طيب هنتكلم في كذا جانب اول حاجة طبيعي جدا تحسي بشعور انك عايزة تتجوزي ويكون ليكي بيت واسرة ولا عيب في ذلك. لكن خلينا نتكلم في الجانب التاني ... وهو انك اساسا مش سعيدة في بيت اهلك وده جزء منن احساسك حاليا .. انتي نفسك تحسي بالحب والسعادة .. اللي لسه مش لاقيهم حتى وانتي مع اهلك .. وديه محتاجين نتكلم فيها شوية. ليه حاسه بالاحساس ده؟ وليه خايفة ان ربنا ممكن ميبعتش ليكي الشخص المناسب!
يارب
تم النشر الخميس، ١٦ فبراير ٢٠٢٣
ربنا يعينك يا حبيبتي .. طيب بما ان الموضوع بالشكل ده، يبقى حاولي على اد ما تقدري تتجنبي اي حاجة ممكن تخليكي تحتكي بيه او تزعله او يتعصب، يعني استمري في سياسة الصبر اللي انتي ماشية عليها. وربنا يهديه عليكي.
تم النشر الخميس، ١٦ فبراير ٢٠٢٣
لا دي مش حاجه جديده عليه زي ما تقولي ده طبع فيه بيتعامل علي حسب مزاجه لو حلو تلاقي المعامله حلو ولو المزاج مش حلو استلقوا وعدكوا بقي وبردوا لو بتعملي اللي هو عايزه ومتقوليش لا تلاقي المعامله حلوه اوي لو اللي عايزه محصلش هيعيشك ولا كانك في الجحيم بيزعق وبيتخانق علي اتفه الأسباب ولو الكلام مش علي مزاجه يفضل يعيد ويزيد فيه لحد ما يهدي لو عدي عليه يوم مزعقش فيه وصوته مسمعش الجيران يحصل حاجه لازم يزعق ويعلي صوته وبصراحه خلاص اخدت علي معاملته دي بقيت بستغربه لما الاقيه بيعاملني حلو اه والله لسه قايلي امبارح والله لاصلبلك علي اي حاجه واضربك ولو وقعتي تحت ايدي مش هرحمك ده كله عشان اتكلمت مع اخويا الصغير مش حلو رغم أن بنضرب منه بس ده عادي إنما أنا أكلمه كلمه كده مينفعش بقي الضرب والشتيمه عنده عادي لدرجة أنه بيضربني قدام الناس عادي ويشتم ولما اشتكي معلش لسه صغير لحد واحد عنده ٨ سنين ولسه صغير . اذا كان بابا مقدرنيش ولا قدر مشاعري ولا حس بيه يبقي اخويا هيتعامل معايا ازاي خلاص اخدت علي كده منهم بقيت دلوقتي في تانيه جامعه بس بيتعاملوا معايا علي اني لسه في الابتدائي بس خلاص معدتش فارقه ايوه ساعات بدايق من اللي بيحصل ويلعن نفسي واليوم اللي جيت فيه علي الدنيا وبدعي علي نفسي بس برجع تاني واقول نفسي اصبري هتعملي ايه مفيش في ايدك حاجه غير الصبر والصمت وده اللي بعمله
تم النشر الأربعاء، ١٥ فبراير ٢٠٢٣
طيب هو والدك اسلوبه كده عموما؟ ولا ديه حاجة جديدة عليه مثلا مؤخرا؟
تم النشر الثلاثاء، ١٤ فبراير ٢٠٢٣
أنا كنت عارفه الاجابه بس قولت اجرب يمكن حاجه تتغير بس مفيش
تم النشر الثلاثاء، ١٤ فبراير ٢٠٢٣
حاولت وللأسف محصلش حاجه ومفيش حاجه اتغيرت بالعكس قالي أنا لو كنت ولعت فيكي وموتك كان احسن وكنت ارتحت منك
تم النشر الثلاثاء، ١٤ فبراير ٢٠٢٣
ع ايه العفو وربنا معاكي باذن الله
