السلام عليكم ورحمة الله وبركاته
انا دائما بحس اني مستحقش الحب يعني انا مخطوبة بحس ان لو شفت بنت كويسة بقعد اتخيل ان هي لخطيبي يعني هو يستحقها هي مش انا
الموضوع اتكرر كتير
هل الاحساس ده له علاج
مع العلم ان اهلي مش بيهتموا بمتطلباتي كأولوية الحمد لله بشتغل وبحاول اصرف لنفسي اللي محتاجاه
السلام عليكم، ممكن السبب في شعورك مشكلة في تربية الأهل لك وممكن يكون أسباب تانية ناتجة من سنين حياتك وتجاربك مع اللي حولك. الأكيد إن فيه مشكلة في نظرتك لنفسك وثقتك بها. محتاجة تشتغلي على ده. أنتِ أولا مش محتاجة تستمدي الحب والاستحقاقية من الآخرين، لكن لو فقدتِ استمداد ده من نفسك صعب جدا تاخديه من حد تاني. لازم تتعلمي تحبيها هي وتساعديها تكون أفضل وكل ما أنجزتِ في حياتك وغيرتِ في نفسك هتحسي بفرق وثقتك بنفسك هتزيد. خليني أؤكد على نقطة مهمة، إحساسك بنفسك بيوصل للآخرين من غير ما تحسي. متفتكريش إن خطيبك مش هيوصله إحساسك بعدم الاستحقاقية وهيعاملك بعد كده على أساسه. اللي حولنا بيشوفوا انعكاس اللي جوانا وبيعاملونا على أساسه، هتعاملي نفسك وتبصي لها إنها قليلة اللي حولك هيلقطوا الإحساس ده ويعاملوكِ به فهتحسي بقلة تقدير وعدم حب أكتر فتزيد الصورة السلبية اللي بتعكسيها لهم وهتفضلي في دائرة مغلقة مش هيكسرها غير تغيرك أنتِ. ذكية قالت لك بعض الحلول والتجارب السلوكية اللي تقدري تطبقيها وإن شاء الله حد من الخبراء يجاوب على سؤالك ويفيدكِ بطرق أكثر تخصصًا تفيدك بإذن الله. بالتوفيق.
تم النشر الثلاثاء، ٢٥ نوفمبر ٢٠٢٥
وعليكم السلام ورحمة الله وبركاته، مرحباً بكِ — أنا ذكية. شكراً لثقتك بمشاركتك هذا الشعور. أولاً أريد أطمئنك: ما بتحسيش بمشكلة غريبة أو نادرة — كثير من الناس بيمرّوا بمشاعر عدم الاستحقاق أو القلق من فقدان الحبيب، خصوصاً إذا كانت ذاكرة الإهمال من الأسرة موجودة. والخبر الجيد: هذه المشاعر قابلة للتحسّن والعلاج بخطوات عملية وصبر. لماذا بتحسي كده (باختصار) - التجارب المبكرة (مثل عدم شعورك بالأولوية عند أهلك) بتأثر على قيمة الذات. - الأفكار التلقائية (مثلاً "هو ممكن يحب واحدة أحسن مني") بتتكرر وتغذي القلق. - الخيال المتكرر عن خطيبه مع بنات تانيين ممكن يكون تعبير عن خوف فقدان أو شعور بعدم الأمان. خطوات عملية تساعدك تبدأي بيها 1. ابدئي بتدوين أفكارك ومواقفها: كلما جاتك فكرة مثل "هي أحسن مني" اكتبيها مع الدليل الذي يدعمها والبرهان الذي ينفيها. هذا يساعدك تميّزي بين واقع وأفكار سلبية. 2. أجري "تجارب سلوكية" بسيطة: لما تطيح فكرة الشك، سجّلي سلوك الخطیب تجاهك في فترة أسبوع (تصرفات صغيرة: اهتمام، كلام، أفعال). ستتفاجئي أحياناً أن الدليل الواقعي أكثر عدداً من الأفكار. 3. حاوريه بلطف وصدق: اختاري وقت هادئ وبدون اتهام. استخدمي عبارات "أنا أحسّ..." بدل "أنت تفعل..." وشاركيه أمثلة محددة لما يقلقك واطلبي منه كيف ممكن يطمنك عملياً (مثلاً تواصل، مشاركة خطط، حدود واضحة). 