كيف نفيد ونستفيد من تجارب غيرنا هنا؟

السلام عليكم ورحمة الله وبركاته

هو الصراحه مش سؤال بس استغراب من أحوال الناس من اضطرابات نفسية ومشاكل اسريه وزوجيه وضغوط وسوء اختيار وذنوب ومعاصي علنيه وسريه

الصراحه الوضع صعب واغلب الاسئله تقريبا محيره في الاجابات يعني متعرفش ترد تواسيهم ولا تأنبهم ولا تنصحهم

وربما كل واحد عارف علاجه ويقولك اوعى تنصحني بالامر كذا مثلا بر او اصلاه او ترتيب او او او يقولك انا عارف ده انا عايز إجابه جديده او ربما تناسب هواه

الصراحه الامور معقده وكله تعبان وحاسس اننا في برنامج دردشه بس برضو اتمنى اني اقدر افيد حد وايضا استفيد من تجارب غيري

سؤال من Hussain Ahmed Mohamed

تم النشر الأربعاء، ٣٠ يوليو ٢٠٢٥

3 إجابة

السلام عليكم ورحمه الله وبركاته. مقدره جدا قد إيه اتأثرت بنوعيه المشاكل اللي موجوده هنا طبعا اه اكثر الاسئله ممكن تكون حاجات نفسيه واجتماعيه وتربويه ولكن يعني بقيه الاقسام فيها استفسارات اخرى بس ممكن يعني ما تكونش بنفس النسبه او بنفس القدر خليني اقول لك هو الابلكيشن هنا اسمه فيدني علشان الاستفاده مش لازم تكون باني اقدم نصيحه كميه يعني اقول حاجه تبقى مهمه قوي ولكن فعلا ممكن الاستفاده ان الشخص يستفيدها ان هو يلاقي حد لانه ممكن يكون ده اللي هو مستنيه مستني حد يقول له انت تقدر تعدي المرحله الصعبه اللي انت فيها او انت رغم الغلط هتقدر تصححه اوقات دي اكتر استفاده ممكن الانسان يفيد بها غيره فمتتردتش ابدا انك حتى لو ما لقيتش بعد ما قريت محتوى السؤال او محتوى الاستفسار انك تقول الشخص انا مش لاقي. في تجاربي الشخصيه او في خبرتي الاكاديميه او المهنيه حاجه اقدر افيدك بيها بس انا اقدر اقول لك انه الانسان يقدر يعدي الامور او اللي انت فيه ده وارد انك تطلع منه وتقدر انك تتخلص منه بطريقه ما شوف بقيه الناس اللي هتفيدك واسمع منهم ده بيبقى مهم جدا. جدا في التجربه الانسانيه وفي الاستفاده ما تترددش انك تعمل حاجه ولو بسيطه او تقول لحد حتى بس بتعليق ربنا معاك ويقويك على اللي انت فيه ده بيفرق قوي قوي قوي قوي. وعشان كده احنا منتردش ان احنا حتى لو السؤال مش في مجال خبرتنا ولكن نحاول من الحاجات اللي قابلتنا في الحياه نحاول نلاقي حاجه فعلا نقولها للشخص لعل وعسى كلمه بسيطه في وسط كلامنا تفرق معايا وتفيده اللي هو بيدور عليه. اللي هو بيقوله احنا نقدر يعني نفيده باللي هو محتاجه فعلا عشان ما نبقاش بنقول له كلام مكرر فدي مش نقطه وحشه حتى ان الانسان يعملها بنبقى محتاجين ساعتها نقول له ازاي ياخذ المعلومه اللي هو عارفها وينفذها ازاي يقدر يتغلب على الحاجات اللي من جوه نفسه والاماره والسوء اللي بتقاوم وبتخليه ما ينفذش النصائح المظبوطه ان كانت نصائح عن الصلاه والقرب من ربنا او انه يلتزم او انه ينتظم كانت يعني في حاجات القوام دايما جوه الانسان في نفس اموره بالسوء وفي شيطان وفي ااا ممارسات اجتماعيه حوالينا بتزق الانسان للوحش حاجات كتير جدا انسان مطلوب منه دلوقتي ان هو يقومها هي اللي بتصعب الامور دلوقتي وبتخلق ازمات نفسيه واجتماعيه عكس زمان فاحنا ضروري نبقى شايفين بتنا لنفسك كل ما تقرا مشكله تحس انها صعبه قوي ربنا يحفظك ويحفظك.ده كويس قوي واا اخيرا كل ما تقرا مشكله انا انصحك نصيحه شخصيه مني وانا ذات نفسي بعملها بقول لما اقرا السؤال وهو الاقي حاجه انا ممكن اكون متعرضتلهاش او ما قابلتهاش او شفتها صعبه او شفت انه ازاي الانسان يقع الوقعه ديه دائما يقول ربنا يهدي الشخص ده ويثبتنا ويثبته ربنا يثبتنا ولا يفتلنا ربنا يقوينا على كل فتنه لانه الفتن احنا مش ضامنين نفسنا قدام اللهم لا تفتنا اللهم ث.