تم النشر الاثنين، ١٣ فبراير ٢٠٢٣
وشكرا لحضرتك
تم النشر الأحد، ١٢ فبراير ٢٠٢٣
تمام هحاول
تم النشر الأحد، ١٢ فبراير ٢٠٢٣
مفيش تطويل ولا اي حاجه، طيب اكتبي ل بابا كل ده، مش لازم ابدا تقفي قدامه وتقولي كل اللي جواكي، لأ اكتبي له وروحي اديله الجواب في وقت يكون رايق فيه. ولكن لو المحاولة دي كمان فشلت، ف هنا انتي برده بإيدك متكونيش الضحية .. تجنبي الاذي قدر الامكان، ولكن اشتغلي ع نفسك، واتعلمي حاجات كتير عن الذات، واعرفي نفسك اكتر، واعرفي أن لكل واحد فينا ليه مميزات وعيوب وبايد كل واحد فينا أنه يبرز العيوب والمميزات، ابرزي مميزاتك لنفسك، واعرفي أن مفيش حد احسن من حد، كل واحد وفيه كل حاجه من عيوب ومميزات ... كل حاجه. مفيش حد كامل. اعرفي قيمة نفسك لأنك مش قليلة ابدا.
تم النشر السبت، ١١ فبراير ٢٠٢٣
معنديش الجرأه إني اتكلم معاهم او بالاحري أنا بتجنب الكلام معاهم عشان عارفه ايه اللي هيحصل وايه اللي هيقولوه أنا اه مش حابه حياتي بالطريقة دي بس لو اتكلمت زي ما بنقول نفتح في اللي فات واهلي ما بيصدقوا يمسكوا في حاجة بيعملوا من الحبه قبه بيتخانقوا علي اتفه الأسباب والكلام معاهم شبه مستحيل أنا بخاف اتعامل معاهم او إني اطلب منهم حاجه وبالذات بابا بخاف منه اوي مش بعرف أتعامل معاه ولا اتكلم تصرفاته مش مضمونه يعني لو بتتكلمي معاه والكلام معجبوش ممكن يضرب وبيضرب بأي حاجه قدامه مش بيهموا حاجه ويقعد يعيد ويزيد في الكلام اللي اتقال ويعلي صوته ومش بيسكت غير لما هو يحب يسكت يعني مش بيسكت غير لما يجيب آخره مش بيعمل حساب لحد اللي يسمع يسمع وامي مش يستفاد من كلامي معاها بحاجه يا تقولي روحي لابوكي وأنا اعملك ايه مشاكلك كتيره الواحد لما بيشوفك بيكره نفسه طب أنا لما أهلي بيعاملوني كده وبيقولولي كده الغريب يعمل معايا ايه أنا معنديش ثقه في نفسي خالص بخاف ابص في عيون الناس عشان مشفهمش وهما بيضحكوا وبيعيبوا عليه ببعد عن الناس عشان معنديش ثقه في نفسي وانتي لو شفتيني وأنا ماشيه تقولي عليه واحده مناخيرها في السما بعمل كده عشان أهلي خوفي وضعفي وقله ثقتي من الناس مليش أصحاب عشان مش عايزه حد يقعد يعيب علي شكلي جسمي لوني لبسي بخاف اقعد جمب حد في المدرج عشان اتعرضت للتنمر بنتين كانوا قاعدين قدامي وبيبصوا عليه ويضحكوا وبيتكلموا وللأسف أنا سامعه اللي بيقولوه معرفتش ارد عليهم عشان معنديش ثقه في نفسي خفت منهم فالمحاوله اللي أنا هحاولها دي عارفه نتيجتها وايه اللي هيحصل مفيش قدامي غير السكوت والصمت والصبر اسفه علي كل الكلام ده واسفه لو ازعجتك وشكرا لحضرتك علي وقوفك جمبي
تم النشر السبت، ١١ فبراير ٢٠٢٣
