السلام عليكم
انا عندي ٧ ايام قضاء المفروض اصومهم بعد رمضان اللي فات ده لان كان عندي ظروف
بس للاسف لحد الان مصومتهمش بسبب اني باخد علاج نفسي
للي هيسأل انا صومت الايام الباقيه ازاي ف رمضان انا كنت باخد العلاج طول الشهر مرة قبل الفجر ومرة بعد الفطار فا مكانش فيه لخبطه في الايام ولا العلاج حتي ايام الظروف كنت باخد العلاج زي ما كأني بصوم عشان ملخبطهوش
دلوقتي انا خايفه اصوم ال٧ ايام دول والخبط ف العلاج وارجع انتكس تاني بخاف جدا ومش عايزة ارجع للايام دي ابدا لان مفيش حد بيبقي حاسس بيا ولا بيعرفوا يعملولي حاجه
لان برضوا انا ممكن معرفش اصوم ال٧ ايام ورا بعض لان جسمي ضعيف مش بستحمل الصيام وكده بهبط وبدوخ جدا وبالذات في الحر ده
انا محتاجه مساعده سواء شيخ او دكتور نفسي او حد عنده خبرة بس اشوف حل عشان حاسه بالذنب جدا اني اتأخرت اوي كده بس ف نفس الوقت خايفه الخبط ف العلاج
بصي طول ما انتى صمتي قبل كده ومحصلش لخبطه وكنتي كويسه والعلاج كويس معاك في فتره الصوم في ايام رمضان .. يبقي تتوكل علي الله وتصوميهم عادي ومفيش داعي للقلق والخوف... ولو خايفه.. تصوميهم متقطع مش لازم ورا بعض يعني لو كل تلات ايام تصومي منهم يوم لحد ما يخلصوا إن شاء الله ميحصلش لخبطه في العلاج وامورك طبيعيه لان انتي مريتي بالتجربه دي قبل كده الخوف دا غالبا من الشيطان فتستعيذي بالله من الشيطان وتستعيني بالله وربنا مستحيل يضر عبد لجأ اليه او مقبل علي طاعته ولو قدرتي تصوميهم ورا بعض يكون افضل ليكي ... وربنا يعفو عنك ويحفظك وييسرك الحال.. لو في اي حاجه تاني اتفضلي..
تم النشر الاثنين، ١٨ مايو ٢٠٢٦
وعليكم السلام ورحمة الله. أختي، أقدر تمامًا شعورك بالذنب والخوف ده، وأنتِ بتحاولي توازني بين صحتك النفسية والتزامك الديني. ربنا يخفف عنك وييسر أمرك. من الناحية الشرعية، الصيام واجب، لكن لو كان بيسبب ضرر حقيقي على صحتك (مثل الدوخة أو التأثير على العلاج)، فالأولوية للحفاظ على الصحة، والله غفور رحيم. ممكن تستشيري شيخًا متخصصًا في الأحكام الشرعية عشان يوضحلك إذا كان فيه رخصة لتأجيل أو فدية في حالتك. أما بخصوص العلاج النفسي، فالأفضل تروحي لدكتورك النفسي عشان يساعدك في تعديل مواعيد الدواء بطريقة آمنة لو قررتِ تصومي. جسمك ضعيف والحر شديد، فمتحاوليش تصومي السبع أيام ورا بعض لو مش قادرة؛ ممكن توزعيهم على فترات متباعدة حسب قدرتك. لو محتاجة مساعدة إضافية من خبير، شوفي صفحة الخبراء على فدني: https://www.fedni.net/experts، وفي خبراء في الشرع والصحة النفسية. كمان ابحثي عن أسئلة مشابهة على فدني عشان تلاقي إجابات أكتر. ربنا يقويكِ ويبعد عنك الانتكاسة.
تم النشر الاثنين، ١٨ مايو ٢٠٢٦
لعرض السؤال في فدني اضغط هنا