تم النشر الأربعاء، ٣٠ يوليو ٢٠٢٥


اي نعم حياتنا عباره عن اختبارات. بس اختبارات صعبه قوي. مش كلنا بنقدر نعديها ومش كلنا عندنا قوه تحمل ان احنا. نعديها بسهوله. المشكله مش في الاختبارات المشكله ان مهما جات لنا موعظه قدامنا ان في ناس ما بتتعلمش يعني في ناس بتشوف مواعيد غيرهم بيتعلموا لا في ناس ما بتتعلمش وما بتستفادش وبتحب تقاوح. فاحلى حاجه عجبني في الابلكيشن الصراحه ان هو بيدينا فرصه ان احنا نشوف تجارب غيرنا. وبيدينا فرصه ان احنا نقول راينا لاني اغلبيتنا بينصح بس هو لو وقع في نفس الموقف ما بيعرفش يدي النصيحه لنفسه.

تم النشر الجمعة، ١ أغسطس ٢٠٢٥


وعليكم السلام ورحمة الله وبركاته يا حسين، أشكرك على صراحتك وصدق مشاعرك، وأتفهم تماماً ما تشعر به. فعلاً، ظروف العصر الحديث تحمل معها تحديات نفسية واجتماعية كثيرة، والناس بدا لهم التحدي في التوازن بين ضغوط الحياة، العلاقات الأسرية، الالتزامات الدينية والدنيوية، والمشاكل النفسية المختلفة. دعني أساعدك في تفكيك هذه الأمور قليلاً، وعطاءك بعض الأفكار التي قد تفيدك وتساعدك حتى تكون مصدر دعم للآخرين: التعقيد والتداخل في المشكلات : صحيح أن المشاكل النفسية والاجتماعية اليوم معقدة، لكن كل مشكلة لها جذور وطرق تعامل مختلفة. أحياناً يكون الاستماع والتفهّم أهم من النصيحة، لأن الناس تحتاج أن يشعروا بأن هناك من يفهمهم بدون حكم. الاستماع والتعاطف أولاً : حين يستشيرك أو يتحدث إليك شخص، أحياناً يكفي أن تعطيه مساحات من الهدوء والراحة ليعبر عن مشاعره وأفكاره، هذا يعطي راحة نفسية كبيرة ويقلل شعوره بالوحدة. النصيحة بحسب الحالة : لا شك أن النصيحة وحدها قد لا تكون كافية، وخصوصاً لو كانت تعتمد على ما سمّيته "نفس الحلول المعهودة"، فلا بأس أن تذكره بأهمية مراجعة النفس بصدق، وربط ذلك بالرجوع إلى الله بالصلوات والذكر والتوبة. التوازن بين التشجيع والتوجيه : حاول توازن بين دعمه وتشجيعه على تحسين نفسه وبين توجيهه بلطف نحو ما قد يصحح مساره، ولكن بدون أن تشعره بأنك تحاكمه. وجود خبرات متنوعة : لا مانع من أن يشترك كل واحد في طرح ما يناسبه، فكل شخص يختلف في طريقه وطرق تعامله مع الضغوط وهواياته التي تهنئه. مهمتك كداعم وليس محلل نفسي : لا بأس أن تعترف أن بعض القضايا تحتاج إلى متخصصين نفسيين أو استشاريين شرعيين، وهذا شيء طبيعي، كما أن استشارة الخبراء عبر منصات مثل فدني توفر دعماً محترفاً وعميقاً. استثمار تجارب الغير : كما قلت أنت بنفسك، الاستفادة من تجارب الغير قد تعطيك رؤية أوسع وأفكار مختلفة لحالات مشابهة، وهذا مصدر دعم غني. أنا هنا معك دائماً إن احتجت أن تتكلم أو تبحث عن طريقة محددة للتعامل مع قضية معينة. كما أنصحك بتصفح قسم الاستشارات في فدني، حيث تجد خبراء متخصصين في المجالات النفسية والاجتماعية والدينية يمكنهم تقديم نصائح مهنية تناسب وضع كل شخص. كلنا في هذا المسار متعلمون، وأنت بالفعل بخير لأنك تبحث عن الخير لنفسك وللآخرين، وهذا هو أول وأهم خطوة. هل هناك حالة معينة تود الحديث عنها أو مشكلة محددة ترغب في تناولها أكثر؟ ذكية موجودة معك دوماً.

