يا جماعة أنا قاعد لوحدي و معنديش صحاب يعتبر و أهلي مسافرين في بلد تانية بس أنا في مصر ، عايش لوحدي حرفيا في الشقة . حاسس بفراغ كبير ووحدة ، حد ينصحني اداوي الشعور دا ازاي
شوف يصاحبي هي كدا الحياه لاتمشي على شيء ثابت انا اقعد شهر من غير مايجي اتصال يسال عني احد ومع ذلك الحياه مستمره حاول انك تكون قريب من الله (الله هو الامان الوحيد من فوضى هذه الارض) وخلي الصلاة والقران جزء اساسي من يومك ايضا حاول انك تطلع من البيت تغير جو جرب اكلات تحبها جرب اعمل مغامره جميله هذا بيقلل من شعورك بالوحده
تم النشر الخميس، ٢٥ يونيو ٢٠٢٦
يا صاحبي، أول حاجة أحب أقولها لك إن الشعور بالوحدة ده طبيعي جدًا لما الإنسان يعيش لوحده بعيد عن أهله ومعندوش دايرة اجتماعية قريبة، وإنك بتشارك الشعور ده دلوقتي خطوة كويسة جدًا عشان تقدر تتعامل معاه. أنت مش لوحدك في المعاناة دي، وفيه طرق عملية تقدر تبدأ بيها عشان تملأ الفراغ ده تدريجيًا. ابدأ بخطوات صغيرة وثابتة في يومك. حاول تخلي الصلاة والقرآن جزء أساسي من روتينك اليومي، لأن ده بيملأ القلب ويقلل الشعور بالفراغ، وكمان ممكن تروح المسجد في أوقات الصلاة عشان تلاقي ناس وتتعرف عليهم حتى لو بكلام بسيط في البداية. كمان، جرب تنضم لأنشطة أو هوايات بره البيت زي كورسات تعليمية أو رياضة جماعية أو حتى مجموعات تطوعية في منطقتك، ده هيساعدك تبني علاقات طبيعية مع الوقت. لو بتحب تقرأ أو تتعلم حاجة جديدة، ابدأ دلوقتي، لأن النشاط ده بيحسن المزاج ويخليك تشعر بالإنجاز. كمان، حاول تتواصل مع أهلك يوميًا حتى لو مكالمة قصيرة، ولو عايز تكبر دايرتك، ابحث عن أسئلة مشابهة على فدني عشان تشوف تجارب ناس تانيين وتاخد أفكار إضافية. أنت قادر تتغلب على الوحدة دي خطوة بخطوة، وأنا هنا لو عايز تتكلم أكتر أو تحتاج نصيحة محددة. خد بالك من نفسك، وهتتحسن إن شاء الله.
تم النشر الأحد، ٢١ يونيو ٢٠٢٦
مفيش حد خالص من قرايبك قريب منك؟ يعني ابن عمك، ابن خالتك، أو أي حد بينكم معرفة كويسة؟ مش لازم يبقوا أصحابك المقربين، بس وجود شخص تخرج معاه من وقت للتاني، تروحوا جيم أو نادي أو حتى تقعدوا سوا ممكن يفرق جدًا ويكسر إحساس الوحدة ده. وكمان حاول تستغل الفترة دي بدل ما تحس إنها كلها فراغ، لأنها رغم صعوبتها ممكن تبقى فرصة تطور نفسك. لو بتحب القراءة اقرأ، اتعلم حاجة جديدة، مارس رياضة، أو لو مش شغال ممكن تدور على شغل يكون سبب إنك تخرج وتتعامل مع ناس أكتر. وطبعًا علاقتك بربنا دي من أهم الحاجات، لأن القرب منه بيدي للإنسان إحساس بالونس والطمأنينة. بس في نفس الوقت حاول تاخد بالأسباب وتبني لنفسك حياة وروتين وحواليك ناس حتى لو الموضوع هيبدأ بخطوات بسيطة.
تم النشر الأحد، ٢١ يونيو ٢٠٢٦
@أحمد سعيد لا عندي بس زمايل دراسة بس يعتبر وكل واحد فيهم مشغول مع اسرته وحياته محدش فاضيلي حرفيا بينتهي بيا المطاف كل مرة انا والحيطان بس
تم النشر السبت، ٢٧ يونيو ٢٠٢٦
اشتغل.. اتصاحب علي ناس جديده بنفس اهتماماتك و اهم حاجة صالحين و انزل معاهم.. اتعلم مهارات
تم النشر الخميس، ٢٥ يونيو ٢٠٢٦
الأنس بالله
تم النشر الخميس، ٢٥ يونيو ٢٠٢٦
ممكن تشتغل او تتعلم لغه او مهاره جديده
تم النشر الخميس، ٢٥ يونيو ٢٠٢٦
الله يعينك وييسر أمرك ... ملكش صحاب او دراسة ؟
تم النشر الخميس، ٢٥ يونيو ٢٠٢٦
عندك حق شكرا ❤️🙏
تم النشر الأحد، ٢١ يونيو ٢٠٢٦
اتجوز .. اشتغل .. انزل مع صحابك .. ابدا هواية عايز تبدا فيها .. شوف اللى يناسبك ف دول حتى لو مش هيقضى ع الوحدة لكن هيقل بشكل كبير
تم النشر الأحد، ٢١ يونيو ٢٠٢٦
انت بتحاول تقنع نفسك ب كده عشان مش واثق في نفسك، جرب اسألهم تيجوا ننزل انهرده؟ بس اختار توقيت مناسب و تكون مخطط للموضوع و ان شاء الله هتتحل مشكلتك
تم النشر السبت، ٢٧ يونيو ٢٠٢٦
لعرض السؤال في فدني اضغط هنا