من فضلكم انا عندي مهام مفروض اخلصها في وقت محدد وللاسف عندي مشكلة ضياع الوقت، ومعنديش ايراده مش عارفة ازاي اخلي نفسي ملزمة بالسغل الي مفروض اعمله في حين ان لو تكاسلت تعب سنين حيضيع، مشكلة التسويف وان لسة في وقت مخلياني متكاسلة ومعنديش همة خالص لانجاز المطلوب، ارجوا اعطوني حلول.. شكرا
صدقيني لما تبدئِي يومِك من بعد الفجر هتلاقي في وقت كبير تقدري نجزي فيه مهام كتيرة حتىٰ لو متمتش كُلها بس هتنجزي كميةة كبيرة منها بعد صلاه الفجر كده إبدئِي وحطي فَ بالك دايما ان إنجازِك ده هيكون راحه ليكِي بعدين أحسن من الندم الي ممكن يجي فاهمةة وربّ يطمن قلبك ويريح بالِك. حتى لو مِش مُسلمة إبدئي من السـاعةة 4 بس نامي كويس قبلها فترة نوم تكون كويسةة فاهمةة
تم النشر السبت، ١٥ يوليو ٢٠٢٣
ليه؟ ليه مفيش عزيمة؟ هل الحلم ده قابل للتحقيق فعلا ولا خيال؟ يعني من شروط أي هدف في الحياة ..! ان هدفك يكون واقعي فعليا واقعي من جميع النواحي، يعني منقولش عايزين نعمل كذا .. وكذا ده يبقى خيال .. مستحيل انه يتحقق دلوقت؟ فأكيد مش هيتحقق. لازم كما الهدف ده يكون محدد يعني ايه محدد .. يعني منقولش انا عايزة اكون ناجح ( ده هدف عائم) لأ حددي انتي عايزة تعملي ايه بالظبط .. تنجحي في ايه؟ لازم كمان الهدف يكون قابل للقياس. يعني ايه قابل للقياس .. يعني له شئ يمكن قياسه .. عايزة انجح مثلاا السنة ديه بتقدير معين (شئ محدد وملزم بخطة تمكن قياسها) لازم كمان ان الهدف يكون محدد بزمن مينفعش ابدا الهدف بتاعك يكون عائم كده من غير اي موعد او ديدلاين ... لازم يكون محكوم بزمن محدد والحاجة المهمة جدا بقى ان لازم هدفك يكون على صلة وثيقة بما تفعله يعني ايه الكلام ده ؟ يعني انت عايز تعمل الحاجة ديه علشان هتساعدك ف انجاز شئ معين. عايز تاخد كورس الجرافيك علشان عايز تبدأ في ان تشتغل فيه. وهكذا ... يعني لازم تكون مرتبطة بشئ انت عاوزه فعليا، علشان تكمل فيه. اما بقى لو فيه مخاوف من دخول التجربة نفسها وانك تحاول في انجاز الهدف ده .. فالشئ ده بيعود لحاجات زي الثقة بالنفس، او خايف انك تفشل مثلا، فيه اهداف كثير في نفس الوقت .. وده عائق كبير ممكن يمنعك من انك تحقق اللي انت عاوزه، بتفقد صبرك بسرعة، مش عارف تثتسمر وقتك صح! كل ديه مهارات لازم تتعلمها علشان تعرف تحقق الهدف بتاعك صح حاجة كمان ... لو هنتكلم في الشغف والطاقة والكلام ده طاقتك وعزيمتك مش هتيجي غير لما تحقق اول شئ من الهدف بتاعك. ازاي؟ هو الموضوع بيمشي بالعكس يعني؟ اه بيجي بالعكس في الحركة بركة .. مثال مشهور ولكنه فعلا صحيح جدا .. كام مرة كنت فعليا مش قادر وطاقتك زيرو .. بس نزلت وقومت وروحت مثلا الجامعة ولا الكورس الفلاني .. وفيه حاجة مثلا حمستك جامد في الاخر فرجعت مبسوط ؟ النتيجة هي اللي بتفرحنا مش العكس .. يعني مش هتسأل لاعب مثلا داخل بطولة .. فطبعا بيدرب ليل ونهار وتعب وتقوله انت مبسوط طبعا انت اهو بتعمل حاجة انت عايزاها وبتحبها ... هيقولك ايه ده .. فين الانبساط يعني اني اقوم من عز نومي يعني علشان انزل اتدرب ولا علشان ورايا حاجات اعملها .. لأ الفرحة والسعادة والطاقة هيجي بعدين. وقدرتي على فهم الواقع وظروفي الحالية هي اللي بتحتم عليا اني اعمل ده.
تم النشر السبت، ١٥ يوليو ٢٠٢٣
تما شكرا لحضرتك حشوفهم باذن الله
تم النشر السبت، ١٥ يوليو ٢٠٢٣
أنصحك تتفرجي على كورس تعلم كيف تتعلم و كيف تتقدم و أنت ضعيف متخاذل الإرادة (دول فيديوهات على قناة واحدة إسمها دروس أونلاين)
تم النشر السبت، ١٥ يوليو ٢٠٢٣
لعرض السؤال في فدني اضغط هنا