طيب ايه رايك تعملي محاولة اخيرة .. محاولة اخيرة معاهم بس وبعد كده خلاص، في المحاولة ديه انتي هتروحي تقولي ليهم كل كلامك ده، كل حاجة جواكي ناحيتهم مهما كانت تقولييها ليهم. ولو صعب عليكي المواجهة بالطريقة ديه، تكتبي ليهم جواب .. هيكون اسهل .. وكمان سهل انك تعبري اكتر فيه. جربي ومش هتخسري حاجة .. مش هيكون زي اللي فات صح. جربي يمكن لعل وعسى الاوضاع تتغير ويفهموا. اما في فكرة التفضيل ما بين البنت والولد .. فالموضوع ده مش عندك انتي بس .. ده المجتمع كله بالشكل ده، المجتمع كله شايف ان البنت لو غلطت يتعلق ليها المشنقة، اما لو الولد غلط .. عادي ما هو في الاول والاخر ولد ميعبوش حاجة. ف ده مش تفكير اهلك بس. ده تفكير مجتمع باكمله للاسف الشديد. بس بايدك انك متكونيش جزء من المجتمع ده، وبايدك كمان تربي جيل احسن .. جيل ميكونش فيه تفرقة في التربية ما بين الولد والولد، ليه خايفة ولادك يحصلهم زي اللي بيحصلك؟ انتي بايدك ميكونش زيك .. بانك قبل ما تختاري ليكي زوجك .. تختاري لاولادك اب حقيقي .. اب سوى، بايدك متكونيش الضحية، وبايدك متخلقيش ضحايا جداد. اختاري صح الاول وبعد كده صدقيني الاختيار الصح بيكون في الاخر النتيجة صح.
تم النشر السبت، ١١ فبراير ٢٠٢٣
مبقتش اتكلم خلاص أنا تعبت اتكلمت كتير ومحدش سمعني دايما يقولولي متشغليش بالك وأحنا هنعملك اية متوهميش نفسك حسيت ان الكلام معدش منه فايده بقيت بكتم وبسكت ولو سكت بيزعقولي ويقول لي انت خبيثة يعني لا كده عاجب ولا كده عاجب مش مستريحه معاهم في تفضيل بيني وبين أخواتي وبالذات انا . عندنا اتعلمت وعرفت أن الولد افضل من البنت بمليون مره وان الولد لو غلطت ف عادي أما البنت لو غلطت تتعاقب وتنضرب وتنشتم وتتحبس وده اللي بيحصل معايا عرفت أن في فرق كبير في المعامله ما بين البنت والولد وان باباي كان مش بيحب البنات ولا خلفة البنات وقالهالي في وشي وقالي أنه بيكرهني . حصل موقف معايا وعارفه أن اللي أنا عملته ده غلط بس وقتها مكنش في دماغي حاجه وان الحاجه دي غلط وهي اني كلمت ولد كنا بتكلم عادي ومفيش اي حاجه بس أنا لقيت الاهتمام من الغريب وبقيت بتكلم واشكي أنا مش لاقيه الحاجه دي في أهلي لقيتها في الغريب وفي الوقت ده انا كانت نفسيتي مدمرة ومحدش من أهلي كان جمبي مكنتش بسمع منهم غير كلام يسم البدن وزعيق وشتيمة ولما عرفوا انضربت بأبشع الطرق واتحبست واتمنعت إني أخرج من باب الأوضه مش الشقة كمان اتمنعت من إني اروح دروسي وكان كل يوم ضرب واهانه وزعيق محدش فيهم فكر أن عملت ده ليه أنا معملتش كده بدافع إني عايزه اكلم ولد أنا بطبيعتي مبتكلمش مع حد ولا براسل حد بس في الوقت ده فعلا أنا كنت