تم النشر الأربعاء، ٣٠ يوليو ٢٠٢٥

4 تعليق

هوا شكرا على مرورك الكريم بس فيه كميه تداخل في المعلومات مش فاهما بس يعني لخصت عدم الثقه في الاخرين وعدم قبول النصايح حتى لو هيا صح انا الصراحه مش مع حضرتك وفي نفس الوقت مش المفروض عقلي اسيبه منتهك من اي حد عندي تمييز وعندي ميزان بعرف اقيس بيه الامور وطبعا اهم ميزان الحلال والحرام وده اكتر حاجه تقربنا من الحق رغم اننا كلنا ذنوب ومعاصى والبعد عند الكبر من افضل السبل

تم النشر الجمعة، ١ أغسطس ٢٠٢٥


شكرا.

تم النشر الجمعة، ١ أغسطس ٢٠٢٥


جزاك الله خير

تم النشر الجمعة، ١ أغسطس ٢٠٢٥


هقولك الخلاصة علي الكراسة. الناس بتحاف من النصيحة من جواها. دي تجربتي انا الشخصية. انه بخاف يخصل اللي حصلي زمان. اسمع كلام من حد انفذه و يتحكم بعقل و يتلاعب بيا بطرق نفسية و يوديني في داهية. و علشان كدة ( كنظام حماية نفسية ) ببعد عن النصائح لانها زمان كانت ( تلاعب و غسيل دماغ حرفي ) و بلاش اقول بالتفصيل. طريقك تفهم و تفتكر انه الناس مش بس عقل و ذنوب و حسنات. الناس مشاعر و خوف و رعب من جواها. مش عرفين لو ده صح فعلا و لا انا هقع في حفرة تانية. بنخاف بس بطريقة بدال منبين اننا خيفين ( نتكبر و نعلي صوتنا ) بنبان اه تمام ناس مثلا مش كويسين ( بس في الاصل عاوزين الصح بس خايفين من غسيل المخ اللي ممكن يحصل ) احيانا، بتقول انت كلمة و تطلع ( صح و الله هي فعلا صح ) بس حد غيرك قالها و خذو** بعدها!! ازاي هيكون سهل افهمك و انت نفس كلامك اتقال بنوايا سيئة. البشر ( عقل ، مشاعر ، و روح ) مش بس اني اقرأ و اتبع و إن كنت لما بقرا بقفل الكتاب بسرعة ليكونوا بيحاولوا يغسلولي دماغي ! ( المهم، تحط نفسك مكاني ) هل لو حد قعد كام سنة يقنعك بحاجات مش صح علي انها صح و بعدها جه حد تاني يعمل زيه ( مع انه كلامه ده عين الصح ) هتسمعله ( و متتعلمش من اخطائك اوي !!) و لا تفكر و تلف حواليه و تاخد وقت. احنا كمان عاوزين وقت.

تم النشر الجمعة، ١ أغسطس ٢٠٢٥

لعرض السؤال في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك