازم اولا تحببهم فيك او نعتبر انهم عيالك تبسط ليهم كل معلومه حضرتك هتتعب شويا بس بعد عمر هيفتكروك ب الخير غير دعاء الولدين ليك لاسف كلو اهم حاجه عندو الفلوس مش مهم الطالب يفهم يولع بس ربنا يوفقك في اللي جاي باذن الله
لعرض السؤال في فدني اضغط هنا