محتاجة حد يفهمني يقف جمبي عمرهم مفكروا ده حصل ليه ولا فكروا انهم يتكلموا معايا كان كل اللي ياخدوا منهم ضرب وشتيمه وحبسه ولسه لحد دلوقتي المعامله مفرقتش لأن معاملتهم معايا قبل الموقف ده ما يحصل كانت وحشه مكنتش بتكلم ولا بقعد معاهم عشان مسمعش اي كلمه منهم لأني مش قادرة استحمل اكتر من كده كان جه علي وقت مكنتش بتكلم ولا باكل علطول قاعده في الأوضه مش بخرج منها مكنش في سبب للي أنا فيه وبدل ما يقعدوا معايا ويتكلموا بابا حبسني وضربني عشان قاعده لوحدي ومش بتكلم ولا باكل مش عايزه اتجوز واحد يطلع زي بابا ومش عايز اخلف كمان عشان خايفة إن ولادي يحصلهم كده
تم النشر الجمعة، ١٠ فبراير ٢٠٢٣
اما قصة اهلك .. حاولتي في مرة تتكلمي سواء مع بابا وماما وعرفتي سبب المعامله ديه؟ او ايه اللي يبسطهم علشان تعمليه؟
تم النشر الأربعاء، ٨ فبراير ٢٠٢٣
طيب قصة الجواز انتي لسه صغيرة جدا .. واه فيه بنات بتتجوز وهي صغيرة وفيه بنات بتتجوز وهي اكبر شوية .. ولكن كل واحد وبراحته والمناسب له .. فالموضوع لا يستدعي الخوف خالص ..
تم النشر الأربعاء، ٨ فبراير ٢٠٢٣
مش عارفه والله بس خايفة إن ربنا ميبعتليش الشخص ده مش عارفة يمكن عشان بشوف بنات اصغر مني ومخطوبين أو يمكن بنات معايا في الجامعة مش عارفة والله
تم النشر الأربعاء، ٨ فبراير ٢٠٢٣
مش حاسه بالسعاده مع اهلي علطول بيزعقولي وماما تقولي إني مليش لازمة حتي لو عملت اللي بتقولي عليه عايزين مني دايما إني اوافق علي أي حاجة هما عايزينها ولو قولت لا يغيروا معاملتهم اكلمهم ميردوش اعمل اي موقف يزعقولي عليه بحس إن هما بيدوروا علي مصلحتهم وبس وبالذات بابا ودي حاجة وحشه مشاكلي دايما مش بتتاخد علي محمل الجد وفي تفضيل بيني وبين أخواتي سواء الكبير أو الصغير محدش فيهم وقف جمبي لما كنت في تالته ثانوي وأنا كنت ازهر فالمواد كانت كتير مكنش عندي رغبه في المذاكره ولا إني اروح الدروس وعلطول خايفه مكنتش باخد منهم غير كلمة انتي فاشلة ابقي قابليني لو فلحتي هتسقطي والكلام ده بيأثر عليه بالسلب لحد ما بقت نفسيتي مدمرة ولحد دلوقتي أنا في تانيه جامعة وبردوا نفس المعامله والكلام والزعيق كنت مفكره إني لما ادخل الجامعة بقي هيبقي ليه معامله تانيه وهيبقي في تقدير وان كلامي هيتاخد جد وان لما اتكلم معاهم يسمعوني بس للأسف مفيش حاجة اتغيرت للأسف نفسيتي مدمرة مش بعرف ازاكر ولا أركز في حاجة بعملها وبنسي كتير مفيش حاجة اتغيرت بالعكس أنا حياتي بتدمر بقيت بكره نفسي مش حاسه بالسعاده وأنا معاهم ولا حاسه بالأمان وأنا معاهم أنا لما ببقي بعيده ببقي مطمنه
تم النشر الأربعاء، ٨ فبراير ٢٠٢٣
لعرض الإجابة في فدني اضغط هنا