ايه هي علاقتك بباكي؟ هل هو غايب ولا معاكوا بس علاقتكوا بعيدة؟ ولا متوفي؟ غالبا الحب ده بسبب انك مفتقده لحب الأب ف حبيتي واحد زي بباكي أو قده أو واحد كبير عامة، و من الطبيعي ان الطالب يحب المدرس بتاعه بس اللي انتي فيه ده تعلق مش حب و التعلق متقعديش تفكري انتي عملتي حاجة غلط أو حرام ولا لا الكلام ده من زمان و زي ما بتقولي انتي مبقتيش تروحي السنتر تشوفيه ف خلاص خلينا في دلوقتي، دلوقتي حاولي تركزي في حياتك و دراستك و تبعدي عنك اي افكار عن مدرسك و حطي في دماغك انه مستر و علاقتكوا فيها حدود حتى لو بتحبيه، و من الناحية التانية ركزي على علاقتك بباكي و حاولي تحسنيها (إذا كان عايش) أو اطلبي المساعدة و الاهتمام من حد من قرايبك أو صحابك او ممتك و لو الموضوع منفعش و لسه بتفكري فيه و بتحنيله استشيري أخصائي نفسي يعرف يساعدك
و انا و بابا مش قريبين من بعض بس عادي يعني بحبه
تم النشر الأربعاء، ٢٥ يونيو ٢٠٢٥
بابا الحمدلله عايش بس زمان كان بيسافر بس دلوقتي خلاص هو معانا و لما الموقف ده حصل بابا كان معانا مش مسافر هو مش قد بابا اوي يعني هو حاجه و تلاتين + شكرا جدا ❤️
تم النشر الأربعاء، ٢٥ يونيو ٢٠٢٥
لعرض الإجابة في فدني اضغط هنا