ماما من النوع الصعب تتعامل معاها بس في نفس الوقت في جانب حنين و نادرا لما يظهر حاليا نفسيتي ادمرت بسبب القعده في البيت لان كل شويه خناقات و زعيق و انا تعبت و اتخنقت قولت خلاص هنزل اشتري لنفسي حاجه و اقعد في اي كافيه و اقرا روايه من رواياتي و اهو اخرج من خنقه البيت بقول لماما انا هنزل اشتريلي حاجه و اتمشي شويه قالتي لا و مش راضيه تخليني انزل غير يا اما اخد اخويا معايا او بابا او هي تيجي معايا و مش ببقي مرتاحه و انا قاعده معاهم في حته ببقي مخنوقه و مضايقه من وجودهم معايا لانهم هما السبب في كل حاجه في نفسيتي اللي ادمرت في اني حبيت حد عشان كان بيحتويني الاحتواء اللي معرفتش اخده مع اهلي هما السبب في ان مختاره دلوقتي تخصص انا مش عيزاه هما السبب في ان حلمي اني ادخل كليه فنون جميله يبقي بالنسبه لي مستحيل لانهم هما اللي بيتحكموا فيا و في قراراتي انا بجد زهقت 💔😭😭
طبيعة الأهل المتحكمين بزيادة بتيجي أوقات كتير من خوف مرضي أو رغبة في السيطرة بدافع مصلحتك بس النتيجة للأسف بتكون عكسية وبتدمر نفسيتك زي ما حكيتي. وعشان تقدري تتعاملي مع الوضع ده بأقل خسائر نفسية ، التعامل مع خنقة البيت والتحكم دخول حد وسيط: طالما ماما وبابا قافلين عليكي، شوفي حد هما بيحترموا رأيه وبيثقوا فيه (خال، خالة، عم، أو جدة) ويكون متفهم، واحكيله إنك مخنوقة ومحتاجة بس مساحة تتحركي فيها أو تنزلي تشتري حاجاتك، وخليه يتوسط لكِ عندهم ،طالما ماما بترفض نزولك لوحدك، وافقي مؤقتاً إن أخوكي ينزل معاكي أو تروحي مع بابا، المهم تخرجي من جدران البيت وتغيري جو، ومع الوقت لما يطمنوا إنك بتنزلي وترجعي ومفيش مشاكل، ابدأي اطلبي النزول لوحدك بالتدريج مثلاً مشوار لآخر الشارع ، مش كل خناقة في البيت لازم تدخلي فيها أو تردي عليها. وفري طاقتك النفسية، ولما تلاقي الجو مشحون وزعيق، انسحبي فوراً وروحي أوضتك، البسي سماعاتك واسمعي حاجة بتحبيها، أو اقرأي رواية وافصلي عنهم تماماً، هما رفضوا كلية فنون جميلة، وده وجعك؛ بس حاولي تشوفي الكلية اللي أنتي فيها دلوقتي كـ "وسيلة" مش نهاية المطاف. تقدري تدرسي مجالك الحالي وتنمي موهبتك في الفنون بكورسات وورش برة أو أونلاين، وتثبتي نفسك فيها وتشتغلي بيها كمان بعدين. حتة إنك حبيتي حد عشان بس تلاقي الاحتواء اللي ناقصك في البيت دي نقطة خطر جداً يا حبيبتي. الخروج من ضغط الأهل لـ ارتباط سريع بدافع الهروب ممكن يخليكي تختاري شخص غلط يضغطك أكتر. لازم تكوني واعية لده، واختاري صح عشان نفسك مش عشان تهربي من أهلك.انتي قوية والظروف دي فترة وهتعدي لما تخلصي دراستك وتبدأي تعتمدي على نفسك وتشتغلي، ساعتها هتكون ليكي مساحتك واستقلاليتك اللي بتحلمي بيها
تم النشر الأربعاء، ١ يوليو ٢٠٢٦
أنا فاهمة إنك تعبانة جدًا ونفسيتك مدمرة من الخناقات والسيطرة المستمرة، وده طبيعي إنك تحسي بالاختناق لما كل حاجة في حياتك بتتحكم فيها. أمك صعبة في التعامل بس فيها جانب حنين، وده بيخلي الموضوع أصعب لأنك مش قادرة تفهمي السبب ورا الرفض ده. خلينا نفكر مع بعض في خطوات عملية تساعدك تتعاملي مع الموقف بدون ما تزودي التوتر. أول حاجة، حاولي تتكلمي معاها بهدوء في وقت مناسب مش لما تكوني زعلانة أو هي متضايقة. قوليلها إنك بتحبيها وبتقدري حنانها، وبعدين عبري عن شعورك بطريقة شخصية زي: "أنا بحس إني محتاجة أخرج لوحدي عشان أرتاح وأفكر، وده مش معناه إني مش عايزاكم معايا، بس نفسي أتعلم أعتمد على نفسي شوية." ركزي على بناء الثقة، يعني ابدئي بخروجات قصيرة ومحددة (زي شراء حاجة قريبة) وارجعي في الوقت المتفق عليه عشان تثبتي إنك مسؤولة. ده ممكن يخفف مخاوفها تدريجيًا، خاصة إن في ثقافاتنا الأمهات بيخافوا على بناتهم من الخروج لوحدهم. تاني حاجة، ركزي على نفسك جوا البيت دلوقتي عشان متدمريش أكتر. خصصي وقت يومي لقراءة رواياتك أو رسم لوحات صغيرة (حتى لو تخصصك مش اللي نفسك فيه) عشان تحافظي على حلمك. وادعي ربنا ييسرلك الأمور ويصلح قلب أمك، لأن الصبر والدعاء بيساعدوا في تخفيف الضغط. لو الموضوع مستمر ومأثر على صحتك النفسية، فكري في طرق تانية زي الاشتراك في نشاط أونلاين أو مجموعة دراسية قريبة من البيت عشان تخرجي بدون ما تثيري جدال كبير. أنتِ مش لوحدك في الشعور ده، كتير من البنات بيمرروا بمواقف مشابهة مع أهاليهم، وابحثي عن أسئلة مشابهة على فدني عشان تشوفي تجارب تانية. خدي خطوة صغيرة النهاردة وهتلاقي الأمور بتتحسن شوية بشوية، أنتِ قوية وهتقدري تتجاوزي ده. 💕
تم النشر الثلاثاء، ٣٠ يونيو ٢٠٢٦
طبعا الحل مش بضغطة زر هتتغير حياتك ومتفكريش في ان حياتك تكون مثالية لأن مفيش حياة كده ... ولكن عليكي بالتأقلم وانك تختاري الطريق الصح وهو طريق ربنا وانك لو بإذن الله ربنا رزقك أبناء فمتبقيش نسخة مؤذية مكررة معاهم
تم النشر الجمعة، ٣ يوليو ٢٠٢٦
لعرض السؤال في فدني اضغط هنا