متقدملى شخص أهلي شايفينه كويس جدا ومحترم ولكن انا مش عجبني كاشكل ومش حساه بجد صليت استخاره ولكن هما شايفين انه كويس واقعد معاه تانى وان لسه معرفتوش فا ادي فرصه بس حاسه انه بردو مش هقدر اتقبله هل دا طبيعي ولا اعمل ايه
السلام عليكم ورحمه الله وبركاته طبعا القبول المبدئي بيكون جزء منه هو تقبل الشكل ومش عيب ابدا ان انت يكون عندك عدم قبول للشكل ولذلك انت مش مرتاحه تقعدي مع الشخص او مش قادره تبصي على بقيه مميزاته لانه بالنسبه لك الشكل لسه ما عداش مرحله القبول فدي حاجه عاديه جدا ومن حقك ولا، يعني مش هيبقى عيب عليك انك يعني رفضتي حد كويس عشان خاطر شكله مش عاجبك فانت كده وحشه لا انت كده مش وحشه خالص ولكن برده اذا حبيتي انك تجربي تقعدي مره كمان معاه عشان تتاكدي اذا كان في قبول ولا لا وارد جدا يكون اول مره دي أنتِ مشوفتيهوش كويس ما بصيتيش على ملامحه كفايه لمحتيه مثلا بس من الجنب عشان كده فما عجبكيش يعني ايا كان ولكن بعد ثاني مره دي خلاص انت براحتك جدا ومن حقك وما فيش عليك اي حرج.
تم النشر السبت، ٣ مايو ٢٠٢٥
🎤 إجابة صوتية
تم النشر الأحد، ٢٧ أبريل ٢٠٢٥
اه طبيعي بس لو فضلتي على هذا الحال حتى بعد الاستخارة ف نصيحه ارفضي لو الموضوع ده طول خاصة بعد صلاة الاستخاره استخيري اكتر من مره و لو فضلتي على كده يعنى على عدم الراحه خلاص ما حصل نصيب ما تضغطي على نفسك خدي راحتك عشان انتي هتخدي خطوه كبيره ف طبيعي تحسي بكده بس لو الشعور ده طول معاكي ف ارفضيه و القرار ما بين يدك بس استخيري الف مره عادي و ادعي ف دي خطوه كبيره مش عاوزين ناخدها بطيش او بعدم مبالاة او لإرضاء اهلك
تم النشر السبت، ٢٦ أبريل ٢٠٢٥
من الطبيعي أن تشعري ببعض التردد أو عدم الراحة تجاه الشخص المتقدم لك، فاختيار الشريك هو قرار يتطلب الكثير من التفكير والتأمل، وقد يستغرق بعض الوقت للتمكن من قبول شخص جديد في حياتك. أولاً، من المهم أن ندرك أن الانجذاب الجسدي ليس هو العامل الوحيد في اختيار الشريك. الشخص الذي تمت الإشارة إليه قد يمتلك العديد من الصفات الجيدة مثل الاحترام والجدية، وهذه صفات مهمة في بناء علاقة زوجية ناجحة. إذا كنت قد صليت الاستخارة وتشعرين بأنك لم تتوضحي بعد بما فيه الكفاية، فقد تكون فرصة أخرى للتواصل معه فكرة جيدة. حاولي التعرف عليه بشكل أعمق من خلال الحوار المستمر ومعرفة اهتماماته وأفكاره. ومع ذلك، إذا كان شعورك بعدم القبول مستمرًا رغم المحاولات، فمن المهم أن تأخذي في اعتباراتك شعورك الشخصي، لأن الراحة النفسية والاطمئنان تعتبران من العناصر الأساسية في أي علاقة. إذا قررت أن تكملي في العلاقة، كوني صادقة مع نفسك ولديه. وإذا وجدتي أن الحدس الخاص بك يشير إلى عدم الارتياح، فمن الأفضل أن تتحدثي بصراحة مع أهلك حول مشاعرك. لا تنسي أن الوقت قد يساعدك في تقبل الأمور، ولكن يتوجب عليك الاستماع إلى قلبك وعقلك في آن واحد. بالتوفيق، وأسأل الله أن يرشدك إلى ما فيه خير لك.
تم النشر السبت، ٢٦ أبريل ٢٠٢٥
عادي تحسي بعدم قبول ناحيه حد معين حتي لو اهلك شايفينه كويس وبيرفكت بيبقي قبول ممكن تدي فرصه كمان عشان ببقي عملتي اللي عليكي لو مافيش قبول برضو قولي لأهلك انك حاولتي بس الموضوع مش بيمشي لمجرد انهم شايفينه كويس وربنا ييسرلك الطريق الصح
تم النشر الأربعاء، ٣٠ أبريل ٢٠٢٥
تم النشر الأحد، ٢٧ أبريل ٢٠٢٥
لعرض السؤال في فدني اضغط هنا