السلام عليكم انا بنت وعندي ٢٧ سنة اكتشفت ان عندى عيب ف شخصيتي وعاوزة اتخلص منه وهو انى متحكمة او بمعنى اصح باخد دور المعلمة والتلميذ قدام اى حد يعنى اللى قدامي بيكون تلميذ اقصد مهما كان سنه يعنى ده اكتشفته لما كنت هتخطب وهو لاحظ ده فيا وقالى انا مش تلميذك وهكذا وكذا مرة حد قالي انى عاوزة امشي اللى قدامي على وجهه نظري وبس ..ازاي اتخلص من ده خصوصا فى علاقتي مع زوجي لان الرجالة مش بتقبل بده اكتر من الستات ..وعايزة اعرف سبب ده وعلاجه
الاسباب احتمالاتها كتير ممكن تكونى اكبر اخواتك او عندك مهارة القيادة عاليه بس مش بتتحكمى فيها او شاطرة فى الدراسة ومتفوقه وعندك معلومات وبتحسسك بالفخر وانك مميزه الحاجات دى وممكن غيرها يدى للانسان نوع من الغرور او النظرة العليا للنفس والاستحقاق ان اكيد انا افضل وهما لازم يسمعولى انا . الحل هنا انك تشوفى اكتر ناس يكونوا افضل منك وتحطى نفسك فى وضع التلميذه اكتر ..يعنى تدخلى تتعلمى حاجات جديدة وتكون معلوماتك فيها صفر . كمان انك تسمعى اكتر ما تتكلمى ...اعتبريه تنظيم للحديث ..انتى تسمعى الاول وبعدين تتكلمى ولما تسمعى ما تبقيش بتحضرى ردود . اسمعى كلام اللى قدامك وحاولى تلاقي جواه معلومه جديدة ..اعتبريها فزورة
تم النشر الخميس، ١١ أبريل ٢٠٢٤
لعرض السؤال في فدني اضغط هنا