حاولت كتير انى أنجح بس أنا دلوقتى فى تانويه عامه ولسه مبدأتش مش عارفه انا مديه لنفسى فرصه شهر بعد كده ممكن اموت نفسي كل ما ابدا المواد صعبه
طيب موتي نفسك وبعدين؟ استفدتي حاجه؟ نجحتي؟ ثانويه عامه مش اخر الحياه مش هي الي هتقرر انك تعيشي او لا خليكي عاقله ومتأثرش عليكي الافكار دي لان مخك بيبرمج نفسوا ع كدا ومش هتقدري تعملي حاجه او تنجحي وانتي شاغله بالك بالافكار دي سيبيها علي الله بس اعملي اللي عليكي لان شعور الندم صعب ووحش اوي اوحش شعور ممكن تحسيه انك مأدتيش واجبك علي اكمل وجه وبالمقابل اهلك أدوه علي اكمل وجه الوقت لسه قدامك طويل في ناس بتبدأ في شهر اتنين وبيدخلوا كليات قمه انتي لسه قدامك فرصه متضيعهاش اي حاجه في البدايه بتكون صعبه اي حاجه هتوصلك لهدفك صعبه الحياه بشكل عام كدا احنا مش نازلين الارض علشان نترفهه احنا نزلنا علشان نعبد ربنا ونتعب "وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ
تم النشر الاثنين، ٣ نوفمبر ٢٠٢٥
اولا احمد ربنا انك ثانوية عامة مش زى حالاتى ثانوية أزهرية 😂 تانى حاجه مينفعش تقولى اموت نفسى أو الكلام دا ، حتى لو الدنيا خربت فحياتك مش لعبة ، بصى بقا يا اختى هبعتلك جدول نظمي وقت فيه وكدة وهتحطى الأولويات فى الاول والحاجات التانية فى الآخر الجدول دا على مدار الأسبوع وكل يوم قيمي نفسك يعنى مثلا انتى حاطة 3 مواد هتذاكريهم النهارده هتشوفى فى نهاية اليوم هل حققت المطلوب ولا لا وادى نفسك درجة وعلى الحال دا كل يوم فى آخر الأسبوع بقا قيمى مستواكى من 100 وإن شاء الله هتحسى بالتغيير ولو لسا مبدأتيش قدامك فرصة لسا بس المهم تبدأى وبالتوفيق إن شاء الله ، إدعيلى أنا وانتى بقا ماشى 🙈🙂 بجد خلى عندك امل كل حاجه بيد الله عز وجل ثقة فى الله وأجتهدى ولما تحسى أنك فاقدة التركيز صلي على النبي عليه الصلاة والسلام 🤎 وأقرئى قرآن وأقرى الأذكار وبس كده ، اتمنى تكون أفدتك والسلام عليكم ورحمة الله وبركاته
تم النشر الثلاثاء، ٤ نوفمبر ٢٠٢٥
حبيبتي ركزي معايا بلاش تضغطي علي نفسك كده الحياه مش مستاهله وكل حاجه وليها حل تعالي نحلها واحده واحده رتبي نفسك و افتحي ماده معينه و اعملي جدول ل حاجه بسيطه درس واحد بس و قسمي ده علي مراحل يعني متخديش كميه كبيرة مره واحده ابداي بحاجه حاجه شوفي انتي محتاجه تعملي اي عشان تخلصي واهم حاجه اسعي لو سعيتي متخافيش ربنا عمره ما هيسيبك ربنا مع البيسعي و هو قال سبحانه وتعالى "أنا عند ظن عبدي بي" فاعملي العليكي وسيبي الباقي علي ربنا
تم النشر الثلاثاء، ٤ نوفمبر ٢٠٢٥
بصى انا حاسة بيكى قوى لأنى برضه فى ثانوية عامة و حصل معايا نفس اللى حصل معاكى و مازلت بعانى من التراكمات و لكن فى حاجات كتير ساعدتنى ابدأ اولا انت معندكيش خيار لو سوفتى و فضلتى تركمى فانت ضمنت الفشل الدراسى و لكن لو حاولتى ففى نسبة كبيرة انك توصلى لهدفك و صدقينى مهما كان الكل سابقنا ففى أمل نوصل فليست العبرة بمن سبق و لكن العبرة بمن صدق و كمان عايزة أقلك ان فى اوائل جمهورية راكموا حاجات و لموها فى شهر 2 انت متخيلة شهر 2 لكن احنا لسه بدرى بصى دى فترة فى بدايات جديدة للأبواب و كدا و بنسبة كبيرة مبيكنش ليها علاقة بالقديم فانت ابدأى من الجديد و حاولى تاخدى من القديم على قدر استطاعتك و متخافيش فى ناس بتخلص تراكمات فى شهر 4 و بيوصلوا مش بقلك كدا علشان اطمنك و لا علشان اخليكى تحسى براحة و لكن دا واقع فبدأى و متخافيش ظننا بالله انه لن يضيعنا و لو احتجتى اى حاجة انا معاكِ و هحاول قدر الإمكان اساعدك لانى زى ما قلتلك مريت بدا و عارفة قد ايه صعب بالتوفيق
