السلام عليكم
لما اتخرجت من الجامعه خالي شغال في ألمانيا وجبلي عقد عمل هناك بعدها بفتره اتقدملي شخص كويس جدا ووافقت ومكنش عنده اي مانع في الشغل الخطوبه قعدت خمس شهور
بعد كتب الكتاب تاني يوم اتكلم على موضوع الشغل والسفر وقال اني مش هسافر عشان بقيت متجوزه وعلى ذمه راجل وكده اختلفت معاه وقلتلو انو مكنش عندو مانع قالي انا مجبش سيره السفر ده معناه انو كان مستني دليل رسمي عشان يمنعني من السفر
قالي انا شغلي في مصر ومش هسيب شغلي وأسافر معاكي عشان اكون جنبك في شغلك وانك في بلد غريبه وقلتلو انا مينفعش اسيب الشغل قالي انو هيطلع أمر قضائي امنعك من السفر عشان بدون إذن الزوج وانا مش موافق بعدها
خدت رأيي أهلي قالولي عنده حق ويا بنتي بعد الجواز إن شاء الله تلاقي شغل في بلدك وسيبت الشغل بعد الجواز فتحتو في الموضوع ومش موافق على الشغل قالي مطلبتش منك انك تشتغلي خصوصا انتي ست متجوزه ومعاكي طفلين بيتك اهم يعني
انا مضايقه جدا ومش عارفه اي الصح واي الغلط في الموضوع ولما بيكلمني كده بضايق اووي ومش عارفه هو فعلا اي راجل مكانو هيعمل كده ولا هو بيتحكم فيا ولا اي بظبط
ممكن حد يقولي تفسير منطقي للموضوع وهل هو صح ولا لا
السلام عليكم ورحمه الله وبركاته. خلينا نبص على القاعده الاساسيه بتاعتنا القاعده الاساسيه هي انه في مراحل حياتنا بتختلف الاولويات بتاعتنا بتختلف اختياراتنا ممكن البنت تكون قبل الزواج اختارت انه يكون اكثر حاجه هتملا حياتها هي الشغل فتكون رقم واحد في اولوياتها هي تطورها لنفسها او تطوير جزئيه مهنيه في حياتها وارد جدا انه ده يستمر بعد بعد الجواز لانه مش هيكون بياثر على الاولويات الاخرى فعادي جدا ان هي هتستمر بشكل متوازي ومتوازن انها تكون مكمله في شغلها بكل ظروفه وفي نفس الوقت تكون بتدي الحاجات اللي ليها الاولويه حقها بشكل متوازن وم. ظبوط وما فيش تاثير على ده لكن لما نيجي هنا نبص ان احنا بننتظر خلال الحياه ان نكون ماشيين في كل حاجه زي ما احنا بادئينها بدون اي تغييرات ده بيمثل صدام في الحياه لما الام تبقى متخيله انه وهي بنت لسه وهي مثلا ما بداش عندها حمل وتكون بتؤدي مهام معينه وبتقدم مجهود معين لما بيكون في طفل موجود بينمو جواها في اختلافات بتبدا تظهر عندها في ان هي تقدر تعمل ايه او تقدر تؤدي ايه من مهامك اكيد ما بتقديش نفس المهام طب ليه ده بيبقى عادي تقول لا انا مش هقدر اقدم ما هنزل لان انا دلوقتي في حاله حمل فجهدي ما بقاش زي الحاله العاديه وما بنبصش بنفس الطريقه مثلا في كل حاجه في حياتنا عادي جدا ان الام هتكون في وقت ما وهي بتربي اولادها مش هتقدر انها تؤدي في التطوير المهني بتاعها زي الاول مش هتقدر تشتغل في نفس المكان او مش هتقدر تشتغل نفس نوع الشغل يعني كل ما نكون مرينين ونسيب الحياه تاخذ التغيرات بتاعتها الطبيعيه على حسب دلوقتي الحياه موجود فيها ايه ليه اولويه اكثر كل ما ده يخلي الانسان عايش حياته مرتاح لكن لما يكون متمسكين قوي بحاجه وداخل علينا افكار هي في الاساس افكار غربيه اا مش هقول بقى اسلاميه ولا لا او ايه علاقه بالدين ولا لا ولكن هي افكار غربيه حتى غير منطبقه على العادات الخاصه بالبلد بتاعتنا انه همم لما تكون الست متزوجه بتفكر في البيت اكثر اا لما نكون متشاركين. في البيت ونكون ناس متفاهمين ليه ندخل فكره غربيه تيجي تبوظ علينا التفاهم ده اا ليه ما يبقاش انت وزوجك بتفكروا طيب هل الشغل ده هياثر على استقرار البيت ولا لا طيب لا هو ده فعلا ده هياثر على استقرار البيت وانا مش هكون متواجده في البيت فطبعا دي حاجه مش هتكون مناسبه لكل البيت مش بس ليه هو ولا ليكي انت ولا للولاد وبس لازم نبص بشكل شامل ويكون قرارنا في الاخر على قد ما نقدر يكون متوازن ويكون متوسط واا يناسب كل الظروف لكن التمسك بحته واحده كده اللي هو هو ده كده تحكم ولا لا هو كده ده كده سيطره وده فرد سيطره ليه احنا مصممين نحط الموضوع في السياق ده اللي هو هرجع اقول تاني لفكره غربيه غير متصقه تماما مع العادات اا الخاصه ببلدنا وبتربيتنا ف مش دي احسن
تم النشر الاثنين، ٩ نوفمبر ٢٠٢٦
قراره صح . طالما هو راعي البيت ومكفي بيته يبقى مفيش داعي لشغلك ، طلعي طاقتك كلها في البيت وتربية الأطفال .. لإن هذا يرضي الله . ولو حبيتي تشتغلي من البيت أو شغل خاص بالنساء فقط ومش محتاج مجهود كبير ممكن تعرضي عليه الفكرة فيما بعد
تم النشر الأحد، ٤ أكتوبر ٢٠٢٦
انتى انتظرتى لما تجيبى طفلين عشان تتكلمى؟ هو أخد ع انك قاعدة ف البيت طبعا ومش هيساعدك تكبرى عشان هو عارف انك لو اشتغلتى هتقصرى ف البيت والفكر السائد دلوفتى ان الست لو معاها فلوس مش هتحتاج الراجل.. ده غلط طبعا.. بس هما بيفكرو كده
تم النشر الأحد، ٤ أكتوبر ٢٠٢٦
لعرض السؤال في فدني اضغط هنا