4. حددي توقعات مشتركة وحدود واضحة في الخطوبة: اتفقا على ما تتوقعان من بعض، وما الأمور التي تسبب قلق الطرفين. الوضوح يخفف التخمينات. 5. اعملي على بناء قيمتك من الداخل: ذكّري نفسك بإنجازاتك، بالمجهود اللي بتعمليه، وبالصفات الحلوة فيك. اطلبي من نفسك تقدير بسيط كل يوم (قائمة قصيرة: 3 أشياء حلوة فيّ). 6. خففي المحفزات: إذا في حسابات أو مواقف على السوشال ميديا أو في محيط تزيد قلقك، قلّلي انك تتعرضي لها حتى تستطيعي بناء ثقتك. 7. لو الأفكار متطفلة وتؤثر على نومك أو شغلك أو علاقتك بشكل كبير — فالمراجعة لدى أخصائية نفسية أو مرشدة زوجية مفيدة جداً. العلاج المعرفي السلوكي فعال جداً لمثل هذه الحالات. من الناحية الدينية والروحية - الاستعانة بالله والدعاء وقراءة القرآن تعطي راحة نفسية للكثيرين. تذكّري أن القيمة عند الله لا تُقاس بقبول الآخرين فقط. - السعي لتحسين النفس والعمل على الصلاح والتخلق الحسن يعزز الثقة ويجذب تعاملات أفضل من الشريك. ماذا لو احتجتِ مساعدة عملية الآن؟ - إذا رغبتِ بمساعدة متخصصة (مرشدة نفسية أو مستشارة علاقات)، أنصحك تتصفحي صفحة الخبراء على Fedni — فيها متخصصات ممكن يأخذن معك جلسات شخصية. ختاماً: الشعور بعدم الاستحقاق قابل للتغيير. كوني لطيفة مع نفسك، وامنحي العملية وقتاً.
تم النشر الاثنين، ٢٤ نوفمبر ٢٠٢٥
انتى كدة عندك قلة ثقة بنفسك ودى حاجة غلط كل شخص ليه مميزات وليه عيوب وانتى كدة بتشوفى عيوبك بس بانك متستحقيش دة او دة ممكن بسبب ان اهلك مش مهتمين بيكى فدة بيهيألك المشاعر دى تجاه نفسك لازم تقعدى مع نفسك ولو لمدة ساعة هتلاقى انك بتعملى حاجات انتى مش بتفتكريها لمجرد انك بتوهمى نفسك وخلاص وهتلاقى ان الحاجات دى بتحبب الناس فيكى لازم يبقى عندك ثقة بنفسك انتى ليه مسالتيش نفسك خطيبك مكمل معاكى اكيد علشان حبك و شايفك احسن من الانسانة اللى بتقارنى نفسك بيها و هتلاقى الانسانة دى ليها عيوب بردو مش كلنا برفكت او كاملين الكمال لله وحده و نصيحتى ليكى من اختك لو هتغيرى من نفسك تتغيرى للاحسن علشان نفسك مش علشان حد وافتكرى جملتى كلنا لينا مميزات و عيوب نغير من عيوبنا علشان نفسنا مش علشان حد و اقعدى مع نفسك شوية بعيد عن الدوشة و كلام الناس اللى بيبقى ملهوش فايدة علشان هما اللى يبقزا كاملين ف نظرهم علشان حاسين بالنقص فبيبينوا او بيخترعوا عيوب للناس اللى قدمهم
تم النشر الثلاثاء، ٢٥ نوفمبر ٢٠٢٥
انصحك تسمعي سلسلة الدكتور عماد رشاد عثمان عن الالم و الماضي
تم النشر الثلاثاء، ٢٥ نوفمبر ٢٠٢٥
شكرا جدا ❤️
تم النشر الثلاثاء، ٢٥ نوفمبر ٢٠٢٥
اي سبب انعدام الثقة .. هل كان في قسوة أو اهمال في الطفولة
تم النشر الخميس، ٢٧ نوفمبر ٢٠٢٥
حاضر شكرا
تم النشر الثلاثاء، ٢٥ نوفمبر ٢٠٢٥
لعرض السؤال في فدني اضغط هنا