تم النشر الثلاثاء، ٤ نوفمبر ٢٠٢٥
معلش في الكلام وبعد ما هتموت في حساب هو انت قادر على حساب الدنيا عشان تقدر على حساب الآخرة انا مش هقولك أبدأ وحاول لا ده انت اللي هتعمله عشان تحارب اكتئابك ونفسك والشيطان هو صعب بس إنك تحاول تنجح وتعدي اهون كتير من انك تقعد ندمان على تفويت الفرصة وتلوم نفسك العمر كله عشان كام شهر ماقدرتش تقوم فيها وتحاسب نفسك وتكون وصمة فشل وجرح في حياتك قوم عشان محدش هيطبطب عليك بعدين أو يقولك معلش ولكن هيعاملوك على اساس انك مسئوول وانك انتي اللي بتدلع هو صعب الكلام ده بس لما يكون واقع وحقيقة هيكون أصعب فقوم وحاول انك تعدي بأي ظرف كان حزين غير حزين عدي وريح نفسك بدي ما بتحاول تموت حاول تنجح وتعدي وإنك حتى لو فشلت تقوم تاني ماحدش هيحط نفسه مكانك ولا حد هيحس بيك بس قوي نفسك بنفسك وإن شاء الله خير وربنا يوفقك
تم النشر الثلاثاء، ٤ نوفمبر ٢٠٢٥
مرحباً عزيزتي، أنا معكِ وأتفهم شعوركِ بالضغط والخوف، خاصة مع أهمية الثانوية العامة وتأثيرها الكبير على مستقبلكِ. الخوف الذي تشعرين به شيء طبيعي جداً، لكن مهم جداً أن لا يسمح لأن يسيطر على حياتكِ. دعيني أساعدك خطوة بخطوة لتسيطري على خوفكِ وتتمكني من تحقيق النجاح: فهم الخوف ومصدره الخوف غالباً يكون نتيجة القلق من الفشل أو الخوف من المجهول. حاولي تكتبي ما يزعجكِ بالضبط، هل هو صعوبة المواد؟ الضغط من الأهل أو نفسك؟ عندما تحددي مصدر الخوف، يصبح التحكم به أسهل. تقسيم المهمة إلى أجزاء صغيرة بدل ما تفكري في كل المواد معًا بشكل مرعب، ركزي على مادة واحدة أو جزء صغير من المادة كل يوم. النجاح في خطوة صغيرة يعطيكِ شعور بالإنجاز ويقلل التوتر. تنظيم الوقت استخدمي جدول يومي بسيط تنظمي فيه وقت الدراسة والراحة. حتى لو كان وقت الراحة 10 دقائق فقط، لكنه مهم لتجديد طاقتكِ. إعطاء النفس فرصة لا تضغطي على نفسك مثالية من البداية، بل امنحيها فرص صغيرة للنجاح حتى تبني ثقتكِ تدريجياً، مثلاً تراجعي جزء صغير من المادة وتنمي نفسكِ بالثناء على التقدم الذي تحققينه. تغيير طريقة التفكير بدل ما تقولي "أنا ممكن أموت لو لم أنجح" جربي تقول "سأبذل جهدي لأحقق ما أستطيع، والله معي". التفاؤل هذا يعطي طاقة إيجابية ويقلل الخوف. طلب الدعم لو شعرتِ أن الأمور صعبة جداً، يمكنكِ التحدث مع مرشدة المدرسة، أو استشارة خبير نفسي عبر منصات متخصصة. في فدني يمكنكِ أيضًا البحث عن خبراء نفسيين أو مدربين حياة لمساعدتك. الحفاظ على صحتك النفسية والجسدية النوم الجيد، التغذية الصحية والتمرين الخفيف حتى لو بسيط يساعدون كثيرًا في تحسين المزاج والطاقة. أتفهم أنكِ تحسي بأن الوقت ضيق، لكن شهر كافٍ لو وضعتِ خطة منظمة مع إرادة صلبة. تذكري أن الله سبحانه وتعالى يحب المستعينين به، فاطلبي العون منه دائمًا بالدعاء والاستعانة. وأخيراً، لا تترددي في العودة لطرح أسئلة هنا في فدني أو تصفحي تجارب فتيات أخريات مررن بما تمرين به، هذا سيساعدك على الشعور بأنك لستِ وحدك وأن هناك من فهمكِ ودعمكِ. هل تودين أن أساعدكِ في إعداد جدول دراسي يناسبك أو تخفيف ضغط مادة معينة؟ أنا معكِ!
تم النشر الاثنين، ٣ نوفمبر ٢٠٢٥
لعرض السؤال في فدني اضغط هنا